កីឡា
កញ្ញា កុយ អេនណា នឹងចូលរួមជួយផ្សព្វផ្សាយកីឡារាំឲ្យមានការគាំទ្រកាន់តែខ្លាំងពីមហាជន
កញ្ញា កុយ អេនណា បង្ហាញភាពសប្បាយរីករាយជាខ្លាំងដែលបានឃើញទិដ្ឋភាពប្រកួតជើងឯកថ្នាក់ជាតិរបស់កីឡារាំដែលមានសកម្មភាពប្រកួតប្រជែងយ៉ាងសកម្ម និងសំបូរធនធានក្មេងៗបន្តវេន ស្របពេលនោះដែររូបគេសន្យាថានឹងជួយចូលរួមផ្សព្វផ្សាយឲ្យមានការគាំទ្រកាន់តែខ្លាំង។
ទិដ្ឋភាពប្រកួត
កញ្ញា កុយ អេនណា ដែលជាទូតសុឆន្ទៈរបស់សហព័ន្ធកីឡារាំបានឲ្យដឹងថា ការប្រកួតជើងឯកថ្នាក់ជាតិនេះប្លែកភ្នែកប្លែកអារម្មណ៍ និងមានការប្រកួតមួយដែលប្រកបដោយបច្ចេកទេសទៅតាមវិញ្ញាសាផ្សេងៗ។ ការប្រកួតមានធនធានថ្នាលចួលរួមច្រើនដែលនេះជាចំណុចល្អមួយលើការបន្តវេន និងត្រៀមប្រកួតតំណាងជាតិលើឆាកអន្តរជាតិ។
កញ្ញា កុយ អេនណា
កញ្ញា បានសន្យាថានឹងចូលរួមជួយពង្រីកផ្សព្វផ្សាយកីឡារាំនេះទៅដល់មហាជនឲ្យស្គាល់កាន់តែច្រើនបន្ថែមទៀត និងយល់ដឹងកាន់តែច្រើនអំពីប្រភេទកីឡាមួយនេះ និងសារសំខាន់ចំពោះរាងកាយ សុខភាព និងការដណ្ដើមជ័យជម្នះជូនប្រទេសជាតិជាដើម។ បន្ថែមពីនេះកញ្ញានឹងកៀងគរជួយរកការឧបត្ថម្ភផ្សេងៗដើម្បីសម្រួលដល់ការហ្វឹកហាត់ និងការចេញទៅប្រកួតនៅឯអន្តរជាតិ។
បញ្ជាក់ដែរថា សហព័ន្ធកីឡារាំបានបិទបញ្ចប់ការប្រកួតជើងឯកថ្នាក់ជាតិប្រចាំឆ្នាំ២០២៥ របស់ខ្លួននៅនៅឯមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ក្នុងបរិវេណវិទ្យាស្ថានភាសាបរទេស IFL។ ប្រធានសហព័ន្ធលោកស្រី ញ៉ែម មរកត កញ្ញា កុយ អេនណា និង ថ្នាក់ដឹកនាំ ភ្ញៀវជាច្រើនបានអញ្ចើញចូលរួមជាអធិបតីភាពឱកាសនោះ។ ចំណាត់ថ្នាក់លេខ១ បានលើក្លឹបកីឡារាំក្រសួងការពារជាតិ ឈ្នះមេដាយ ១៥គ្រឿង មាស៧ ប្រាក់៣ សំរឹទ្ធ៧។ លេខ២ បានលើក្រសួងមហាផ្ទៃ ឈ្នះមេដាយ ១៤គ្រៀង មាស៥ ប្រាក់៦ សំរឹទ្ធ៣។ លេខ៣ បានលើខេត្តបាត់ដំបង ឈ្នះមេដាយ ៧ មាស៣ ប្រាក់២ សំរឹទ្ធ២៕
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ