កីឡា
លោកស្រី ញ៉ែម មរកត លទ្ធផលមេដាយឈ្នះពីវៀតណាមនេះហួសពីការរំពឹងទុករបស់សហព័ន្ធ
លោកស្រី ញ៉ែម មរកត ថាភាពជោគជ័យ និងលទ្ធផលមេដាយសរុប ១៨គ្រឿងពីប្រទេសវៀតណាមនេះលើសពីការរំពឹងទុករបស់សហព័ន្ធទៅទៀត ព្រោះការប្រកួតប្រជែងមានកម្រិតខ្ពស់ខ្លាំងនៅព្រឹត្តិការណ៍ជើងឯកអាស៊ី និងអាស៊ីអាគ្នេយ៍នេះ។
លោកស្រី ញ៉ែម មរកត
ប្រធានសហព័ន្ធកីឡារាំកម្ពុជា លោកស្រី ញ៉ែម មរកត បានឲ្យដឹងថា លោកស្រីរួមទាំងថ្នាក់ដឹកនាំសហព័ន្ធមានសេចក្ដីរំភើបជាពន់ពេកបន្ទាប់ពីកីឡាករ កីឡាការិនីកម្ពុជា ដណ្ដើមបានមេដាយជាច្រើនគ្រឿងនៅព្រឹត្តិការណ៍ឯប្រទេសវៀតណាមនេះ។
ទិដ្ឋភាពពេលមកដល់កម្ពុជា
ថ្នាក់ដឹកនាំឆ្នើមខាងលើនេះលើកឡើងទៀតថា ការប្រកួតជើងឯកអាស៊ី និងអាស៊ីអាគ្នេយ៍នេះប្រជុំដោយជើងខ្លាំងមានសមត្ថភាពខ្ពស់ដែលកីឡាករ កីឡាការិនីខ្លះហ្វឹកហាត់រាប់ឆ្នាំទៅហើយ។ ប្រទេសចូលរួមក៏ច្រើន កីឡាករ កីឡាការិនីក៏ច្រើនទៀត ដូច្នេះហើយការប្រជែងមេដាយគឺមិនងាយស្រួលនោះទេ។
ទិដ្ឋភាពពេលមកដល់កម្ពុជា
យ៉ាងណាក្រុមកីឡារាំកម្ពុជានៅតែអាចធ្វើបាន និងតែងតែនាំមោទកភាព ឬយកមេដាយបានជូនប្រទេសជាតិក្នុងការប្រកួតកម្រិតអន្តរជាតិជានិច្ច។ សហព័ន្ធនឹងបន្តខំប្រឹងប្រែងជំរុញលើការហ្វឹកហាត់ និងស្វែងរកនូវការគាំទ្រផ្សេងៗទៀតដើម្បីបម្រើដល់ដំណើរការចូលរួមប្រកួតដទៃទៀតផងដែរ។
ក្នុងនាមសហព័ន្ធប្ដេជ្ញាស្វែងរកមេដាយឲ្យបានកាន់តែច្រើនទៀតនៅលើឆាកអន្តរជាតិបង្ហាញពីការរីកចម្រើនលើវិស័យកីឡារាំរបស់ប្រទេសកម្ពុជា និងសក្ដានុពលកូនខ្មែរផងដែរ។
ទិដ្ឋភាពទទួលមេដាយនៅវៀតណាម
បញ្ជាក់ដែរថា ប្រតិភូ គ្រូបង្វឹក កីឡាករ កីឡាការិនីកីឡារាំ សរុប ២០នាក់បានវិលត្រឡប់មកដល់កម្ពុជាវិញហើយកាលពីល្ងាចថ្ងៃទី១៤ ខែកក្ដដា ឆ្នាំ២០២៥ នេះដោយរថយន្ត។ ក្រុមកីឡារាំកម្ពុជាបានឈ្នះមេដាយសរុប ១៨គ្រឿង មានមាស ៣ ប្រាក់ ៤ និងសំរឺទ្ធ ១១ ពីព្រឹត្តិការណ៍ប្រកួតជ្រើសរើសជើងឯកអាស៊ី និងអាស៊ីអាគ្នេយ៍ (WDSF- Asian South East Asian Championship 2025) នៅវៀតណាម៕
អត្ថបទដោយ៖ នួន ស៊ីណា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»