កីឡា
គ្រូដោនថោនស្ពត សង្ឃឹមនាំមុខមាត់ឲ្យកម្ពុជា លើឆាកអន្តរជាតិសារជាថ្មី
ក្រុមម្ចាស់ជើងឯកពានរង្វាន់បាល់ទាត់ក្នុងសាលថ្នាក់ជាតិ ឆ្នាំ២០២១ (Tiger 2021) ដោនថោនស្ពត (Down Town Sport) បានធ្វើដំណើរទៅដល់ប្រទេសថៃហើយ ដើម្បីត្រៀមតំណាងកម្ពុជា ប្រកួតពានក្លិបបាល់ទាត់ហ្វូតសាលអាស៊ាន (AFF Futsal Cup 2022) នៅទីនោះ។
មុនចាកចេញ គ្រូបង្វឹករបស់ក្រុមដែលបានប្ដូរឈ្មោះពី ឌឺប្លូរវើរីស (The Blue Warriors) មួយនេះ គឺលោក ចេត ច័ន្ទរចនា ដែលជាគ្រូបង្វឹកនៃក្រុមជម្រើសជាតិហ្វូតសាលផងដែរនោះ បានសង្ឃឹមនាំមុខមាត់កម្ពុជា លើឆាកអន្តរជាតិ ក្នុងពានក្លិបបាល់ទាត់ហ្វូតសាលអាស៊ាន សារជាថ្មី។
លោក ចេត ច័ន្ទរចនា បានលើកឡើងឱ្យដឹងថា៖ «យើងធ្វើបានល្អកាលពីឆ្នាំ២០១៩ ដែលក្រុមដោនថោនយើងបានឡើងរហូតដល់ Top 4 ពេលនោះយើងប្រឹងប្រែងអស់ពីលទ្ធភាពខ្លាំងមែនទែន សម្រាប់ពេលឥលូវនេះ យើងក៏បានត្រៀមខ្លួនថាយើងធ្វើម៉េចយកវាឱ្យបាន ដោយសារការលេងជាមួយនឹងកម្រិតអន្តរជាតិយើដឹងថាល្បឿន កម្លាំង បច្ចេកទេស រាងកាយ វាត្រូវការជាខ្លាំង មួយរយៈនេះគឺអ្វីដែលខ្ញុំហាត់ គឺហាត់រួមបញ្ចូលគ្នាទាំងអស់ ព្រោះយើងក៏សង្ឃឹមថា យើងអាចនាំមុខមាត់មកឆាកអន្តរជាតិ ជាមួយនឹងប្រទេសយើងដែរដូចគ្នា។»
«សម្រាប់ក្រុមបាល់ទាត់ដោនថោនស្ពតខ្ញុំ មានការត្រៀមខ្លួនជាខ្លាំង ដូចជាមួយអាទិត្យយើងហាត់រហូតដល់ទៅ ៣ ដងដែរ ហើយមានការប្រកួតមិត្តភាព។» សម្ដីបន្ថែមរបស់ លោក ចេត ច័ន្ទរចនា។
សូមបញ្ជាក់ថា ដោនថោនសពបត (Down Town Sport) ស្ថិតនៅពូល A ជាមួយម្ចាស់ផ្ទះថៃ Hongyen Thakam, Bintang Timur Surabaya របស់ឥណ្ឌូនេស៊ី និង MS ABDB របស់ព្រុយណេ នៃពានក្លិបបាល់ទាត់ហ្វូតសាលអាស៊ាន ឆ្នាំ ២០២២ (AFF Futsal Cup 2022) នៅថៃ ដែលនឹងចាប់ផ្ដើមពីថ្ងៃទី០៤ ដល់ថ្ងៃទី ១០ ខែកញ្ញា ឆ្នាំ ២០២២ នៅខេត្តនគររាជសីមា។
គួររំលឹកថា ដោនថោនស្ពត ធ្លាប់តំណាងកម្ពុជា ទៅចូលរួមពានរង្វាន់ដដែលខាងលើកាលពីឆ្នាំ ២០១៩ ពេលនោះបញ្ចប់ទៅដោយឈរនៅលេខ ៤ ដែលជាកំណត់ត្រាល្អបំផុតមិនធ្លាប់មានសម្រាប់បាល់ទាត់ក្លិបហ្វូតសាលកម្ពុជា៕
អត្ថបទ៖ មន្នីរ័ត្ន
-
ព័ត៌មានអន្ដរជាតិ៦ ថ្ងៃ agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានអន្ដរជាតិ៦ ថ្ងៃ agoលោក Vance ថា ការចរចាជាមួយអ៊ីរ៉ង់ រីកចម្រើនខ្លះៗហើយ
-
ព័ត៌មានជាតិ៦ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
សន្តិសុខសង្គម៥ ថ្ងៃ agoសង្ស័យភ្លើងប្រច័ណ្ឌ ស្រីស្រលាញ់ស្រីយកកាំបិតចុងស្រួចអារកជនរងគ្រោះបណ្ដាលឲ្យស្លាប់ រួចរត់គេចខ្លួនបានជាង៧ម៉ាង
-
ព័ត៌មានជាតិ១ សប្តាហ៍ agoវត្តចំណាស់ៗអាយុរាប់រយឆ្នាំនៅតំបន់អង្គរ ត្រូវបានការពារមិនឲ្យរុះរើសង់ថ្មី
-
កីឡា៣ ថ្ងៃ agoក្រុមកីឡាបាល់បោះ បាល់ទាត់លើតុ រីករាយចំពោះការចូលរួមកាន់តែច្រើនពីវិស័យឯកជនមកលើកីឡានៅកម្ពុជា
-
ព័ត៌មានអន្ដរជាតិ៧ ថ្ងៃ agoកាតព្វកិច្ចយោធានៅវៀតណាម៖ វិន័យដែក និងទណ្ឌកម្មធ្ងន់ធ្ងរ សម្រាប់អ្នកគេចវេះ
-
ព័ត៌មានជាតិ៣ ថ្ងៃ agoផ្លូវបុរាណចំនួន ៧ ខ្សែ អ្នកស្រាវជ្រាវរកឃើញសាងសង់ភ្ជាប់ពីរាជធានីអង្គរទៅតំបន់ឆ្ងាយៗដែនដីអាណាចក្រខ្មែរ