កីឡា

ណាហ្គាវើលដ៍ ហ្វឹកហាត់ទាត់ប៉េណាល់ទី មុនជួបភ្នំពេញក្រោនជើងទី ២ ពានសម្តេចតេជោ ល្ងាចនេះ

បានផុស

៤ years មុន

នៅ

ថ្ងៃពុធ ៣១ សីហា ២០២២

ដោយ

ក្លិបបាល់ទាត់ណាហ្គាវើលដ៍ នឹងបើកទ្វារកីឡដ្ឋានកងយោធពលខេមរភូមិន្ទ ដើម្បីទទួលស្វាគមន៍ក្លិបភ្នំពេញក្រោន ក្នុងជំនួបជើងទី ២ ពានរង្វាន់សម្តេចតេជោ ហ៊ុន សែន ឆ្នាំ ២០២២ ថ្នាក់ជាតិ វគ្គ ៨ ក្រុមចុងក្រោយ ខណៈគ្រូបង្វឹកក្លិបណាហ្គា ថាបានត្រៀមទាំងការទាត់បាល់ ១១ ម៉ែត្រកាត់សេចក្ដីផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃឹម បុរី គ្រូបង្វឹករបស់ក្លិបណាហ្គាវើលដ៍ បាននិយាយដូច្នេះថា៖ «ចំពោះការរៀបចំថ្ងៃនេះ (ម្សិលមិញ) គឺយើងរៀបចំត្រៀម ត្រៀមលក្ខណៈឱ្យបានល្អប្រសើរសម្រាប់ការប្រកួតដ៏សំខាន់ គឺយើងត្រៀមរៀបចំទាំងអស់ ជាពិសេស គឺប៉េណាល់ទីចុងក្រោយផងដែរ ដែលយើងរៀបចំ។»

កាលពីជើងទី ១ ក្រុមទាំងពីរបញ្ចប់ការប្រកួតទៅដោយគ្មានគ្រាប់បាល់ ០-០ ខណៈណាហ្គាវើលដ៍ ហាក់មានឱកាសច្រើនជាង ដូច្នេះនៅជើងទី ២ លោក ឃឹម បុរី រំពឹងថានឹងកែប្រែបាន ហើយនាំមកនូវលទ្ធផលល្អ។

«ចំពោះខ្ញុំគិតថាវាជាលទ្ធផលមួយដែលគួរសម ព្រោះយើងគិតថាឱកាសយើងច្រើន យើងអាចនឹងនឹងឈ្នះ ប៉ុន្តែយើងស្មើ ប៉ុន្តែមិនថ្វីទេយើងធ្វើបានល្អ ការបង្កើតឱកាសមានឱកាសហើយ យើងនៅខ្វះខាតការបញ្ចប់ទី។ យើងនឹងកែប្រែចំណុចមួយចំនួន ជាពិសេសការបញ្ចប់ទីរបស់យើង គឺយើងព្យាយាមធ្វើឱ្យបានល្អជាងហ្នឹងបន្តិច ពីព្រោះយើងឱកាសច្រើន ប៉ុន្តែមិនអាចធ្វើបានសម្រេច។» សម្ដីរបស់អតីតកីឡាករជម្រើសជាតិកម្ពុជា (២០០៧-២០១៥)។

សូមរំឮកថា ការប្រកួតរវាងក្រុមទាំងពីរ នឹងធ្វើឡើងនៅវេលាម៉ោង ៦:៣០ ល្ងាច ខណៈការប្រកួតមានផ្សាយផ្ទាល់នៅលើហ្វេសប៊ុកផេក ហ៊ុន សែន ខាប់ផងដែរ៕

អត្ថបទ៖ មន្នីរ័ត្ន

Related Topics:កីឡាបាល់ទាត់