កីឡា

វៀតណាម នឹងចូលរួមប្រកួតក្បាច់គុនល្បុក្កតោ ក្នុងស៊ីហ្គេម នៅកម្ពុជា

បានផុស

២ ខែ មុន

នៅ

ថ្ងៃពុធ ១ មីនា ២០២៣

ដោយ

កីឡាករក្បាច់គុនវៀតណាម គ្រោងនឹងបង្ហាញជំនាញរបស់ពួកគេនៅក្នុងការប្រកួតកីឡាអាស៊ីអាគ្នេយ៍ (ស៊ីហ្គេម) លើកទី ៣២ នាពេលខាងមុខ ដែលពួកគេនឹងចូលរួមប្រកួតក្បាច់គុនល្បុក្កតោ ប្រពៃណីខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហ្គេមដែលកម្ពុជាធ្វើជាម្ចាស់ផ្ទះក្នុងខែឧសភា នឹងឃើញអ្នកចូលរួមប្រយុទ្ធដោយដៃ និងប្រើប្រាស់អាវុធជាច្រើនប្រភេទ។

មានដើមកំណើតនៅក្នុងប្រទេសកម្ពុជា ល្បុក្កតោគឺជាយុទ្ធគុនដ៏ចំណាស់បំផុតមួយដែលមានដល់បច្ចុប្បន្ន ហើយត្រូវបានគេស្គាល់ដោយសារការសង្កត់ធ្ងន់លើការប្រើប្រាស់អាវុធក្នុងពេលប្រយុទ្ធ។

លោក Le Ngoc Quang អគ្គលេខាធិការសហព័ន្ធកីឡាក្បាច់គុនបុរាណវៀតណាមបានជឿជាក់ថា អត្តពលិកវៀតណាម នឹងអាចប្រើប្រាស់ជំនាញក្បាច់គុនផ្ទាល់ខ្លួនរបស់ពួកគេឲ្យពូកែក្នុងព្រឹត្តិការណ៍នេះ។

ល្បុក្កតោ ចែករំលែកភាពស្រដៀងគ្នាជាច្រើនជាមួយនឹងក្បាច់គុនបុរាណវៀតណាម ដែលធ្វើឲ្យវាមានលក្ខណៈងាយស្រួលសម្របតាមសម្រាប់ក្រុមវៀតណាម។ លោកបានបន្តថា ជាលទ្ធផល ក្រុមនេះត្រូវបានរំពឹងថា នឹងធ្វើបានល្អ និងមានសក្ដានុពល ថែមទាំងនាំយកមេដាយមួយចំនួនមកផ្ទះវិញ។

លោក Bui Trung Hieu អនុប្រធានសហព័ន្ធកីឡាក្បាច់គុនបុរាណវៀតណាមបានមានប្រសាសន៍ថា ដើម្បីធានាបាននូវគុណភាពវិជ្ជាជីវៈខ្ពស់ សហព័ន្ធបានជ្រើសរើសអត្តពលិកដែលមានសមិទ្ធផលខ្ពស់ក្នុងព្រឹត្តិការណ៍កីឡាជាតិនាពេលថ្មីៗនេះ។ ពួកគេនឹងប្រកួតជាមួយនឹងទម្រង់លេងដ៏ល្អបំផុត និងកម្លាំងផ្លូវចិត្តនៅក្នុងការប្រកួតខាងមុខ៕

ប្រភព ៖ vietnamplus.vn

អត្ថបទ ៖ មន្នីរ័ត្ន