ម៉្យាងដែរ! ទោះអត់ VAR តែអាជ្ញាកណ្តាលនៅលីគអេហ្ស៊ីប មានវិធីមួយដើម្បីពិនិត្យគ្រាប់បាល់

អាជ្ញាកណ្តាលម្នាក់ បានលុបចោលគ្រាប់បាល់ចុងម៉ោង បន្ទាប់ពីប្រើទូរស័ព្ទដៃរបស់អ្នកទស្សនាដើម្បីពិនិត្យមើលបញ្ហា ក្នុងអំឡុងការប្រកួតលីគទីពីរនៅប្រទេសអេហ្ស៊ីប កាលពីចុងសប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រប់គ្នាពិតជាមានការងឿងឆ្ងល់ដោយសារការសម្រេចចិត្តរបស់អាជ្ញាកណ្តាល Mohamed Farouk ក្នុងការប្រើប្រាស់ទូរស័ព្ទរបស់អ្នកគាំទ្រ ជំនួសឲ្យវីដេអូជំនួយការអាជ្ញាកណ្តាល​ (VAR)។

ការប្រកួតរវាងក្រុម Suez SC និង Al-Nasr បានបង្កឲ្យមានភាពចម្រូងចម្រាសនៅនាទីទី៩០ពេលដែលក្រុម Al-Nasr គិតថា ពួកគេរកបានគ្រាប់បាល់តាមស្មើទៅហើយនៅចុងម៉ោង។

កីឡាកររបស់ក្រុម Suez បានតវ៉ាចំពោះការសម្រេចចិត្តនៅលើទីលាន ហើយអះអាងថា កីឡាករក្រុម Al-Nasr ម្នាក់ បានឈរក្នុងជំហរ offside។

ដោយសារ VAR មិនដាក់ឲ្យប្រើប្រាស់នៅក្នុងលីគលំដាប់ទីពីរ អាជ្ញាកណ្តាល Farouk បានប្រើទូរស័ព្ទរបស់អ្នកគាំទ្រ ដើម្បីមកធ្វើការសម្រេចចិត្តយ៉ាងច្បាស់លាស់លើបញ្ហានេះ។

បន្ទាប់ពីពិនិត្យយ៉ាងល្អិតល្អន់ លោកអាជ្ញាកណ្តាល បានសម្រេចថា គ្រាប់បាល់នោះគឺមិនអនុញ្ញាតទេ។ ការប្រកួតនោះ ត្រូវបន្ថែមម៉ោង១៥នាទី ហើយក្រុម Suez បានយកឈ្នះការប្រកួត ៣-១។

អាជ្ញាកណ្តាលបានចាកចេញពីទីលានក្រោមការការពាររបស់ប៉ូលិស ចំពេលមានការតវ៉ាពីសំណាក់កីឡាករ និងមន្ត្រីក្រុម Al-Nasr៕

សូមទស្សនាវីដេអូ៖

ប្រែសម្រួល៖​ Vann Vann

ប្រភព៖ Daily Mail

ចុចអាន៖ ​ក្រុម​បាល់ទាត់នារី​ស្នើ​ FIFA ដាក់កញ្ចប់ថវិកាបាល់ទាត់ World Cup នារីស្មើ​គ្នាដូចបុរស