Connect with us

កីឡា

កម្ពុជាបញ្ចូនកីឡា ១២ ប្រភេទទៅហាត់នៅចិនដើម្បីត្រៀមស៊ីហ្គេម

បានផុស

នៅ


កីឡាចំនួន ១២ប្រភេទរបស់កម្ពុជា នឹងចេញទៅហ្វឹកហាត់នៅសាធារណរដ្ឋប្រជាមានិតចិន ដើម្បីត្រៀមខ្លួនសម្រាប់ព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ២០២៣ នៅកម្ពុជា។

បន្ទាប់ពីមានការពន្យាពេលជាច្រើនដង ពេលនេះគណៈកម្មាធិការជាតិ CAMSOC បានសម្រេចថ្ងៃជាផ្លូវការដើម្បីបញ្ចូនអត្តពលិកលើកីឡាចំនួន ១២ប្រភេតទៅហាត់នៅចិនរហូតដល់ស៊ីហ្គេម ២០២៣ ទើបត្រលប់មកវិញ ហើយធ្វើការប្រកួត​តែ​ម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC បានមានប្រសាសន៍ថា ៖«ការងារនេះមានការខកខានយូរពេក ដោយសារតែបញ្ហាកូវីដ ការរឹតត្បិតការចេញចូលនៅចិន អ៊ីចឹងយើងក៏បានពន្យារពេលមកដល់ពេលនេះ ហើយឥលូវនេះយើងទទួលបានគោលការណ៍អនុញ្ញាតដ៏ខ្ពង់ខ្ពស់ពីសម្តេចពិជ័យសេនា ប្រធានគណៈកម្មាធិការជាតិ CAMSOC រួចហើយ ថានឹងអនុញ្ញាតឱ្យចេញឆាប់ៗនេះ ព្រោះពេលវេលាយើងមិនអាចចាំបានយូរ យើងខំពន្លឿននូវកិច្ចការនេះ ដើម្បីឱ្យទាន់ការអភិវឌ្ឍបច្ចេកទេសរបស់គាត់។ អ៊ីចឹងត្រៀមចេញនៅថ្ងៃទី១៥ កញ្ញា​នេះហើយ និងបានការទាក់ទងគ្នាស្រួលបួលអស់ហើយ បើមិនមានអ្វីប្រែប្រួលទេគឺយើងនឹងធ្វើពិធីបញ្ជូនកីឡាករ-កីឡាការិនីរបស់យើង ទៅនៅថ្ងៃទី១៥ នេះហើយ»។

កីឡាសរុបចំនួន ១២ប្រភេទដែលត្រូវចេញទៅហ្វឹកហាត់នៅប្រទេសចិនរួមមាន ប្រតិភូដឹកនាំ ២នាក់, កាយសម្ព័ន្ធ (១១នាក់), យូដូ (៥នាក់), វូស៊ូ (១០នាក់), បាល់បោះ (១៥នាក់), វាយកូនឃ្លីលើតុ (១០), អត្តពលកម្ម (២០នាក់), ចំបាប់ (១៥នាក់), វាយសី (១២នាក់), ហែលទឹក (១១នាក់), លើកទម្ងន់ (១០នាក់), បាល់ទាត់-នារី (២៥នាក់) និងបាល់ទះ (១៥នាក់)។

កីឡាករ-កីឡាការិនី ទាំង ១៥៩នាក់ នឹងធ្វើការធ្វើហាត់រហូតដល់ស៊ីហ្គេម ឆ្នាំ២០២៣ នៅកម្ពុជា តែម្ដង ហើយក្រោយពីការប្រកួតស៊ីហ្គេម ២០២៣ បញ្ចប់ កីឡាករ-កីឡាការិនីកម្ពុជា នឹងត្រលប់ទៅហ្វឹកហាត់បន្តទៀត ដើម្បីបង្រ្គប់កិច្ចសន្យាជំនួយឥតសំណងដែលមានរយៈពេល ២ឆ្នាំ។

ក្នុងជំរំហ្វឹកហាត់ រដ្ឋាភិបាលសាធារណរដ្ឋប្រជាមានិតចិន នឹងជួយឧបត្ថម្ភគាំទ្រដល់ការហ្វឹកហាត់នេះទាំងស្រុង ទាំងសំបុត្រយន្ដហោះ ទាំងការស្នាក់នៅហូបចុក ទាំងការព្យាបាល ទាំងការថែទាំសុខភាពជាដើម៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម