កីឡា

ប្រធានាធិបតីហ្វីលីពីនរំពឹងឈ្នះមេដាយបំបែកកំណត់ត្រាចាស់ពីស៊ីហ្គេមនៅកម្ពុជា

បានផុស

៣ years មុន

នៅ

ថ្ងៃអង្គារ ២៥ មេសា ២០២៣

ដោយ

លោកប្រធានាធិបតីហ្វីលីពីន Ferdinand Marcos Jr រំពឹងក្រុមអត្តពលិកជម្រើសជាតិហ្វីលីពីនឈ្នះមេដាយបំបែកកំណត់ត្រាចាស់នៅពេលចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។

ក្នុងពេលចុះជួបអត្តពលិក និងប្រតិភូកីឡាហ្វីលីពីកាលពីថ្ងៃទី២៤ ខែមេសា លោក Marcos បាននិយាយថា លោកសូមអរគុណដល់អ្នកទាំងអស់គ្នាដែលនាំមកនូវភាពរុងរឿង និងកិត្តិយសជូនជាតិកន្លងមក។ ឥឡូវនេះ អ្នកទាំងអស់គ្នាត្រូវទៅចូលរួមប្រកួតស៊ីហ្គេម នៅប្រទេសកម្ពុជា ហើយអ្នកទាំងអស់គ្នាទំនងជាត្រៀមខ្លួនរួចរាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយថា ៖«បងប្អូនមានប្រជាជន១០៧លាននាក់ដែលនៅពីក្រោយ គិតគូ និងលើកទឹកចិត្តដល់អ្នកទាំងអស់គ្នាដើម្បីឲ្យមានកម្លាំងចិត្តក្នុងការទទួលបានជ័យជម្នះជូនជាតិ»។

«ខ្ញុំដឹងថា អ្នកទាំងអស់គ្នាខិតខំប្រឹងប្រែងហ្វឹកហាត់ខ្លាំងណាស់ ហើយប្រហែលជាមិនត្រឹមតែទទួលបានមកវិញត្រឹមតែមេដាយ និងពានរង្វាន់ប៉ុណ្ណោះទេ ប៉ុន្តែយើងប្រហែលជាបំបែកកំណត់ត្រាចាស់របស់យើង»។ លោក Marcos បាននិយាយ។

កាលស៊ីហ្គេម លើកទី៣០ ឆ្នាំ២០១៩ ហ្វីលីពីនក្នុងនាមជាម្ចាស់ផ្ទះឈរលើកំពូលតារាងមេដាយដោយឈ្នះបានមេដាយមាស១៤៩គ្រឿង ប្រាក់១១៧គ្រឿង និងសំរឹទ្ធ១២១គ្រឿង ខណៈស៊ីហ្គេម លើកទី៣១នៅវៀតណាមកាលពីឆ្នាំ២០២២កន្លងទៅនេះ ហ្វីលីពីនឈ្នះបានមេដាយមាស៥២គ្រឿង ប្រាក់៧០គ្រឿង និងសំរឹទ្ធ១០៥គ្រឿង។

សម្រាប់ស៊ីហ្គេម លើកទី៣២ នៅកម្ពុជាចាប់ពីថ្ងៃទី៥ ដល់ទី១៧ ខែមេសា ហ្វីលីពីននឹងបញ្ជូនអត្តពលិកប្រកួតទាំង៣៨ប្រភេទកីឡាដែលមានជាង៦០០វិញ្ញាសា៕

ប្រែសម្រួល៖ វីរបុត្រ
ប្រភព៖ nquirer

Related Topics:ប្រទេសហ្វីលីពីន កីឡាស៊ីហ្គេម

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា