កីឡា

ប្រមុខសហព័ន្ធបាល់ទាត់អាស៊ី ចាប់អារម្មណ៍បាល់ទាត់នារីកម្ពុជា ពិសេសការអភិវឌ្ឍពីកម្រិតយុវជន

បានផុស

៤ years មុន

នៅ

ថ្ងៃពុធ ១៩ តុលា ២០២២

ដោយ

លោក Shaikh Salman bin Ebrahim Al Khalifa ប្រធានសហព័ន្ធកីឡាបាល់ទាត់អាស៊ី (AFC) បានជួបជាមួយប្រធានសហព័ន្ធកីឡាបាល់ទាត់អាស៊ាន (AFF) ឧត្ដមសេនីយ៍ទោ ខៀវ សាម៉េត ដើម្បីពិភាក្សាអំពីវិសាលភាព នៃការអភិវឌ្ឍនៅក្នុងតំបន់អាគ្នេយ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បាល់ទាត់អាស៊ីអាគ្នេយ៍ បានបោះជំហានគួរឲ្យកត់សម្គាល់ក្នុងឆ្នាំ ២០២២ នៅក្នុងការប្រកួត AFC ក៏ដូចជាក្នុងការលើកកម្ពស់បេសកកម្មរបស់ AFC ក្នុងការអនុវត្តយុទ្ធនាការទំនួលខុសត្រូវសង្គមប្រកបដោយប្រសិទ្ធភាព ហើយ Shaikh Salman បានបង្ហាញពីការកោតសរសើររបស់ខ្លួន ចំពោះកិច្ចខិតខំប្រឹងប្រែងដែលបង្ហាញដោយសមាគមដែលជាសមាជិក (MAs) និង AFF។

ក្រៅតែនិយាយអំពីបាល់ទាត់អាស៊ីអាគ្នេយ៍ ប្រធានសហព័ន្ធកីឡាបាល់ទាត់អាស៊ី ក៏បានសរសើរពីបាល់ទាត់កម្ពុជា ដោយបានអបអរសាទរចំពោះកីឡាការិនីជម្រើសជាតិកម្ពុជា ក្នុងការទទួលបានចំណាត់ថ្នាក់រាប់នៅក្នុងតារាងចំណាត់ថ្នាក់ពិភពលោក (FIFA Women’s World Ranking) សម្រាប់បាល់ទាត់នារី កាលពីដើមឆ្នាំនេះ ចំពោះមុខនាយឧត្ដមសេនីយ៍ ខៀវ សាម៉េត ដែលជាអនុប្រធានសហព័ន្ធកីឡាបាល់ទាត់កម្ពុជា (FFC) ផងដែរនោះ។

លោកប្រធាន AFC ក៏បានកត់សម្គាល់ពីផែនការរបស់សហព័ន្ធកីឡាបាល់ទាត់កម្ពុជា (FFC) ក្នុងការលើកកម្ពស់ និងអភិវឌ្ឍន៍កីឡាបាល់ទាត់យុវជនក្នុងប្រទេស ដែលការសង្កត់ធ្ងន់ពិសេសត្រូវបានតម្រង់ឆ្ពោះទៅរកភាពប្រសើរឡើង នៃក្រុមបាល់ទាត់ជម្រើសជាតិនារី ដែលបានរៀបចំជាយូរណាស់មកហើយ ចាប់តាំងពីការចាប់ផ្ដើមជាមួយនឹងក្រុមយុវជន ដែលធ្វើការហ្វឹកហាត់ជាប្រចាំ ប្រកួតក្នុងទ្វីប និងការប្រកួតក្រុមប្រភេទអាយុតាមតំបន់ជាដើម។

នាយឧត្ដមសេនីយ៍ ខៀវ សាម៉េត បានបន្តថ្លែងអំណរគុណចំពោះ លោក Shaikh Salman សម្រាប់ការគាំទ្រដែលកម្ពុជា និងសមាជិកប្រទេសក្នុងតំបន់អាស៊ានទាំងអស់ ដែលទទួលបានក្រោមគម្រោង AFC’s Dream Asia Legacy របស់ AFC ដែលបាននិងកំពុងផ្តល់អំណាចដល់កុមារពីតំបន់ដាច់ស្រយាលបំផុតក្នុងតំបន់ដើម្បីទទួលបានឱកាសចូលទៅកាន់ការប្រកួតដ៏ស្រស់ស្អាត៕

ប្រភព ៖ the-afc.com

អត្ថបទ ៖ មន្នីរ័ត្ន

Related Topics:បាល់ទាត់នារី