កីឡា

តារាឆ្នើមហ្វីលីពីន Carlos Yulo រំពឹងឈ្នះមេដាយមាស៤គ្រឿងស៊ីហ្គេមនៅកម្ពុជា

បានផុស

៣ years មុន

នៅ

ថ្ងៃពុធ ២៦ មេសា ២០២៣

ដោយ

កីឡាករកាយសម្ព័ន្ធឆ្នើមរបស់ហ្វីលីពីន Carlos Yulo ដាក់ក្តីរំពឹងទៅរកការឈ្នះមេដាយមាស៤គ្រឿងពីព្រឹត្តិការណ៍ប្រកួតកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Carlos Yulo ត្រូវបានចាត់ទុកជាអត្តពលិកម្នាក់ដែលអាចនឹងទទួលបានមេដាយមាសច្រើនជាងគេក្នុងចំណោមអត្តពលិកអាស៊ានដែលចូលរួមប្រកួតស៊ីហ្គេម លើកទី៣២ ក្នុងរាជធានីភ្នំពេញ។

ប្រធានសហព័ន្ធកីឡាកាយសម្ព័ន្ធហ្វីលីពីន លោក Cynthia Carrion-Norton បាននិយាយកាលពីថ្ងៃចន្ទថា កីឡាករ Yulo នឹងប្រកួត៤វិញ្ញាសាគឺបុរសឯត្តជន all-around, វិញ្ញាសា Parallel bars, វិញ្ញាសា Horizontal bar និងវិញ្ញាសាក្រុម។ រូបគេអាចនឹងឈ្នះមេដាយមាសទាំង៤វិញ្ញាសា។

គ្មានអ្វីចម្លែកទេដែលរូបគេដាក់គោលដៅស្វែងរកឲ្យបានមេដាយមាសដល់ទៅ៤គ្រឿង ពីព្រោះ រូបគេធ្លាប់បានឈ្នះមេដាយមាស៥គ្រឿង និងប្រាក់២គ្រឿង កាលស៊ីហ្គេម ឆ្នាំ២០២២ នៅប្រទេសវៀតណាម និងស៊ីហ្គេម ឆ្នាំ២០១៩ ឈ្នះមេដាយមាស២គ្រឿង និងប្រាក់៥គ្រឿង។ យ៉ាងណា ស៊ីហ្គេម ឆ្នាំ២០២៣ នៅកម្ពុជាមានវិញ្ញាសាខ្លះដែលមិនមានសម្រាប់រូបគេចូលរួមប្រកួត។

«មេដាយនឹងមិនច្រើនដល់៧គ្រឿងទេ តែ Yulo នឹងឈ្នះមេដាយមាសតាមវិញ្ញាសាដែលគាត់ប្រកួត»។ លោក Carrion បាននិយាយក្នុងពិធីជូនដំណើរប្រតិភូហ្វីលីពីនមកកម្ពុជា និងបន្តថា ៖«យើងបានហ្វឹកហាត់ខ្លាំងណាស់ ដូច្នេះយើងអាចឈ្នះមេដាយផ្សេងទៀតលើវិញ្ញាសាដែលកីឡាករ Carlos មិនបានប្រកួត»។

មុនពេលចូលរួមប្រកួតស៊ីហ្គេមនៅកម្ពុជា Yulo ត្រូវទៅប្រកួតជើងឯកពិភពលោក FIG Apparatus World Cup Series នៅទីក្រុង Cairo ប្រទេសអេហ្ស៊ីប ចុងសប្តាហ៍នេះទើបវិលត្រឡប់មកវិញ និងបន្តមកកម្ពុជា៕

ប្រែសម្រួល៖ វីរបុត្រ

Related Topics:ប្រទេសហ្វីលីពីន កីឡាស៊ីហ្គេម

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា