កីឡា

តើនឹងមានកីឡាករខ្មែរទី៤ស៊ុតចូលឥណ្ឌូនេស៊ី ក្នុងពាន AFF Cup ស្អែកនេះទេ?

បានផុស

៣ years មុន

នៅ

ថ្ងៃព្រហស្បតិ៍ ២២ ធ្នូ ២០២២

ដោយ

ក្រុមបាល់ទាត់ជម្រើសជាតិកម្ពុជា និងម្ចាស់ផ្ទះឥណ្ឌូនេស៊ី ត្រូវប៉ះគ្នាវេលាម៉ោង៤:៣០នាទីល្ងាច ថ្ងៃទី២៣ ខែធ្នូ ស្អែកនេះ នៅកីឡដ្ឋាន Gelora Bung Karno វគ្គសន្សំពិន្ទុក្នុងពូល A ជើងឯកលំដាប់ទី១នៅអាស៊ាន AFF Championship ដែលមានផ្សាយបន្តផ្ទាល់ដោយទូរទស្សន៍ BTV។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីទទួលបានជ័យជម្នះលើ ហ្វីលីពីន ដោយលទ្ធផល ៣-២ សម្រាប់ការប្រកួតបើកឆាកកាលពីថ្ងៃទី២០ ខែធ្នូ កន្លងទៅនេះ កម្ពុជាត្រូវធ្វើការធ្ងន់នៅពេលប្រកួតលើកទី២ជាមួយម្ចាស់ផ្ទះឥណ្ឌូនេស៊ី ដែលជាការប្រកួតលើកទី១របស់ខ្លួន។

ឥណ្ឌូនេស៊ី មានប្រៀបខ្លាំងលើក្រុមភ្ញៀវកម្ពុជាដែលមិនទាន់ឆ្លងកាត់ការប្រកួតដោយកម្លាំងស៊ុហ្វពេញល្អ មិនចំណាយកម្លាំងក្នុងការធ្វើដំណើរ និងហ្វឹកហាត់ត្រៀមខ្លួនយ៉ាងល្អ។ ផ្ទុយទៅវិញ ក្រុមកម្ពុជាមានការនឿយហត់ខ្លាំងណាស់ បន្ទាប់ពីប្រកួតជាមួយហ្វីលីពីនហើយ ត្រូវចំណាយពេលមួយថ្ងៃពេញធ្វើដំណើរទៅឥណ្ឌូនេស៊ី រហូតដល់យប់ជ្រៅទើបដល់ និងមិនបានហ្វឹកហាត់បន្តិចសោះ ហើយក៏ដល់ថ្ងៃហ្វឹកហាត់ផ្លូវការត្រៀមប្រកួតតែម្តង។

លោក ហុក សុចិត្រា (កាលជាកីឡាករ) ប្រាក់ មុន្នីឧត្តម (កណ្តាល) និង យ៉ើ សាហ្វី (ស្តាំ)

កម្ពុជា និងឥណ្ឌូនេស៊ីមានប្រវត្តិជួបគ្នាច្រើនលើកណាស់ទាំងឈុតធំ និងឈុតយុវជន។ ប៉ុន្តែបើនិយាយពីការប៉ះគ្នាវគ្គសន្សំពិន្ទុក្នុងពូលពានរង្វាន់ AFF Championship នេះគិតចាប់តាំងពីឆ្នាំ១៩៩៦មកធ្លាប់ជួបគ្នា៥ដង។

លើកទី១ឆ្នាំ១៩៩៦ កម្ពុជា ចាញ់ឥណ្ឌូនេស៊ី ០-៣, លើកទី២ ឆ្នាំ២០០២ ចាញ់ ២-៤, លើកទី៣ ឆ្នាំ២០០៤ ចាញ់ ០-៨, លើកទី៤ ឆ្នាំ២០០៨ ចាញ់ ០-៤ និងលើកទី៥ ចាញ់២-៤។ ឥណ្ឌូនេស៊ីស៊ុតចូលកម្ពុជា ២៣គ្រាប់ ខណៈកម្ពុជាស៊ុតឥណ្ឌូនេស៊ីបានតែ៤គ្រាប់ប៉ុណ្ណោះ។

គ្រាប់ទាំង៤គ្រាប់ដែលកម្ពុជារកបានគឺដោយកីឡាករ៣រូបផ្សេងគ្នា ក្នុងនោះលោក ហុក សុចិត្រា ស៊ុតចូលឥណ្ឌូនេស៊ី ២គ្រាប់នៅពេលកម្ពុជាចាញ់ ២-៤ ក្នុងឆ្នាំ២០០២។ កាលពីឆ្នាំ២០២០កន្លងទៅនេះ ប្រាក់ មុន្នីឧត្តម និង យ៉ើ សាហ្វី ស៊ុតចូលឥណ្ឌូនេស៊ី ម្នាក់១គ្រាប់នៅពេលកម្ពុជាចាញ់ ២-៤។

ប្រសិនបើ កម្ពុជាអាចស៊ុតចូលឥណ្ឌូនេស៊ីមួយឬពីរគ្រាប់សម្រាប់ថ្ងៃស្អែកនេះនឹងក្លាយជាកីឡាករខ្មែរទី៤ ឬទី៥ ពីព្រោះកីឡាករនាក់ខាងលើដែលធ្លាប់ស៊ុតចូលឥណ្ឌូនេស៊ីមិនមានវត្តមានជាមួយកម្ពុជាក្នុងព្រឹត្តិការណ៍ AFF Championship ឆ្នាំ២០២២នេះទេ៕

អត្ថបទ៖ វីរបុត្រ

Related Topics:AFF Championship

ព័ត៌មានអន្ដរជាតិ១៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា