កីឡា

ខ្សែប្រយុទ្ធគួរឲ្យចាប់អារម្មណ៍ពូល D ពាន AFC Challenge League លើដីកម្ពុជា

បានផុស

៨ ខែ មុន

នៅ

ថ្ងៃព្រហស្បតិ៍ ១៦ តុលា ២០២៥

ដោយ

ក្លិបទាំង ៤ នៅក្នុងពូល D ពានរង្វាន់ក្លិបអាស៊ី AFC Challenge League សុទ្ធតែមានខ្សែប្រយុទ្ធច្រើននាក់ ប៉ុន្តែពេលនេះ សូមបង្ហាញខ្សែប្រយុទ្ធគួរឲ្យចាប់អារម្មណ៍របស់ក្រុមជើងឯកលីគឡាវ ក្រុមជើងឯកម៉ុងហ្គោលី ក្រុមជើងឯកលីគហ្វីលីពីន និង ក្រុមជើងឯកលីគកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិប Ezra FA របស់ឡាវ

ខ្សែប្រយុទ្ធសញ្ជាតិឡាវ Peter Phanthavong អាយុ ១៩ ឆ្នាំ កម្ពស់ ១.៦៥ ម៉ែត្រ លេចធ្លោនៅក្នុងចំណោមកីឡាករក្នុងស្រុក និងបរទេសរបស់ក្លិប។
ខ្សែប្រយុទ្ធសញ្ជាតិជប៉ុន Ren Yoshioka អាយុ ២៧ឆ្នាំ កម្ពស់ ១.៧៤ ម៉ែត្រ ជាកីឡាករដ៏សំខាន់ម្នាក់ដែលបានរួមចំណែកជួយក្រុម Ezra FC មិនទាន់បរាជ័យឡើយនៅដើមរដូវកាលនេះ។

ពួកគេបានជួយក្រុម Ezra FC ឈ្នះ ៧ ប្រកួតជាប់គ្នា រកបាន ២១ ពិន្ទុ ឈរលើកំពូលតារាង ដោយស៊ុតចូលដៃគូ ២៥ គ្រាប់ ក្នុងនោះត្រូវដៃគូស៊ុតចូល ២ គ្រាប់ប៉ុណ្ណោះ។ ដូច្នេះពួកគេល្អទាំងការពារ និងប្រយុទ្ធ។

ក្លិប SP Falcons របស់ម៉ុងហ្គោលី

ខ្សែប្រយុទ្ធសញ្ជាតិអ៊ូបេគីស្ថាន Reza Ayvazov អាយុ ៣០ឆ្នាំ កម្ពស់ ១.៨៤ ម៉ែត្រ មានបទពិសោធច្រើនលើឆាកអន្តរជាតិ ហើយជាតួសំខាន់ក្នុងការរកគ្រាប់បាល់របស់ក្រុម។
ខ្សែបម្រើប្រយុទ្ធសញ្ជាតិប្រេស៊ីល André Ferreira អាយុ៣១ឆ្នាំ កម្ពស់ ១.៧៤ ម៉ែត្រ ដែលជាតួបម្រើដ៏សំខាន់របស់ក្លិប SP Falcons។

ពួកគេបានជួយក្លិប SP Falcons ឈរលើកំពូលតារាងលីគកំពូលម៉ុងហ្គោលី បន្ទាប់ពីឈ្នះ ៣ ប្រកួត និងស្មើ ២ ប្រកួត ស៊ុតចូលដៃគូ ១២ គ្រាប់ និងត្រូវបានដៃគូស៊ុតចូលតែ១គ្រាប់ប៉ុណ្ណោះ។ នេះគិតត្រឹម ៥ ប្រកួតដំបូង។

ក្លិប Manila Digger របស់ហ្វីលីពីន

ខ្សែប្រយុទ្ធសញ្ជាតិហ្គាំប៊ី កីឡាករ Saikou Ceesay អាយុ ២៥ឆ្នាំ កម្ពស់ ១.៨០ ម៉ែត្រ រកបាន ៦ គ្រាប់នៅលីគហ្វីលីពីន ដើមរដូវកាលនេះ។
ខ្សែប្រយុទ្ធ សញ្ជាតិហ្គាំប៊ី Baboucarr Touray អាយុ ១៩ ឆ្នាំ កម្ពស់ ១.៧៥ ម៉ែត្រ រកបាន ៤ គ្រាប់ នៅលីគហ្វីលីពីនដើមរដូវកាលនេះ។ រូបគេជាខ្សែប្រយុទ្ធវ័យក្មេងកំពុងពេញកម្លាំងល្អ។

ពួកគេបានជួយក្លិប Manila Digger មិនទាន់ស្គាល់បរាជ័យនៅរដូវកាលថ្មីនេះដោយឈ្នះ ៤ ប្រកួត និងស្មើ ១ ប្រកួត មាន ១២ ពិន្ទុ ដោយស៊ុតចូលដៃគូ ២២គ្រាប់ និងត្រូវដៃគូស៊ុតចូល ៧គ្រាប់ កំពុងឈរលើកំពូលតារាងលីគហ្វីលីពីន។

ក្លិបព្រះខ័នរាជស្វាយរៀង

ខ្សែប្រយុទ្ធសញ្ជាតិប្រេស៊ីល Patrick Robson អាយុ ២៧ឆ្នាំ កម្ពស់ ១.៨២ម៉ែត្រ រកបាន ៦ គ្រាប់ហើយនៅលីគកំពូលកម្ពុជាដើមរដូវកាលនេះ។
ខ្សែប្រយុទ្ធសញ្ជាតិហ្គាណា Kwame Peprah អាយុ ២៤ ឆ្នាំ កម្ពស់ ១.៨១ម៉ែត្រ រកបាន ៦ គ្រាប់ហើយនៅលីគកំពូលកម្ពុជាដើមរដូវកាលនេះ។

ពួកគេបានជួយឲ្យក្លិប ព្រះខ័នរាជស្វាយរៀង ឈរលើកំពូលតារាង ដោយមាន ១៥ ពិន្ទុ បន្ទាប់ពីឈ្នះ ៥ និងចាញ់ ១ ដោយស៊ុតចូលដៃ ១៩គ្រាប់ និងត្រូវដៃគូស៊ុតចូល ៤គ្រាប់។ កីឡាករទាំងពីរជាខ្សែប្រយុទ្ធជួរមុខដ៏មានប្រសិទ្ធភាពរបស់ក្លិបជើងឯកលីគកម្ពុជា។

សូមបញ្ជាក់ថា ការប្រកួតសន្សំពិន្ទុពូល D ពានរង្វាន់ AFC Challenge League លើទឹកដីកម្ពុជា ចាប់ពីថ្ងៃទី២៦ ខែតុលា ដល់ទី១ ខែវិច្ឆិកា ឆ្នាំ ២០២៥ នៅពហុកីឡដ្ឋានជាតិមរតកតេជោ៕

អត្ថបទ៖ វីរបុត្រ

Related Topics:AFC Challenge League

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា