កីឡា
កីឡាការិនីកម្ពុជាឆ្នើម៥រូបគួរឲ្យចាប់អារម្មណ៍ក្នុងកីឡាស៊ីហ្គេម
ក្នុងនាមជាម្ចាស់ផ្ទះ កម្ពុជាបានដាក់កីឡាករ និងកីឡាការិនីជាង១០០០នាក់សម្រាប់ការប្រកួតលើកីឡា៣៧ប្រភេទក្នុងកីឡាស៊ីហ្គេម លើកទី៣២ ឆ្នាំ២០២៣ ដែលកំពុងដំណើរការប្រកួត។
ថ្ងៃនេះ សារព័ត៌មានកម្ពុជាថ្មី សូមបង្ហាញកីឡាការិនី៥រូបដែលជាក្តីសង្ឃឹមរបស់ម្ចាស់ផ្ទះកម្ពុជាក្នុងការស្វែងរកមេដាយមាសជូនជាតិ។
កីឡាការិនី ខាន់ ចេសា
កីឡាការិនីជឺជីតស៊ូខ្មែរ-អាមេរិក ខាន់ ចេសា បានមកដល់ប្រទេសកម្ពុជាកាលពីព្រឹកថ្ងៃទី១ ខែឧសភា ឆ្នាំ២០២៣នេះជាមួយក្តីរំពឹងមេដាយមាស២គ្រឿងជូនកម្ពុជា។ កីឡាការិនីរូបនេះធ្លាប់ឈ្នះមេដាយមាសកីឡាទ្វីបអាស៊ី ឆ្នាំ២០១៨ និងមេដាយមាសកីឡាស៊ីហ្គេម ឆ្នាំ២០១៩សម្រាប់កម្ពុជា។
កីឡាការិនី ស្រួង ភាវី
កីឡាការិនី ស្រួង ភាវី តារារះនៅក្រៅប្រទេស បន្ទាប់ពីរូបនាងបានទៅរស់នៅប្រទេសកូរ៉េខាងត្បូង ហើយចាប់ផ្តើមលេងកីឡាប៊ីយ៉ា និងស្នូកឃ័ររហូតក្លាយជាកីឡាការិនីអាជីពលំដាប់លេខ១អាស៊ី និងលំដាប់ពិភពលោក។ បន្ទាប់ពីជោគជ័យលើឆាកអន្តរជាតិ ពេលនេះ ភាវី ដល់ពេលរកមេដាយជូនជាតិក្នុងកីឡាស៊ីហ្គេមហើយ ខណៈកីឡាការិនីរូបនេះ ត្រូវប្រកួត២វិញ្ញាសា 1 Cushion Billiard Carom និង 3 Cushion Billiard Carom។
កីឡាការិនី ថិប កាសាន់ទ្រីនីកូល
កីឡាការិនីតេក្វាន់ដូជម្រើសជាតិកម្ពុជា ថិប កាសាន់ទ្រីនីកូល (Cassandre Nicole Tubbs) ដាក់គោលដៅស្វែងរកមេដាយមាសឲ្យបានជូនជាតិក្នុងឆ្នាំ២០២៣នេះ បន្ទាប់ពីធ្លាប់ឈ្នះមេដាយប្រាក់ និងសំរឹទ្ធជូនកម្ពុជាហើយ។ គិតទាំងឆ្នាំ២០២៣នេះ ជាលើកទី៤ហើយដែល Casandre ចូលរួមប្រកួតស៊ីហ្គេម បន្ទាប់ពីស៊ីហ្គេម ឆ្នាំ២០១៧ ឈ្នះមេដាយសំរឹទ្ធ ឆ្នាំ២០១៩ ឈ្នះមេដាយប្រាក់ និងឆ្នាំ២០២១ ឈ្នះមេដាយសំរឹទ្ធ។
កីឡាការិនី ស៊ន សៀវម៉ី
វីរកីឡាការិនីតេក្វាន់ដូជម្រើសជាតិកម្ពុជា ស៊ន សៀវម៉ី បានវិលត្រឡប់មកកាន់អាជីពកីឡាតេក្វាន់ដូវិញហើយ បន្ទាប់ពីសម្រាកប៉ុន្មានឆ្នាំចុងក្រោយដោយសារមានគ្រួសារ និងសម្រាកកូន។ អំណោយផលផ្នែកកាយសម្បទា និងកម្ពស់ សៀវម៉ី បានក្លាយជាក្តីសង្ឃឹមសម្រាប់កម្ពុជាលើឆាកអន្តរជាតិ។ កីឡាការិនីរូបនេះធ្លាប់ឈ្នះមេដាយមាសកីឡាទ្វីបអាស៊ី ឆ្នាំ២០១៤ និងមេដាយមាសស៊ីហ្គេម៣គ្រឿង។
កីឡាការិនី ពៅ សុខា
កីឡាការិនីវ៉ូវីណាមជម្រើសជាតិកម្ពុជា ពៅ សុខា ទទួលបានមេដាយមាសស៊ីហ្គេម កម្រិតអាស៊ី និងពិភពលោកជាច្រើនគ្រឿងរួចមកហើយ។ យ៉ាងណាពេលនេះមានលក្ខណៈពិសេសបំផុតសម្រាប់រូបនាងដោយសារកម្ពុជាធ្វើជាម្ចាស់ផ្ទះ ហើយរូបនាងត្រូវប្រកួតច្រើនវិញ្ញាសា ដូច្នេះរំពឹងទទួលបានមេដាយមាសច្រើនគ្រឿង៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ