កីឡា

ជើងឯកស្វាយរៀងខាប់អាយុ១៥ឆ្នាំ រកឃើញក្រុមខ្លាំង២ឡើងវគ្គផ្តាច់ព្រ័ត្រ

បានផុស

៨ ខែ មុន

នៅ

ថ្ងៃអាទិត្យ ៩ កក្កដា ២០២៣

ដោយ

ការប្រកួតបាល់ទាត់ពានរង្វាន់យុវជនស្វាយរៀងខាប់អាយុក្រោម១៥ឆ្នាំ (U15) ឆ្នាំ២០២៣ បានរកឃើញក្រុមខ្លាំង២ឡើងទៅកាន់វគ្គផ្តាច់ព្រ័ត្រហើយ បន្ទាប់ពីចំណាយពេលប្រកួតទាំងវគ្គសន្សំពិន្ទុ និងវគ្គខ្វែងអស់ច្រើនសប្តាហ៍។

ក្រុមយុវជនបាល់ទាត់ដារ៉ូពិន្ទុ Sport FC បានឡើងទៅកាន់វគ្គផ្តាច់ព្រ័ត្រ សម្រាប់ពានរង្វាន់យុវជនស្វាយរៀងខាប់អាយុក្រោម១៥ឆ្នាំ តាមរយៈជ័យជម្នះដ៏តឹងតែងក្នុងលទ្ធផល ១-០ លើក្រុមបាល់ទាត់យុវជនជីភូនៅវគ្គពាក់កណ្តាលផ្តាច់ព្រ័ត្រ។

ជាមួយគ្នានេះ ក្រុមយុវជនស.ស.យ.ក ស្រុកចន្ទ្រា បានយកឈ្នះក្រុមយុវជនបាល់ទាត់ RED BULL តាមរយៈការទាត់បាល់ប៉េណាល់ទីកាត់សេចក្តីដោយលទ្ធផល ៤-១ បន្ទាប់ពីបញ្ចប់៩០បានត្រឹមលទ្ធផលស្មើគ្នាគ្មានគ្រាប់ ០-០ នៅវគ្គពាក់កណ្តាលផ្តាច់ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះនៅវគ្គផ្តាច់ព្រ័ត្រដើម្បីដណ្តើមជើងឯក ក្រុមយុវជនបាល់ទាត់ដារ៉ូពិន្ទុ Sport FC ត្រូវតទល់ជាមួយក្រុម ក្រុមយុវជនស.ស.យ.ក ស្រុកចន្ទ្រា។

ព្រឹត្តិការណ៍បាល់ទាត់ពានរង្វាន់ស្វាយរៀងខាប់ យុវជនអាយុក្រោម១៥ឆ្នាំ ឆ្នាំ២០២៣នេះមានក្រុមចូលរួមប្រកួតចំនួន២១ក្រុម ដែលត្រូវបានបែងចែកជា៤ពូល និងបានចាប់ផ្តើមប្រកួតវគ្គសន្សំពិន្ទុក្នុងពូល តាំងពីថ្ងៃទី៨ ខែមីនា ហើយពេលនេះរកឃើញក្រុមខ្លាំងពីរឡើងវគ្គផ្តាច់ព្រ័ត្រ។

ពានរង្វាន់ដែលជាផ្នែកជួយបណ្តុះបណ្តាលថ្នាលបាល់ទាត់នៅខេត្តស្វាយរៀងនេះត្រូវបានផ្តួចផ្តើមរៀបចំឡើងដោយ ឯកឧត្តម ឌី វិជ្ជា អនុប្រធានសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្ពុជាខេត្តស្វាយរៀង៕