កីឡា
សប្ដាហ៍រំភើបនៃពានរង្វាន់សម្តេចតេជោ ហ៊ុន សែន វគ្គ ១៦ ក្រុមចុងក្រោយថ្នាក់ជាតិ បានចូលមកដល់ហើយ
ការប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី ១៦ ឆ្នាំ ២០២២ បានឈានដល់វគ្គថ្នាក់ជាតិ (១៦ក្រុមចុងក្រោយ) ឬអាចនិយាយបានថាជាវគ្គរំជើបរំជួល ជាផ្លូវការនៅសប្ដាហ៍នេះ បន្ទាប់ពីប្រកួតវគ្គជម្រុះជាច្រើនវគ្គតាំងពីចុងខែកុម្ភៈមក។
ត្រូវបានចាត់ទុកថាជាវគ្គរំជើបរំជួល ដោយសារវគ្គនេះបណ្ដុំទៅដោយក្រុមខ្លាំងៗ មកពីលីគកំពូលផង និងលីគទី ២ ផង ជាពិសេសរាល់ការប្រកួតនៅក្នុងវគ្គនេះតែងតែមានការរង់ចាំតាមដានទស្សនាច្រើនកុះករ មិនថានៅទស្សនាផ្ទាល់ ឬនៅតាមកញ្ចក់ទូរទស្សន៍ BTV News និងនៅលើទំព័រហ្វេសប៊ុក BTV Cambodia។
ឈានចូលដល់វគ្គ ១៦ ក្រុមចុងក្រោយ (ថ្នាក់ជាតិ) មានក្រុមខ្លាំងៗដូចជាម្ចាស់ជើងឯក ៤សម័យកាល ព្រះខ័នរាជស្វាយរៀង គឺ ២០១១, ២០១២, ២០១៥ និង២០១៧, ក្រុមរងជើងឯកច្រើនជាងគេ ណាហ្គាវើលដ៍ (៧ដង), ក្រុមជើងឯក ៣ សម័យកាល សមាគមកីឡាកងយោធពលខេមរភូមិន្ទ, ម្ចាស់ជើងឯក ២ សម័យកាល ភ្នំពេញក្រោន និងវិសាខា រួមទាំងជើងឯក ១ សម័យកាល បឹងកេត ជាដើម។ ក្រៅពីនេះមាន អង្គរថាយហ្គឺរ និងគីរីង់សុខសែនជ័យ ដែលកំពុងលេងនៅលីគកំពូលកម្ពុជា អមដោយក្រុមមកពីលីគទី២ ៨ក្រុមមានដូចជាក្រុមប្រកួតមិនដែលចាញ់សោះក្នុងលីគ (អគ្គិសនីកម្ពុជា), នគរបាលជាតិ, កោះកុងអេហ្វស៊ី, សូលទីឡូអង្គរ, សៀមរាបអេហ្វស៊ី, អាយអេសអាយ ដង្កោសែនជ័យ, ព្រៃវែង និងអាស៊ីអឺរ៉ុបយូណាយធីត។
នៅសប្ដាហ៍នេះ ពោលគឺនៅថ្ងៃពុធ ទី ២៧ ខែកក្កដា ឆ្នាំ ២០២២ នឹងមានការប្រកួតចំនួន ៤ គូដំបូង សម្រាប់ជើងទី ១ នៃវគ្គ ១៦ ក្រុមចុងក្រោយថ្នាក់ជាតិ នោះគឺ៖
– សូលទីឡូអង្គរ Vs ព្រះខ័នរាជស្វាយរៀង
– សៀមរាបអែហ្វស៊ី Vs វិសាខា
– អាស៊ីអឺរ៉ុបយូណាយធីត Vs ណាហ្គាវើលដ៍
– អាយអេសអាយ ដង្កោសែនជ័យ Vs បឹងកេត
បន្ទាប់ពីបញ្ចប់សប្ដាហ៍នេះរួច ៤គូផ្សេងទៀតនឹងបន្តប្រកួតសម្រាប់ជើងទី ១ នៃវគ្គ ១៦ ក្រុមចុងក្រោយថ្នាក់ជាតិ ដូចគ្នារួមមាន កោះកុងអែហ្វស៊ី Vs អង្គរថាយហ្គឺរ។ ព្រែវែងអែហ្វស៊ី Vs ភ្នំពេញក្រោន។ នគរបាលជាតិ Vs កងយោធពលខេមរភូមិន្ទ។ អគ្គិសនីកម្ពុជា Vs គិរីវង់សុខសែនជ័យ។
ពានរង្វាន់សម្ដេចតេជោ ហ៊ុន សែន ឆ្នាំ ២០២២ មានការប្រកួត៣ដំណាក់កាល និងរូបមន្តខុសពីឆ្នាំមុនៗ។ ដំណាក់កាលទី ១ ការប្រកួតថ្នាក់ខេត្តដែលមាន ១៧ ក្រុមមកពី ២៥ រាជធានី-ខេត្ត។ ដំណាក់កាលទី ២ ក្រុមកំពូលទាំង ៤ នៅថ្នាក់ខេត្ត គឺក្រុមលេខ ១ ដល់ ៤ ត្រូវឡើងមកប្រកួតជម្រុះថ្នាក់ជាតិជាមួយក្រុម៨ នៅលីគទី ២ ដើម្បីយកក្រុម៨ឡើងទៅដំណាក់កាលទី ៣ គឺជាការប្រកួតថ្នាក់ជាតិមួយក្លិបទាំង ៨ ប្រចាំលីគកំពូលកម្ពុជា៕
អត្ថបទ៖ មន្នីរ័ត្ន
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ