កីឡា
បឹងកេត មានប្រៀបឡើងវគ្គផ្ដាច់ព្រ័ត្រពានសម្ដេចតេជោ ហ៊ុន សែន ខណៈវិសាខា និងភ្នំពេញក្រោន នៅស្រពិចស្រពិល
ការប្រកួតកាន់តែគួរឲ្យចាប់អារម្មណ៍ នៃពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី ១៦ ឆ្នាំ ២០២២ ឈានដល់វគ្គពាក់កណ្ដាលផ្ដាច់ព្រ័ត្រ ជើងទី ២ ហើយ នាថ្ងៃទី ១២ ខែតុលា ដែលថ្ងៃនេះ ជាថ្ងៃកាត់សេចក្ដីរកក្រុមឡើងវគ្គផ្ដាច់ព្រ័ត្រ។
មុនការប្រកួតមកដល់ គេមើលឃើញថា បឹងកេត មានប្រៀបឡើងវគ្គផ្ដាច់ព្រ័ត្រពានសម្ដេចតេជោ ហ៊ុន សែន ជាងអគ្គិសនីកម្ពុជា ខណៈវិសាខា និងភ្នំពេញក្រោន នៅមិនទាន់អាចនិយាយបានច្បាស់ថា ក្រុមណាមានប្រៀបជាង។
អគ្គិសនីកម្ពុជា Vs បឹងកេត ៖
អគ្គិសនីកម្ពុជា បើកទ្វារកីឡដ្ឋានអគ្គិសនីកម្ពុជា វេលាម៉ោង ៣ និង ៣០ នាទីរសៀលនេះ ទទួលស្វាគមន៍ក្លិបបឹងកេត។ ខណៈកាលពីជើងទី ១ បឹងកេត ធ្វើបានល្អខ្លាំង ដោយបានយកឈ្នះដល់ទៅ ៣-០ នៅកីឡដ្ឋានខេមបូឌាអ៊ែវ៉េ។ សម្រាប់ជើងទី ២ នេះ អគ្គិសនីកម្ពុជា ត្រូវធ្វើការធ្ងន់ខ្លាំង ដោយដាច់ខាតព្យាយាមរកគ្រាប់បាល់ឲ្យបាន ៤ គ្រាប់ឡើង ទើបអាចឡើងទៅវគ្គផ្ដាច់ព្រ័ត្រ ខណៈបឹងកេត ស្មើ គឺជាលទ្ធផលដែលគាប់ចិត្ត។
ក្នុងពានរង្វាន់សម្ដេចតេជោ ហ៊ុន សែន ក្រុមទាំងពីរធ្លាប់ជួបគ្នាតែ ២ ដងគត់ គិតទាំងជើងទី ១ ដោយលើកទី ១ កាលពីឆ្នាំ ២០១៧ អគ្គិសនិកម្ពុជា បានយកឈ្នះបឹងកេត ដោយបាល់ ១១ ម៉ែត្រកាត់សេចក្ដី ក្រោយប្រកួតស្មើគ្នា ១-១ ក្នុងវគ្គដណ្ដើមចំណាត់ថ្នាក់លេខ ៣។
វិសាខា Vs ភ្នំពេញក្រោន ៖
ចំពោះគូដែលគេរំពឹងថានឹងតានតឹងខ្លាំង គឺការជួបគ្នារវាង វិសាខា ជាមួយ ភ្នំពេញក្រោន នេះផ្ទាល់តែម្ដង ខណៈកាលពីជើងទី ១ ក្រុមទាំងពីរបញ្ចប់ទៅដោយ វិសាខា យកឈ្នះម្ចាស់ផ្ទះ ភ្នំពេញក្រោន ១-២ នៅកីឡដ្ឋានស្មាតអរអេសអិន។ ការប្រកួតល្ងាចនេះវិញ នឹងធ្វើឡើងនៅកីឡដ្ឋានព្រីសន៍ វេលាម៉ោង ៦ និង ៣០ នាទី ដោយការប្រកួតមានផ្សាយផ្ទាល់តាមរយៈទូរទស្សន៍ BTV News ផងដែរ។
វិសាខា ត្រូវការត្រឹមស្មើ នឹងអាចបានឡើងទៅវគ្គផ្ដាច់ព្រ័ត្រ ជាទីដែលគេប៉ុនប៉ងជាលើកទី ៣ ជាប់ៗគ្នា ក្នុងពានរង្វាន់ដ៏មានកិត្យានុពលមួយនេះ ដោយឡែកភ្នំពេញក្រោន ត្រូវការឈ្នះ ចាប់ពី ២ គ្រាប់ឡើង ដើម្បីឡើងទៅវគ្គផ្ដាច់ព្រ័ត្រជាលើកដំបូង ក្រោយខកខានតាំងពីឆ្នាំ ២០១០។
បញ្ជាក់ថា ការប្រកួតវគ្គនេះប្រសិនបើស្មើគ្នា នឹងត្រូវថែមម៉ោង ១៥ នាទី ២ ដង ប្រសិនបើស្មើទៀតនឹងបន្តទាត់បាល់ ១១ ម៉ែត្រកាត់សេចក្ដី។ គ្រាប់បាល់ ទាត់ចូលក្រៅដីពុំត្រូវបានរាប់បញ្ចូលនោះទេ៕
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១ សប្តាហ៍ agoព្រឹទ្ធសភាថៃ កោះហៅ Boonsin Padklang ទៅបំភ្លឺ រឿងមិនស្តាប់តាមបញ្ជារដ្ឋាភិបាល
-
ព័ត៌មានអន្ដរជាតិ២ ថ្ងៃ agoលោកអានុទីនចេញបញ្ជាផ្អាកទិញយន្តហោះចម្បាំង F16 ពីសហរដ្ឋអាមេរិក
-
ព័ត៌មានអន្ដរជាតិ៣ ថ្ងៃ agoអនុទីន ប្រកាសថា កិច្ចព្រមព្រៀងនឹងនៅតែផ្អាក ទាល់តែកម្ពុជាទទួលស្គាល់ការបំពាន និងចេញសុំទោស
-
ព័ត៌មានអន្ដរជាតិ៥ ថ្ងៃ agoសារព័ត៌មាន Newsweek៖ សម្ព័ន្ធមិត្តសន្ធិសញ្ញារបស់អាមេរិក កំពុងសាកល្បងអំណាចរបស់ ត្រាំ
-
ព័ត៌មានអន្ដរជាតិ២ ថ្ងៃ agoBoonsin Padklang ប្រកាសឈប់ធ្វើជាអ្នកផ្តល់យោបល់ បញ្ហាជម្លោះព្រំដែនកម្ពុជា-ថៃ
-
ព័ត៌មានជាតិ៥ ថ្ងៃ agoកម្ពុជា បញ្ជូនពលករថៃ ២៨ នាក់ ទៅកាន់ប្រទេសកំណើត តាមច្រកទ្វារព្រំដែនចាំយាម
-
ព័ត៌មានអន្ដរជាតិ៥ ថ្ងៃ agoNikkei Asia៖ «អាមេរិក មើលឃើញសម្តេច ហ៊ុន ម៉ាណែត ជាដៃគូដ៏មានសក្តានុពលនៅឥណ្ឌូ-ប៉ាស៊ីហ្វិក»
-
ព័ត៌មានអន្ដរជាតិ២ ថ្ងៃ agoលោក ត្រាំ ឲ្យ ថៃ យកពេលទៅដោះមីន ជាជាងចរចាពន្ធគយជាមួយ អាមេរិក