សន្តិសុខសង្គម
យុវជនម្នាក់ យកដៃច្រត់កែបកង់ ដើម្បីឡើងអង្គុយ បែរជារអិលធ្លាក់ចូលទឹកទន្លេលិចបាត់ស្រមោល
យុវជនវ័យ ១៩ ឆ្នាំ ម្នាក់ ធ្លាក់ចូលទឹកទន្លេបាត់ស្រមោល ខណៈក្រុមគ្រួសារ និងអ្នកនេសាទ ជួយរកជាង ៤ ម៉ោង នៅតែមិនទាន់ឃើញ។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង ៧ យប់ ថ្ងៃទី ៦ ខែតុលា ឆ្នាំ ២០២៥ នៅចំណុចកំពង់ចម្លង ព្រែកលៀប-កោះដាច់ – កោះឧកញ្ញ៉ាតី តាមបណ្ដោយផ្លូវជាតិលេខ ៦ អា ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។
បើតាមការបញ្ជាក់ពីឪពុកជនរងគ្រោះបានប្រាប់ឲ្យដឹងថា មុនកើតហេតុ គាត់ជាមួយនឹងកូនប្រុស ធ្វើម៉ូតូជាមួយគ្នានៅម្តុំបុរីរុងរឿង។ លុះមកដល់វេលាម៉ោងកើតហេតុ គាត់បានធ្វើដំណើរឆ្លងសាឡាងគោលដៅត្រឡប់ទៅផ្ទះនៅឯកោះដាច់ ដោយគាត់ជិះម៉ូតូ ចំណែកឯកូន គឺជិះកង់។ ខណៈពេលដែលឆ្លងសាឡាងបានប្រមាណជា ១០០ ម៉ែត្រ កូនរបស់គាត់បានយកដៃច្រត់កែបកង់ ដើម្បីឡើងអង្គុយ ប៉ុន្តែជាអកុសល ក៏រអិលធ្លាក់ចូលទឹកទន្លេ បណ្តាលឲ្យទឹកកួចយកទៅបាត់ស្រមោលតែម្ដង។ ភ្លាមៗ គាត់បានស្រែកហៅឲ្យគេឯងជួយ ក៏បង្កឲ្យមានការផ្អើលឆោឡោដល់អ្នកនេសាទ រួមទាំងសមត្ថកិច្ចស្វែងរកជាង ៤ ម៉ោង នៅតែមិនឃើញ។
ក្រោយកើតហេតុ សមត្ថកិច្ចមូលដ្ឋានបាននាំបុរសជាឪពុកទៅកាន់ប៉ុស្តិ៍នគរបាលរដ្ឋបាលព្រែកលៀប ដើម្បីធ្វើការសាកសួរបន្ថែម៕
អត្ថបទ ៖ រដ្ឋា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ