អាជ្ញាធរខណ្ឌពោធិ៍សែនជ័យទុកពេល៧ថ្ងៃឲ្យអ្នកសង់សំណង់រំលោភចំណីផ្លូវរុះរើចេញ

រដ្ឋបាលខណ្ឌពោធិ៍សែនជ័យ​ ជូនដំណឹងដល់ប្រជាពលរដ្ឋដែលសាងសង់សំណង់រំលោភលើចំណីផ្លូវមួយខ្សែនៅភូមិអង្គ សង្កាត់ចោមចៅទី៣ ត្រូវរុះរើចេញត្រឹមរយៈពេល៧ថ្ងៃចាប់ពីថ្ងៃជូនដំណឹង។

ការជូនដំណឹងនេះ ធ្វើឡើងនៅពេលក្រុមការងាររដ្ឋបាលខណ្ឌ​ សហការជាមួយរដ្ឋបាលសង្កាត់ចោមចៅទី៣ ចុះវាស់វែងពិនិត្យផ្ទៀងផ្ទាត់ និងបាញ់គំនូសកំណត់ទំហំផ្លូវខាងលើ កាលពីព្រឹកថ្ងៃទី២៧ធ្នូ ដែលមានប្រជាពលរដ្ឋមួយចំនួន​សាងសង់សំណង់រឹងរំលោភយកធ្វើជាកម្មសិទ្ធិផ្ទាល់ខ្លួន។

លោក​ សុទ្ធ​ សុជាតិ​ ចៅសង្កាត់រងទី១​ បានឲ្យដឹងថា​ ផ្លូវបេតុងខាងលេីមានប្រវែង ៨​ម៉ែត្រ​ បណ្តោយ១៥០ម៉ែត្រ​ ស្ថិតនៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

លោក​ សុទ្ធ​ សុជាតិ​ បានបន្តថា​ ដោយមើលឃេីញពីប្រជាពលរដ្ឋមួយចំនួនដែលរស់នៅអមសងខាងផ្លូវបេតុងខាងលេី​ បានសាងសង់សំណង់រំលោភយកចំណីផ្លូវមកធ្វេីជាកម្មសិទ្ធផ្ទាល់ខ្លួន​ ធ្វេីឲ្យប៉ះពាល់សណ្តាប់ធ្នាប់​ ទេីបនៅព្រឹកថ្ងៃទី២៧​ ខែធ្នូ​ អាជ្ញាធរ​ខណ្ឌពោធិ៍សែនជ័យ​ សហការជាមួយសង្កាត់ចោមចៅទី៣​ ចុះវាស់វែងពិនិត្យផ្ទៀងផ្ទាត់ និងបាញ់គំនូសកំណត់ទំហំផ្លូវដេីម្បីឲ្យរុះរេីចេញវិញ​ និងទុករយៈពេល៧ថ្ងៃគិតពីថ្ងៃចុះវាស់វែងតទៅ។ អាជ្ញាធរសំណូមពរដល់ប្រជាពលរដ្ឋសូមចូលរួមសហការក្នុងការរុះរេីបេីកផ្លូវខាងលេីនេះ ចៀសវាងអាជ្ញាធរមានវិធានការក្ដៅ៕

អត្ថបទ៖ សុខា