កីឡា

អង់គ្លេសអនុញ្ញាតឲ្យកីឡាករចាក់វ៉ាក់សាំងរួចធ្វើដំណើរទៅប្រទេសក្រហមបានហើយ

បានផុស

២ years មុន

នៅ

ថ្ងៃសៅរ៍ ២ តុលា ២០២១

ដោយ

កីឡាករបាល់ទាត់នៅលីគកំពូលប្រទេសអង់គ្លេសដែលបានចាក់វ៉ាក់សាំងបង្ការកូវីដ-១៩ពេញដូសត្រូវបានអនុញ្ញាតឲ្យធ្វើដំណើរទៅកាន់បណ្តាប្រទេសដែលស្ថិតនៅក្នុងបញ្ជីក្រហមរបស់ចក្រភពអង់គ្លេសបាន។

ការអនុញ្ញាតនេះគឺសម្រាប់ពេលវេលានៃថ្ងៃឈប់សម្រាកអន្តរជាតិ ដែលកីឡាករត្រូវមានភារកិច្ចទៅជួយក្រុមបាល់ទាត់ជម្រើសជាតិរបស់ខ្លួនក្នុងការប្រកួតអន្តរជាតិ។ ជាមួយគ្នានេះក៏មានការអនុញ្ញាតឲ្យហ្វឹកហាត់ ឬលេងលើទីលាននៅលីគអង់គ្លេសវិញបានពេលពួកគេត្រឡប់ទៅវិញហើយនៅដាច់ដោយឡែក។

ក្លឹបជាច្រើនរបស់ប្រទេសអង់គ្លេសបានបដិសេធឲ្យកីឡាករបស់ខ្លួនធ្វើដំណើរទៅកាន់ប្រទេសក្រហមដូចជា ប្រេស៊ីល និងអាហ្សង់ទីនជាដើមកាលពីខែមុន ហើយលីគអង់គ្លេសកំពុងស្វែងរកជៀសពីស្ថានភាពដូចគ្នានេះដែលធ្វើឲ្យមានការខឹងសម្បារពីសហព័ន្ធបាល់ទាត់ជាតិទាំងនោះដែលត្រូវការកីឡាករទៅលេងក្នុងការប្រកួតអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ច្បាប់ធ្វើចត្តាឡីស័កកូវីដ-១៩តឹងរឹងទាមទារឲ្យអ្នកដែលត្រឡប់ទៅប្រទេសអង់គ្លេសពីប្រទេសបញ្ជីក្រុមត្រូវធ្វើចត្តាឡីស័ករយៈពេល១០ថ្ងៃនៅសណ្ឋាគារ ប៉ុន្តែឥឡូវនេះ កីឡាករនឹងត្រូវបានដាក់ឲ្យធ្វើចត្តាឡីស័កនៅកន្លែងរៀបចំ ហើយអាចចូលហ្វឹកហាត់ ឬលេងលើទីលានបាន។

អ្នកនាំពាក្យរដ្ឋាភិបាលអង់គ្លេសបាននិយាយថា ៖«យើងបានធ្វើការជិតស្និទ្ធជាមួយអាជ្ញាធរកីឡាបាល់ទាត់ដើម្បីឲ្យទទួលបានលទ្ធផលតុល្យភាពទាំងសម្រាប់ក្លឹប និងប្រទេសរបស់កីឡាករ ខណៈពេលកំពុងរក្សាកម្រិតខ្ពស់បំផុតនៃសុខភាព និងសុវត្ថិភាពសាធារណៈ»។

«ការការពារល្អបំផុតរបស់យើងប្រឆាំងនឹងវីរុសគឺការចាក់វ៉ាក់សាំង ហើយវិធានការថ្មីទាំងនោះនឹងត្រូវបានអនុញ្ញាតឲ្យកីឡាករដែលបានចាក់វ៉ាក់សាំងពេញដូសទៅបំពេញភារកិច្ចនៅជម្រើសជាតិរបស់ពួកគេជាមួយនឹងសុវត្ថិភាពបំផុត វិធីសាស្ត្រអនុវត្តជាក់ស្តែងបំផុត ខណៈអនុញ្ញាតឲ្យពួកគេហាត់ និងលេងជាមួយក្លឹបតាមដែលអាចទៅបាន»។

សូមបញ្ជាក់ថា ពេលវេលាឈប់សម្រាកអន្តរជាតិនឹងចាប់ពីថ្ងៃទី៤ដល់ទី១៥ ខែតុលា ហើយក្របខណ្ឌលីគកំពូលអង់គ្លេសនឹងដំណើរការប្រកួតវិញនៅថ្ងៃទី១៦ ខែតុលា៕

ប្រែសម្រួល៖ វីរបុត្រ
ប្រភព៖ Reuters

Related Topics:

Up Next

លោក វ៉ាត់ ចំរើនថា កន្លែងដុតភ្លើងគប់ត្រៀមពិធីបើក-បិទស៊ីហ្គេម២០២៣ នឹងត្រូវធ្វើឱ្យបានរួចរាល់នៅមុនដំណាច់ខែវិច្ឆិកានេះ

Don't Miss

Superbon មានទំនុកចិត្តលើការជួប Petrosyan ថាខ្លួនអត់មានចំណុចខ្សោយ