កីឡា
វីរបុរសមួយថៃ Sam-A ចូលនិវិត្តន៍ពីអាជីពប្រដាល់ជាលើកទី២
Sam-A Gaiyanghadao ឈានដល់ការចូលនិវត្តន៍ពីអាជីពប្រកួតក្បាច់គុនជាលើកទី២ បន្ទាប់ពីចុះកុងត្រាប្រកួតឲ្យសង្វៀន ONE Championship តាំងពីឆ្នាំ ២០១៨ មក។ ផេកផ្លូវការរបស់ ONE បានបង្ហោះថា៖«សូមអរគុណចំពោះការចងចាំជាច្រើនរបស់ Sam-A Gaiyanghadao! គ្រួសាររបស់ ONE សូមជូនពរឲ្យ Sam-A ជួបរឿងល្អៗបំផុតក្នុងជីវិតបន្ទាប់ពីចូលនិវត្តន៍នេះ»។ តាមពិតទៅ Sam-A បានប្រកាសចូលនិវត្តន៍ម្ដងរួចហើយ កាលឆ្នាំ ២០១៦ និងផ្លាស់ទៅប្រទេសសិង្ហបុរី ដើម្បីធ្វើជាគ្រូបង្វឹកនៅក្លិបល្បី Evolve MMA។
អតីតកីឡាករមួយថៃនិងឃីកបុកសីងរូបនេះ ធ្លាប់ថ្លែងថា ៖«ពេលខ្ញុំសម្រេចចិត្តចូលនិវត្តន៍ ខ្ញុំមានអារម្មណ៍ធុញនឹងការប្រកួតនៅប្រទេសថៃ ។ ខ្ញុំចង់ស្វែងរកអ្វីដែលថ្មី។ វាពិបាកសម្រាប់ខ្ញុំក្នុងការស្វែងរកកីឡាករប្រកួតក្នុងទម្ងន់ដូចខ្ញុំ។ ខ្ញុំត្រូវប្រកួតតតាំងនឹងអ្នកធំជាងខ្ញុំ»។ ក្នុងអាជីពប្រកួតរបស់ខ្លួន កីឡាករមានដើមកំណើតមកពីខ្សែសុរិន្ទប្រលូកក្នុង ៣ ប្រភេទទម្ងន់ផ្សេងគ្នាដូចជា Strawweight, Flyweight, និង Bantamweight ជាពិសេស ត្រូវដំឡើងគីឡូទៅប្រកួតជាមួយអ្នកមាឌធំៗ។
យ៉ាងណាក្ដី Sam A ធ្លាប់បង្ហើបថា ការចុះកិច្ចសន្យាប្រកួតឲ្យ ONE Championship នៅឆ្នាំ ២០១៨ គឺជាចំណែកសំខាន់បំផុតនៃកំណត់ត្រាក្នុងជីវិតព្រោះជាស្ថាប័នធំលំដាប់ពិភពលោក និងធ្លាប់គ្រងខ្សែក្រវាត់មួយថៃ ONE Flyweight , ONE Flyweight និងឃីកបុកសីង ONE Strawweight ទៀតផង។ នៅខែ កក្កដា ឆ្នាំ ២០១៩ គឺជាឱកាសចុងក្រោយដែល Sam A បាត់បង់ខ្សែក្រវាត់មួយថៃ ONE Strawweight ទៅកណ្ដាប់ដៃអ្នកចំណូលថ្មី Prajanchai P.K.Saenchaimuaythaigym ក្រោយប្រកួតគ្នា ៥ ទឹកយ៉ាងស្វិតស្វាញ។
គួរដឹងថា Sam-A ឡើងប្រកួតទាំងមួយថៃ និង ឃីកបុកសីងសរុបចំនួន ៤២៧ ដង ក្នុងនោះឈ្នះ ៣៧០ ដង , ចាញ់ ៤៨ ដង និង ស្មើ ៩ដង។ ក្នុងអាជីពរបស់គេធ្លាប់ឡើងប្រកួតសង្វៀនល្បីៗស្រុកថៃ ដូចជា Lumpinee និង Rajadamnern ជាដើម។ គេឈ្នះខ្សែក្រវាត់ពីរខ្សែនៅសង្វៀន Lumpinee នៅឆ្នាំ ២០០៤ និង ២០០៨។ បើគិតត្រួសៗ បុរសវ័យ ៣៨ ឆ្នាំរូបនេះឈ្នះខ្សែក្រវាត់ និងពានឯក្កតជនរហូតដល់ ១៣ មុនពេលប្រកួតចូលនិវត្តន៍កាលថ្ងៃទី ១៩ កុម្ភៈ ឆ្នាំ ២០២២ កន្លងទៅនេះ។ ការចប់ពីអាជីពប្រកួតរបស់ Sam A ត្រូវបានគេមើលឃើញថា នឹងបន្តផ្ដោតលើការងារគ្រូបង្វឹករបស់ខ្លួននៅក្លិប Evolve MMA ឯប្រទេសសិង្ហបុរី និង បណ្ដុះបណ្ដាលកីឡាករថ្មីៗដើម្បីប្រកួតប្រជែងកម្រិតពិភពលោក៕
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%