កីឡា
មកដឹងសម្ដីគ្រូបង្វឹកបាល់ទាត់ វគ្គផ្ដាច់ព្រ័ត្រ ពានសម្តេចតេជោ ហ៊ុន សែន ប្រកួតយប់នេះ
ការប្រកួតបាល់ទាត់ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៦ ឆ្នាំ២០២២ វគ្គផ្ដាច់ព្រ័ត្រ នឹងឈានចូលមកដល់នៅថ្ងៃទី៦ ខែវិច្ឆិកា នេះ ដែលជាការជួបគ្នារវាង ក្លិបបឹងកេត ជាមួយ ក្លិបវិសាខា។ មុនការប្រកួតមកដល់ គ្រូបង្វឹករបស់ក្លិបទាំងពីរ បានបង្ហាញការប្តេជ្ញាចិត្ត និងត្រៀមខ្លួនរួចរាល់សម្រាប់ប្រកួតនេះ។
លោក មាស ចាន់ណា គ្រូបង្វឹករបស់ក្លិបវិសាខា បានលើកឡើងថា ការប្រកួតនេះ ជាការប្រកួតដ៏អស្ចារ្យ សម្រាប់រដូវកាល២០២២ ព្រោះជាការប្រកួតផ្ដាច់ព្រ័ត្រ ហើយសុទ្ធតែជាក្រុមខ្លាំងដែលឈានដល់វគ្គនេះ។ លោកជឿថា ការប្រកួតនេះនឹងធ្វើឱ្យទស្សនិកជនរំភើប សប្បាយ ហើយនឹងមានចិត្តចង់មកទស្សនាការប្រកួតបែបនេះជាបន្តបន្ទាប់ទៀត។
លោក មាស ចាន់ណា មានប្រសាសន៍បន្តថា៖ “ហើយខ្ញុំរំពឹងថា ការប្រកួតមួយនេះ យើងនឹងធ្វើបានល្អទាំងពីរក្រុម និងជឿជាក់លើក្រុមរបស់ខ្ញុំធ្វើបានល្អ។ ចំពោះក្រុមរបស់ខ្ញុំពុំមានបញ្ហាអ្វីឡើយ យើងបានរៀបចំខ្លួនបានល្អហើយ យើងត្រៀមរួចរាល់សម្រាប់ការប្រកួតនេះ”។
ដោយឡែកគ្រូបង្វឹករបស់ក្លិបបឹងកេត លោក ហៅ សុជាតិ បានលើកឡើងថា ការប្រកួតបាល់ទាត់នេះ ការប្រកួតមួយដ៏តានតឹង។ ការណ៍ដែលក្រុមលោកមានឱកាសមកដល់ពេលនេះ គឺលោកសប្បាយចិត្ត ហើយមានការប្រឹងប្រែងដើម្បីប្រជែងជើងឯក។
លោក ហៅ សុជាតិ មានប្រសាសន៍បន្តថា៖ “ការប្រកួតនេះ ចំពោះក្រុមយើង គឺយើងរៀបចំបានល្អ តែអ្វីដែលសំខាន់គឺ យើងចាំមើលនៅលើទីលាន តើយើងរៀបចំបានល្អដល់កម្រិតណា? គ្រប់ការប្រកួតគឺយើងតែងតែរំពឹងទុក គឺយើងមិនអាចនិយាយមុនថាយើងរំពឹង ១០០ភាគរយត្រូវតែឈ្នះទេ ព្រោះក្រុមគេក៏ត្រូវការឈ្នះដែរ។ អ៊ីចឹងខ្ញុំគិតថា ៥០/៥០។”។
គួរបញ្ជាក់ថា ការប្រកួតរវាងក្រុមទាំងពីរនឹងធ្វើឡើងនៅថ្ងៃទី៦ ខែវិច្ឆិកា ឆ្នាំ២០២២ នាវេលាម៉ោង ៦:៣០ នាទីល្ងាច នៅកីឡដ្ឋាន ស្មាតអរអេសអិន របស់ក្លិបភ្នំពេញក្រោន ដែលជាទឹកដីកណ្ដាល ហើយក៏នឹងមានការផ្សាយផ្ទាល់តាមរយៈស្ថានីយទូរទស្សន៍ BTV News ខណៈមុនការប្រកួតផ្ដាច់ព្រ័ត្រ ក៏នឹងមានការប្រកួតដណ្ដើមចំណាត់ថ្នាក់លេខ៣ រវាងក្លិបភ្នំពេញក្រោន ជាមួយ ក្លិបអគ្គិសនីកម្ពុជា ផងដែរ៕
អត្ថបទ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង