កីឡា
កត្តាសំខាន់៤ដែលពានសម្តេចតេជោ ហ៊ុន សែន ប្រើកីឡាករបរទេស
គណៈកម្មការរៀបចំការប្រកួត និងក្លឹប/ក្រុមទាំងអស់បានឯកភាពគ្នាសម្រាប់ការប្រើប្រាស់កីឡាករបរទេសក្នុងពានរង្វាន់សម្តេចសម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣-២៤ ដែលនឹងចាប់ផ្តើមបើកយុទ្ធនាការប្រកួតនាថ្ងៃអង្គារ៍ ទី២៨ ខែមីនានេះ។
ក្នុងសិក្ខាសាលាស្តីពីការរៀបចំការប្រកួតពានរង្វាន់សម្តេចសម្តេចអគ្គមហាសេនាបតីតេជោ ហ៊ុន សែន លើកទី១៧ កាលពីរសៀលថ្ងៃទី២៧ ខែមីនា នេះ លោក រុន វិទូ ប្រធានផ្នែកការប្រកួតនៃពានរង្វាន់ធំលំដាប់ទី២នេះបានពន្យល់ថា មានហេតុផលមួយចំនួនដែលជំរុញឲ្យការប្រើប្រាស់កីឡាករបរទេសក្នុងការប្រកួតពានរង្វាន់សម្តេចតេជោ ហ៊ុន សែន លើកទី១៧នេះ។
កត្តា៤យ៉ាងជាមូលហេតុសំខាន់ក្នុងការអនុញ្ញាតឲ្យកីឡាករបរទេសចូលលេងគឺ៖
- ១- ម្ចាស់ជើងឯកពានរង្វាន់សម្តេចតេជោ ហ៊ុន សែន មានកៅអី ទៅប្រកួតពានរង្វាន់ AFC Cup។ នៅពេលប្រើកីឡាករខ្មែរសុទ្ធ ហើយឈ្នះជើងឯក Hun Sen Cup ដល់ពេលទៅប្រកួត AFC Cup គឺត្រូវប្រើកីឡាករបរទេសចូលរួមគឺប្រៀបដូចជារៀបចំក្រុមថ្មីមួយទៀត ដូច្នេះហើយបានជាអនុញ្ញាតឲ្យកីឡាករបរទេសចូលលេងដើម្បីប្រកួតប្រជែងក្នុងពានរង្វាន់អន្តរជាតិ។
- ២. បង្កើនគុណភាព និងការចាប់អារម្មណ៍។ ការអនុញ្ញាតឲ្យប្រើប្រាស់កីឡាករបរទេសក៏ជាផ្នែកមួយជួយជំរុញឲ្យការប្រកួតប្រជែងកាន់តែខ្លាំង និងស្វិតស្វាញនៅលើទីលានដើម្បីឈានដល់ការបង្កើនគុណភាពកាន់តែខ្ពស់ និងស្តង់ដា។ ម្យ៉ាងទៀតក៏ជាផ្នែកមួយរួមចំណែកដល់ការទាក់ទាញមហាជនឲ្យចាប់អារម្មណ៍ផងដែរ។
- ៣. ក្លឹបភាគច្រើនស្នើឲ្យប្រើកីឡាករបរទេស។ មិនមែនតែសហព័ន្ធកីឡាបាល់ទាត់កម្ពុជាដែលមានគណៈកម្មការរៀបចំការប្រកួតជាសេនាធិការក្នុងការចង់ឲ្យមានកីឡាករបរទេសតែឯកឯងនោះ ប៉ុន្តែមានក្លឹបភាគច្រើនបានសំណូមពរឲ្យប្រើប្រាស់កីឡាករបរទេសដូចលីគទី១ និងលីគទី២ដែរ។ ចំណុចនេះអាចបណ្តាលមកពីក្លឹបមួយចំនួនមិនបានប្រើប្រាស់កីឡាករបរទេសញឹកញាប់ក្រោយចុះកុងត្រា។ ពួកគេឈប់សម្រាករាល់ពេលមានការប្រកួតពានរង្វាន់សម្តេចតេជោ ប៉ុន្តែកីឡាករបរទេសទាំងនោះនៅតែទទួលបានប្រាក់ខែ។
- ៤. រៀបចំឲ្យកាន់តែមានកម្រិតស្តង់ដា។ បើសម្លឹងមើលទៅពានរង្វាន់ ឬ Cup នៅបណ្តាប្រទេសផ្សេងទាំងតំបន់អាស៊ី និងអឺរ៉ុប គឺសុទ្ធតែប្រើប្រាស់កីឡាករបរទេស ដូច្នេះកម្ពុជាក៏សម្លឹងឃើញដល់ការពង្រឹងគុណភាពពានរង្វាន់នីមួយៗ។ ប្រការនេះក៏អាចជាមូលហេតុដែលអនុញ្ញាតឲ្យប្រើប្រាស់កីឡាករបរទេសដែរ។
សូមបញ្ជាក់ថា ក្លឹបឬក្រុមនីមួយៗអាចចុះបញ្ជីកីឡាករចាប់ពី១៨នាក់ដល់៣០នាក់ ក្នុងនោះកីឡាករបរទេសមាន៦នាក់។ សម្រាប់កីឡាករបរទេសអាចលេងនៅលើទីលាន៤នាក់ ក្នុងនោះ១នាក់ត្រូវតែជាកីឡាករនៅតំបន់អាស៊ី៕
អត្ថបទ៖ វីរបុត្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង