កីឡា
ពានសម្តេចតេជោ ហ៊ុន សែន វគ្គ ១៦ ក្រុមចុងក្រោយ នឹងបញ្ចប់ជើងទី ១ នៅល្ងាចនេះ
ការប្រកួតពានរង្វាន់បាល់ទាត់សម្តេចតេជោ ហ៊ុន សែន វគ្គ ១៦ ក្រុមចុងក្រោយ នឹងបញ្ចប់ការប្រកួតជើងទី ១ ទាំងស្រុងនៅថ្ងៃពុធ ទី ០៣ ខែសីហា ឆ្នាំ ២០២២ នេះ ដោយមាន ៤ គូ ដ្បិតកាលពីសប្ដាហ៍មុនមាន ៤ គូរួចមកហើយ។
ក្លិបបាល់ទាត់កោះកុង នឹងបើកទ្វារកីឡដ្ឋានរបស់ខ្លួន វេលាម៉ោង ៣:៣០ នាទីរសៀលនេះ ទទួលស្វាគមន៍ក្រុមភ្ញៀវ ក្លិបបាល់ទាត់អង្គរថាយហ្គឺរ។ ការប្រកួតចាត់ទុកថានឹងជក់ចិត្តផងដែរ ដ្បិតបើនិយាយពីកម្រិតកីឡាករខ្មែរ គឺប្រហាក់ប្រហែលគ្នា។ ការប្រកួតនេះមានផ្សាយផ្ទាល់តាម BTV News។ អង្គរថាយហ្គឺរ ធ្លាប់បានលេខ ៣ ម្ដងក្នុងឆ្នាំ ២០១៥ ខណៈកោះកុង ជាក្រុមថ្មីថ្មោង។
ម៉ោងដំណាលគ្នានេះ ភ្នំពេញក្រោន ត្រូវឡើងទៅតទល់នឹងក្លិបបាល់ទាត់ព្រៃវែងអេហ្វស៊ី នៃលីគទី ២ នៅកីឡដ្ឋានខេត្តព្រៃវែង ខណៈការប្រកួតនេះក៏នឹងមានផ្សាយផ្ទាល់តាម BTV News ផងដែរ។ ក្រុមទាំងពីរមានប្រវត្តិល្អរៀងខ្លួននៅក្នុងពានសម្តេចតេជោ ហ៊ុន សែន ពោលគឺភ្នំពេញក្រោន ធ្លាប់ឈ្នះជើងឯក ២ ដង ខណៈព្រៃវែង ធ្លាប់បានលេខ ៣ ម្ដងក្នុងឆ្នាំដំបូងរបស់គេ ដែលកាលនោះយកឈ្នះលើភ្នំពេញក្រោន ផ្ទាល់តែម្ដងដោយលទ្ធផលមិនគួរឱ្យជឿ ៤-២។
គូដ៏គួរឱ្យចាប់អារម្មណ៍មួយទៀតម្ចាស់ជើងឯក ៤ សម័យកាល សមាគមកីឡាកងយោធពលខេមរភូមិន្ទ (ទ័ព) នឹងត្រូវតតាំងជាមួយម្ចាស់ ក្លិបបាល់ទាត់នគរបាលជាតិ នៅវេលាម៉ោង ៣:៣០ នាទីរសៀលដូចគ្នា នាកីឡដ្ឋាន 7NG (វិហារសួគ៌)។ នគរបាលជាតិ ក៏ជាក្រុមធ្លាប់ឈ្នះពានសម្តេចតេជោ ហ៊ុន សែន ១ លើកផងដែរ កាលពីឆ្នាំ ២០១៤។
គូចុងក្រោយ ក្រុមដែលកំពុងលេចធ្លោនៅលីគទី ២ ក្លិបបាល់ទាត់អគ្គិសនីកម្ពុជា នឹងទទួលស្វាគមន៍ ក្លិបបាល់ទាត់គីរីវង់សុខសែនជ័យ នៅកីឡដ្ឋានអគ្គិសនីកម្ពុជា វេលាម៉ោង ៣:៣០នាទីរសៀល។ អគ្គិសនីកម្ពុជា ធ្វើបានល្អនៅលីគទី ២ ដោយប្រកួតមិនដែលចាញ់សោះ ក្នុងចំណោម ១៣ លើកន្លងមក ដោយឡែកគីរីវង់សុខសែនជ័យ ធ្វើពុំបានល្អនៅលីគកំពូលឡើយ ដោយមិនទាន់រកជ័យជម្នះបាននៅឡើយ។ នៅក្នុងពានសម្តេចតេជោ ហ៊ុន សែន នេះ អគ្គិសនីកម្ពុជា ធ្លាប់ធ្វើបានល្អបំផុតកាលពីឆ្នាំ ២០១៧ គឺទទួលបានចំណាត់ថ្នាក់លេខ ៣ ដោយយកឈ្នះបឹងកេត ដោយបាល់ ១១ ម៉ែត្រកាត់សេចក្ដី។ ដោយឡែកគីរីវង់សុខសែនជ័យ ធ្វើបានល្អបំផុត គឺចំណាត់ថ្នាក់លេខ ៤ កាលពីឆ្នាំ ២០១៣៕
អត្ថបទ៖ មន្នីរ័ត្ន
លោក ថាក់ស៊ីន ជួបជុំបក្សនយោបាយក្នុងរដ្ឋាភិបាលចម្រុះល្ងាចនេះ ស្របពេលនយោបាយថៃកាន់តែតានតឹងខ្លាំង
ឆមាសទី១ ឆ្នាំនេះ ខេត្តបាត់ដំបង ទទួលបានភ្ញៀវទេសចរសរុបជាង ៣៤ ម៉ឺននាក់
រដ្ឋមន្ត្រីព័ត៌មានប្រាប់អន្តរជាតិថា សម្ដេចតេជោ បានលើកកម្ពស់សេរីភាពសារព័ត៌មាន ជំរុញពហុភាគីនិយម ការកសាងសមត្ថភាពវិជ្ជាជីវៈ
អ្នកជំនាញថៃព្រមានពីការគំរាមកំហែងសេដ្ឋកិច្ចធំៗ បើការចរចាពន្ធ ត្រាំ បរាជ័យ
សម្តេចពិជ័យសេនា ទៀ បាញ់ អញ្ជើញពិនិត្យវឌ្ឍនភាព នៃការសាងសង់ “សួនតេជោសន្តិភាព” ខេត្តបាត់ដំបង
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៧ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ១៨ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន