កីឡា

ក្រុមកីឡារាំ កំពុងប្រកួតយ៉ាងសកម្មនៅវៀតណាម ខណៈពេលនេះឈ្នះមេដាយសំរឹទ្ធ៣គ្រឿងហើយ

បានផុស

២ សប្តាហ៍ មុន

នៅ

ថ្ងៃសុក្រ ១១ កក្កដា ២០២៥

ដោយ

ក្រុមកីឡាករ កីឡាការិនីរាំរបស់កម្ពុជា កំពុងប្រកួតយ៉ាងសកម្មនៅឯប្រទេសវៀតណាក្នុងព្រឹត្តិការណ៍ ជើងឯកអាស៊ី និងជើងឯកអាស៊ីអាគ្នេយ៍ ជាមួយបណ្ដាប្រទេសសរុប ៣៧ ខណៈពេលនេះកម្ពុជាឈ្នះបានមេដាយសំរឹទ្ធ ៣គ្រឿងហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមកម្ពុជាពេលបំពាក់មេដាយ

លោកស្រី ហង់ ស៊ីមន អគ្គលេខាធិការសហព័ន្ធបានឲ្យដឹងថា នៅពេលនេះក្រុមកីឡាករ កីឡាការិនី កំពុងប្រកួតយ៉ាងសកម្មនៅទីនោះរហូតដល់ម៉ោង ៨-៩ យប់ឯណោះទើបចប់។ ដោយសារតែមានការចូលរួមច្រើនរហូតដល់ ៣៧ប្រទេស ខណៈកីឡាករ កីឡាការិនីមានរហូតដល់ ៣០០០នាក់ ដូច្នេះការប្រកួតប្រជែងមានការលំបាក និងកម្រិតខ្ពស់ខ្លាំង។

ក្រុមកម្ពុជាពេលបំពាក់មេដាយ

យ៉ាងណាក្រុមកម្ពុជាក៏បានខំប្រឹងប្រែងខ្លាំងមែនទែនដើម្បីស្វែងរកជ័យជម្នះជូនប្រទេសជាតិ។ គិតមកដល់ពេលនេះកម្ពុជាទទួលបានមេដាយសំរឹទ្ធ ៣គ្រឿងហើយ និងកំពុងប្រកួតបន្តទៀតរហូតដល់យប់ថ្ងៃទី១៣ ខែកក្ដដា ឆ្នាំ២០២៥ ទើបបញ្ចប់។

ទិដ្ឋភាពកីឡារាំ

បញ្ជាក់ដែរថា សហព័ន្ធកីឡារាំកម្ពុជា បានបញ្ជូនប្រតិភូ គ្រូបង្វឹក កីឡាករ កីឡាការិនីចំនួន ២០នាក់ ទៅចូលរួមការប្រកួតជើងឯកអាស៊ី និងជើងឯកអាស៊ីអាគ្នេយ៍ (WDSF Asian-WDSF Southeast Asian Championship 2025) នៅទីក្រុងហូជីមិញ ប្រទេសវៀតណាម។ ការប្រកួតនេះចាប់ពីថ្ងៃទី ៨ ដល់ ១៣ ខែកក្កដា ឆ្នាំ២០២៥។ ប្រទេសចូលរួមសរុប ៣៧ និងមានកីឡាករ កីឡាការិនិសរុប ៣០០០នាក់ចូលរួមប្រកួតប្រជែងក្នុងព្រឹត្តិការណ៍នេះ៕