កីឡា

ចប់ជម្រើសជាតិ ចូលដល់ភារកិច្ចរបស់ក្លិបតំណាងកម្ពុជា ទៅប្រកួតនៅក្រៅប្រទេសម្ដង

បានផុស

៤ years មុន

នៅ

ថ្ងៃព្រហស្បតិ៍ ១៦ មិថុនា ២០២២

ដោយ

ការប្រកួតរបស់ក្រុមជម្រើសជាតិកម្ពុជា បានបញ្ចប់ហើយត្រឹមពាក់កណ្ដាលខែមិថុនា ឆ្នាំ២ ០២២ នេះ ពោលគឺទើបតែបញ្ចប់ការប្រកួតវគ្គជម្រុះជុំចុងក្រោយ ជើងឯកទ្វីបអាស៊ី (AFC Asian Cup 2023 Qualifiers Final Round) នៅប្រទេសឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីភារកិច្ចក្រុមជម្រើសជាតិបានបញ្ចប់ ភារកិច្ចថ្មីមួយទៀតនៅលើឆាកអន្តរជាតិគ្រោងនឹងបន្ត ជាក់ស្ដែង គឺការប្រកួតពានរង្វាន់ក្លិបបាល់ទាត់លំដាប់ទី ២ ប្រចាំទ្វីបអាស៊ី (AFC Cup) ឆ្នាំ ២០២២ ដែលមានក្លិប ២ តំណាងកម្ពុជា ទៅចូលរួមការប្រកួតនោះគឺ ភ្នំពេញក្រោន និងវិសាខា។

ការប្រកួត AFC Cup ឆ្នាំ ២០២២ វគ្គជម្រុះក្នុងពូល ប្រចាំតំបន់អាស៊ាន នឹងចាប់ផ្ដើមពីថ្ងៃទី ២៤ ដល់ថ្ងៃទី ៣០ ខែមិថុនា ឆ្នាំ ២០២២ ដោយក្លិបភ្នំពេញក្រោន (ម្ចាស់ជើងឯកលីគកំពូលកម្ពុជា ២០២១) ស្ថិតនៅពូល I ជាមួយក្រុមម្ចាស់ផ្ទះទឹកដីកណ្ដាលប្រទេសវៀតណាម Viettel FC, Hougang United របស់សិង្ហបុរី និង Young Elephants របស់ឡាវ។

ប្រកួតទី ១ ជួប Hougang United នៅថ្ងៃទី ២៤ ខែមិថុនា វេលាម៉ោង ៩ យប់

ប្រកួតទី ២ ជួប Viettel FC នៅថ្ងៃទី ២៧ ខែមិថុនា វេលាម៉ោង ៥ ល្ងាច

ប្រកួតទី ៣ ជួប Young Elephants នៅថ្ងៃទី ៣០ ខែមិថុនា វេលាម៉ោង ៩ យប់

ដោយឡែកក្លិបវិសាខា (ម្ចាស់ជើងឯកពានសម្តេចតេជោ ហ៊ុន សែន ២០២១) ស្ថិតនៅពូល G ជាមួយក្រុមម្ចាស់ផ្ទះទឹកដីកណ្ដាលប្រទេសឥណ្ឌូនេស៊ី Bali United, Kedah Darul Aman របស់ម៉ាឡេស៊ី និងក្លិប Kaya-Iloilo របស់ហ្វីលីពីន។

ប្រកួតទី ១ ជួប Kaya-Iloilo នៅថ្ងៃទី ២៤ ខែមិថុនា វេលាម៉ោង ៥ ល្ងាច

ប្រកួតទី ២ ជួប Bali United នៅថ្ងៃទី ២៧ ខែមិថុនា វេលាម៉ោង ៥ ល្ងាច

ប្រកួតទី ៣ ជួប Kedah Darul Aman នៅថ្ងៃទី ៣០ ខែមិថុនា វេលាម៉ោង ៩ យប់

ទាំងភ្នំពេញក្រោន និងវិសាខា ត្រូវការឈរកំពូលតារាងដាច់ខាតដើម្បីអាចឡើងទៅប្រកួតវគ្គបន្ត ប៉ុន្តែប្រសិនបើទទួលបានចំណាត់ថ្នាក់លេខ២ ក៏ងាចនឹងមានឱកាសដូចគ្នា នាមជាក្រុមលេខ២ល្អ។

គួរបញ្ជាក់ថា កម្ពុជា មានក្រុមតំណាង ២ ចូលរួម ក្លិបភ្នំពេញក្រោន (ម្ចាស់ជើងឯកលីគកំពូលកម្ពុជា ២០២១) បានកៅអីស្វ័យប្រវត្តិវគ្គចែកពូល ខណៈក្លិបវិសាខា (ម្ចាស់ជើងឯកពានសម្តេចតេជោ ហ៊ុន សែន ២០២១) ដើមឡើយត្រូវប្រកួតជម្រុះ តែដោយសារមានការដកខ្លួនរបស់ក្រុមមីយ៉ាន់ម៉ា ទើបធ្វើឱ្យទទួលបានកៅអីប្រកួតវគ្គចែកពូលដោយមិនបាច់ជម្រុះ។

កម្ពុជា បានកៅអីចូលរួមប្រកួតពានរង្វាន់នេះលើកដំបូងនៅឆ្នាំ ២០១៧ ដោយបឹងកេត បានប្រកួតវគ្គចែកពូលមុនគេ៕

អត្ថបទ៖ មន្នីរ័ត្ន