កីឡា

មកដឹងប្រាក់ចំណូល និងទ្រព្យសម្បត្តិរបស់កីឡាករ Son Heung-min

បានផុស

២ ខែ មុន

នៅ

ថ្ងៃអាទិត្យ ៤ ធ្នូ ២០២២

ដោយ

នៅប្រទេសកូរ៉េខាងត្បូង Son Heung-min ត្រូវបានគេចាត់ទុកថាជានិមិត្តរូបមួយនៃកីឡា ក៏ដូចជាក្នុងនាមជាកីឡាករអាស៊ីម្នាក់ដែលទទួលបានជោគជ័យបំផុតក្នុងក្របខ័ណ្ឌ Premier League របស់អង់គ្លេស ហើយច្បាស់ណាស់លោកពិតជាទទួលបានប្រាក់កម្រៃដ៏គួរឲ្យចាប់អារម្មណ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទៅតាម Sportlite បានបញ្ជាក់ថា Son Heung-min នឹងបន្តលេងឲ្យក្លឹប Tottenham Hotspur យ៉ាងហោចណាស់រហូតដល់ឆ្នាំ ២០២៥ ។ ជាមួយអាជីពជាកីឡាករបាល់ទាត់កំពូលរបស់លោក, ខ្សែប្រយុទ្ធរបស់កូរ៉េរូបនេះត្រូវបានគេប៉ាន់ប្រមាណថាមានទ្រព្យសម្បត្តិប្រហែល ៣១.៥៦ លានដុល្លារអាមេរិក ដែលប្រាក់ចំណូលភាគច្រើនបានមកពីកិច្ចសន្យាបាល់ទាត់ និងកិច្ចសន្យាឧបត្ថម្ភផ្សេងៗ ។

នៅឆ្នាំ ២០២១ ខាងក្លឹប Spurs បានបន្តកុងត្រាឲ្យខ្សែប្រយុទ្ធសញ្ជាតិកូរ៉េរូបនេះរយៈពេល ៤ ឆ្នាំទៀត រីឯប្រាក់ចំណូលរបស់ Son Heung-min បច្ចុប្បន្នត្រូវបានប៉ាន់ប្រមាណថាមានចំនួន ១៧២,៨០៤ ដុល្លារក្នុងមួយសប្តាហ៍ ឬ ៨,៩៨៥,៧៧៤ ដុល្លារក្នុងមួយឆ្នាំ ។ ជាមួយនឹងប្រាក់ចំណូលរាប់រយពាន់ផោនក្នុងមួយសប្តាហ៍, Son Heung-min ក៏ជាម្ចាស់រថយន្តទំនើបជាច្រើន ដែលនៅក្នុងនោះលោកក៏បានទិញរថយន្តទំនើបៗដូចជា Bentley Continental GT, Range Rover, Audi R8, Ferrari, BMW ដែលសុទ្ធសឹងតែមានតម្លៃថ្លៃ ។

បន្ថែមពីលើនេះប្រាក់ចំណូលរបស់ Son Heung-min ក៏បានមកពីការផ្សាយពាណិជ្ជកម្មម៉ាកយីហោ ដែលលោកបានសហការជាមួយម៉ាកម៉ូដលំដាប់ខ្ពស់ជាច្រើនដូចជា Adidas, Louis Vuitton, Calvin Klein, Prada និងកិច្ចសន្យាផ្សាយពាណិជ្ជកម្មក្នុងនិងក្រៅប្រទេសជាបន្តបន្ទាប់ ក្នុងនាមជាតារាម៉ូដែលផងដែរ ៕

ប្រែសម្រូល ៖ នាងតូច

ចុចអាន ៖ លេចឮខ្សែប្រយុទ្ធលេខ ៩ Cho Gue-sung មានទំនាក់ទំនងស្នេហាជាមួយតារាម៉ូដែលម្នាក់