បិទ​ការ​ប្រកួត​កីឡា​មធ្យម​សិក្សា​ជ្រើសរើស ថ្នាក់​ខេត្ត​បន្ទាយ​មានជ័យ ​ឆ្នាំ២០២២-២០២៣​​

ការ​ប្រកួត​កីឡា​សិស្ស​បឋមសិក្សា​មធ្យមសិក្សាជ្រើសរើសជើងឯកប្រចាំខេត្ត ឆ្នាំ២០២២-២០២៣ ​ដែល​ប្រារព្ធធ្វើឡើងនៅទីលានបាល់ទាត់សិប្បនិម្មិត វិទ្យាល័យហ៊ុន សែនខ្លាកូន ក្រុងសិរីសោ ភ័ណ បាន​រៀបចំពិធីបិទ កាលពីល្ងាចថ្ងៃ ទី២៦ ខែមីនា ឆ្នាំ២០២៣ ។បិទ​ការ​ប្រកួត​កីឡា​មធ្យម​សិក្សា​ជ្រើសរើស ថ្នាក់​ខេត្ត​បន្ទាយ​មានជ័យ ​ឆ្នាំ២០២២-២០២៣​​

ដោយ​មាន​ការចូលរួម លោក យឹម សំណាង អភិបាលរងខេត្ត និង​លោក​ឈូ ប៊ុនរឿង ប្រធាន​មន្ទីរ​អប់រំ​ខេត្ត អនុប្រធានមន្ទីរអប់រំខេត្ត លោកស្រេងសុផល អភិបាលក្រុងសិរីសោភ័ណ លោក លោក​ស្រី ប្រធាន អនុប្រធានមន្ទីរអង្គភាពជុំវិញខេត្ត ប្រតិភូដឹកនាំកីឡាករ កីឡា ការនី និង​សិស្សានុសិស្ស​ជាច្រើន ។

លោកឈូ ប៊ុនរឿងបានមានប្រសាន៍ថា ការប្រកួតកីឡាសិស្សមធ្យមសិក្សា ជ្រើស​រើស​ជើង​ឯក​ប្រចាំ​ខេត្ត ឆ្នាំ ២០២២- ២០២៣នេះ ប្រព្រឹត្តទៅមានរយៈពេល ៤ ថ្ងៃ គឺចាប់ពីថ្ងៃទី២២ដល់ ថថ្ងៃទី២៦ ខែ​មីនា​ឆ្នាំ ២០២២។​ លោកឈូ ប៊ុនរឿងបានមានប្រសាន៍បញ្ជាក់ឲ្យដឹងបន្តថា លទ្ធផលនៃការប្រកួត​ប្រភេទវិញ្ញាសាអត្តពលកម្ម រត់ល្បឿន៨០ម៉ែត្រ នារី លេខ១ បានទៅលើ រឿន ស្រីប្រាំង ស្រុកថ្មពួក លេខ២បានទៅលើ ជា សុម៉ាវត្តី ស្រុកម៉ាឡៃ លេខ ៣ បានទៅលើ រ៉ី សារុំ ស្រុកភ្នំស្រុក។

រត់ល្បឿន៨០ម៉ែត្រ បុរស លេខ១ បានទៅលើ មាស ម៉ៅ ស្រុកកថ្មពួក លេខ២បានទៅលើ ជុំយ៉ុងហូ ស្រុកភ្នំស្រុកលេខ ៣ បានទៅលើ មឿន សុផៃ ស្រុកមង្គលបូរី ។​​ លោត​កម្ពស់នារី លេខ១ បាន​ទៅ​លើ ​សេង ស្រីនុត ស្រុកអូរជ្រៅ លេខ២ បានទៅលើ សៃនី ណៃ ស្រុកមង្គលបូរីលេខ ៣ បានទៅលើណាង សូណា ស្រុកម៉ាឡៃ ។

លោតកម្ពស់បុរស លេខ១ បានទៅលើ ហួត ហេងលីហុង ស្រុកម៉ាឡៃ លេខ ២ បានទៅលើ ឆាត ស៊ាឆុង ស្រុកព្រះនេត្រព្រះ លេខ ៣ បានទៅលើស៊ុន សឹង ស្រុកភ្នំស្រុក ។​​លោត​ចម្ងាយនារី លេខ១ បានទៅលើ ធឿង នារតី ស្រុកព្រះនេត្រព្រះ លេខ២ បានទៅលើម៉ុញ បូផា ស្រុកថ្មពួកលេខ ៣ បានទៅលី ដារ៉ា ស្រុកមង្គលបូរី ។

លោតច​ម្ងាយ​បុរស លេខ១ បានទៅលើ រើន ប៊ុនរេ ស្រុកព្រះនេត្រព្រះ លេខ ២ បានទៅលើ ណុច ប៊ុនណា ស្រុកមង្គលបុរី លេខ ៣ បានទៅលើឈឿម ឈិតសានុត ស្រុកថ្មពួក​ចោល​ដំដែក​នារី លេខ១ បានទៅលើ លឹមលីហ្សា ស្រុកអូរជ្រៅ លេខ២ បានទៅលើឃុច ជីវ៉ា ស្រុក​ព្រះនេត្រ​ព្រះលេខ ៣ បានទៅលើភ្លឿយ សុផាត ស្រុកថ្មពួក ​ចោលដំដែក​បុរស លេខ១ បានទៅលើ បឺ តុលា ស្រុកព្រះនេត្រព្រះ លេខ ២ បានទៅលើ ស្រស់ វុទ្ធី ស្រុកថ្មពួក លេខ ៣ បានទៅលើឌឿង សារ៉ា ស្រុកមង្គលបូរី ។

ដើរចម្ងាយ ៣គម នារី លេខ១ បានទៅលើ ភាព រដ្ឋា ស្រុកម៉ាឡៃ លេខ២ បានទៅលើ យ៉ុង សុជាតា ក្រុងសិរីសោភ័ណ លេខ ៣ បានទៅលើឡម គឹមហុង ស្រុកអូរជ្រៅ.។​ ដើរចម្ងាយ៦គម បុរស លេខ១ បានទៅលើវង្ស គឹមហោ ស្រុកម៉ាឡៃ លេខ ២ បានទៅលើម៉ាត ច័ន្ទលេង ស្រុកអូរជ្រៅ លេខ ៣ បានទៅលើនាង មិសិង្ហវណ្ណ ស្រុកមង្គលបូរី ។

លោក ឈូ ប៊ុនរឿង បានបញ្ជាក់ឲ្យដឹងបន្តថា ចំពោះលទ្ធផលកីឡា បាល់ទះនារី លេខ ១ បានទៅលើ ស្រុក ព្រះនេត្រព្រះ លេខ២ បានទៅលើ ក្រុងប៉ោយប៉ែត លេខ ៣ បានទៅលើ ស្រុកមង្គលបូរី ។

– បាល់ទះបុរស លេខ១ បានទៅលើស្រុកព្រះនេត្រព្រះលេខ២ បានទៅលើក្រុងសេរីសុភ័ណលេខ ៣ បានទៅលើស្រុកមង្គលបុរី។

បាល់បោះនារី លេខ១ បានទៅលើ ក្រុងប៉ោយប៉ែត លេខ ២ បានទៅលើស្រុកព្រះនេត្រព្រះលេខ ៣ បានលើក្រុងសិរីសោភ័ណ ។

បាល់បោះបុរស លេខ១ បានទៅលើក្រុងសិរីសោភ័ណ វិទ្យាល័យហ៊ុនសែនខ្លាកូន លេខ២ បានទៅលើស្រុកថ្មពួក លេខ ៣ បានទៅលើស្រុកមង្គលបូរី។

ចំណែក ឯបាល់ទាត់បុរស លេខ ១ បានទៅលើកក្រុងសិរីសោភ័ណវិទ្យាល័យហ៊ុនសែនខ្លាកូន លេខ២ បានទៅលើស្រុកថ្មពួក និងលេខ៣ បានទៅលើស្រុកមង្គលបូរី បាល់ទាត់នារី គ្មាន។

លោកយឹម សំណាងបានមានប្រសាសន៍ថា កីឡា ទទួលបាន នូវ សុខភាព ល្អ មាន ទំនាក់ទំនង មាន មេត្រីភាព និង មាន សាមគ្គីភាព ។ ហើយការប្រកួតកីឡាជ្រើសរើសជើងឯកនៅក្នុងពេលនេះ គឺដើម្បីផ្លាស់ប្តូរបទពិសោធ ន៍ ពីគ្នាទៅវិញទៅមក ក្នុងន័យសាមគ្គីភាព មិត្តភាព និងចេះយោគយល់អធ្យាស្រ័យគ្នាទៅវិញទៅ មក។

ទន្ទឹមនេះដែរវិស័យកីឡាបានរួមចំណែកកាត់បន្ថយភាពអសកម្ម អំពើអបាយមុខក្នុងសង្គម ដូចជាការសេពគ្រឿងញៀននិងបទល្មើសផ្សេងៗក្នុងសង្គម ជាតិផងដែរ។

លោកយឹម សំណាង បានសម្តែងនូវអំណរគុណនិងកោតសសើរចំពោះមន្ទីរអប់រំយុវជន និង​កីឡា​ខេត្ត ព្រមទាំងគណៈកម្មាការប្រកួតកីឡាគណៈ ប្រតិ ភូកីឡាទាំង៩ ស្រុក ក្រុង ទីលាន​ប្រកួត​តាម​មន្ទីរ និងសាលារៀន ដែលបានសហ ការគ្នាបានយ៉ាង ល្អក្នុងការប្រកួតកីឡា​មធ្យមសិក្សា​ក្នុង​ពេល​នេះ​ឲ្យ​ទទួលបានជោគជ័យ លទ្ធផលល្អ និងសម្រាប់ផ្តល់កិត្តិយស ឲ្យ ក្រុង ស្រុក នីមួយៗ​របស់​ខ្លួន​ផង​ដែរ​។​ លោកក៏បានអំពាវនាវដល់សិស្សា នុសិស្ស លោកគ្រូអ្នកគ្រូ មន្ត្រីអប់រំ មន្ត្រីរាជការ កង​កម្លាំង​ និងមហាជនអញ្ជើញចូលរួមលើកកម្ពស់កីឡាឲ្បានគ្រប់ៗគ្នា៕

អត្ថបទ៖ វ៉ាន់ ណាង