Connect with us

កីឡា

ព្រឹត្តិការណ៍​ប្រកួត​ប្រភេទ​កីឡា​ទោចក្រយាន និង ប្រភេទ​កីឡាអត្តពលកម្ម​នៅ​ខេត្តសៀមរាប ត្រូវបាន​បិទ​បញ្ចប់​ដោយ​ជោគជ័យ

បានផុស

នៅ

សៀម​រា​ប ៖ ក្នុង​អំឡុង​ពេលដែល​ព្រះរាជាណាចក្រ​កម្ពុជា ធ្វើជា​ម្ចាស់ផ្ទះ​នៃ​ការប្រកួត​កីឡា​អាស៊ីអាគ្នេយ៍ ដែល​ហៅ​កាត់​ថា SEA Games លើក​ទី​៣២ និង​អាស៊ាន​ប៉ា​រ៉ា​ហ្គេម​លើក​ទី​១២ ឆ្នាំ​២០២៣ ដែល​បានប្រកាស​បើក​ជា​ផ្លូវការ​កាលពី​ថ្ងៃទី​៥ ខែឧសភា ឆ្នាំ​២០២៣ នៅ​ពហុ​កី​ឡ​ដ្ឋាន​ជាតិ​មរតក​តេ​ជោ រួចមក​នោះ សម្រាប់​ខេត្ត​សៀមរាប ដែលជា​ទឹកដី​អច្ឆរិយ​នៃ​សំណង់​ប្រាសាទ​បុរាណ ពិសេស​ប្រាសាទអង្គរវត្ត​ដ៏​ល្បីល្បាញ ក៏បាន​ទទួល​ការរៀបចំ​ការប្រកួត​កីឡា​ចំនួន​២​ប្រភេទ​ដែរ គឺ ប្រភេទ​កីឡា​ទោចក្រយាន និង ប្រភេទ​កីឡាអត្តពលកម្ម ចាប់ពី​ថ្ងៃទី​៦ ដល់​ថ្ងៃទី​១៣ ខែឧសភា ឆ្នាំ​២០២៣ ដែល​បាន​ប្រព្រឹត្ត​ឡើង​នៅ​តំបន់​ឧទ្យាន​ប្រាសាទអង្គរវត្ត ប្រាសាទបាយ័ន តំបន់​វង់​ធំ និង នៅ​តំបន់​ឧ​ទ្យាន​ជាតិ​ភ្នំ​គូលែន ក្នុងស្រុក​បន្ទាយស្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍​ដ៏​មហស្ចារ្យ និង មាន​អត្ថន័យ​សម្រាប់​ខេត្តសៀមរាប​នេះ ត្រូវបាន​បិទ​បញ្ចប់​ដោយ​ជោគជ័យ នៅ​ថ្ងៃទី​១៣ ខែឧសភា ឆ្នាំ​២០២៣​នេះ បន្ទាប់ពី​បញ្ចប់​វិញ្ញាសា​ប្រកួត​កង់​គួ​ក​នារី ក្នុង​ចម្ងាយ​ផ្លូវ ១០០,៤​គីឡូម៉ែត្រ ដែលមាន​លទ្ធផល​ដូចខាងក្រោម​នេះ ៖

​នៅ​ព្រឹក​ថ្ងៃទី​៦ ខែឧសភា ឆ្នាំ​២០២៣ ៖ វិញ្ញាសារ​រត់​ម៉ារ៉ាតុន​បុរស ជា​លទ្ធផល​មេដាយមាស​បាន​ទៅលើ​កីឡាករ Agus Prayogo មកពី​ប្រទេស ឥណ្ឌូនេស៊ី , មេដាយប្រាក់ បាន​ទៅលើ​កីឡាករ Arlan Estobo Arois មកពី​ប្រទេស ហ្វីលីពីន និង មេដាយសំរិទ្ធ បាន​ទៅលើ​កីឡាករ Ngyen Thanh Hoang មកពី​ប្រទេស​វៀតណាម និង វិញ្ញាសា​រត់​ម៉ា​តុ​ន​ផ្នែក​នារី​ជា​លទ្ធផល មេដាយមាស បាន​ទៅលើ​កីឡាការិនី Odekta Elvina មកពី​ប្រទេស​ឥ​ណ្ឌ​នេ​ស៊ី​, មេដាយប្រាក់ បាន​ទៅលើ​កីឡាការិនី Thi Tuyet le មកពី​ប្រទេស​វៀតណាម និង​មេដាយ​សំរឹទ្ធ បាន​ទៅលើ កីឡាការិនី Christine Organiza Hallasgo មកពី​ប្រទេស​ហ្វីលីពីន។

នៅ​ល្ងាច​ថ្ងៃ​ទី​៦ ខែឧសភា ឆ្នាំ​២០២៣ វិញ្ញាសា​ដើរ​ប្រណាំង​បុរស ជា​លទ្ធផល​កីឡាករ Hendro Hendro មកពី​ប្រទេស​ឥណ្ឌូនេស៊ី ឈ្នះ​បាន​មេដាយមាស , លើ​កីឡាករ Thanh Ngung Nguyen មកពី​ប្រទេស វៀតណាម ឈ្នះ​បាន​មេដាយប្រាក់ និង បាន​ទៅលើ​កីឡាករ Pyae Phyo Htun មកពី​ប្រទេស​មី​យ៉ាន​ម៉ា ឈ្នះ​បាន​មេដាយសំរិទ្ធ និង វិញ្ញាសា​ដើរ​ប្រណាំង​នារី ជា​លទ្ធផល កីឡាការិនី Thi Thanh Phuc Nguyet មកពី​ប្រទេស​វៀតណាម ឈ្នះ​បាន​មេដាយមាស , កីឡាការិនី Violine Intan Puspita មកពី​ប្រទេស​ឥណ្ឌូនេស៊ី ឈ្នះ​បាន​មេដាយប្រាក់ និង កីឡាការិនី Kotchaphon Tangsrivong មកពី​ប្រទេស​ថៃ ឈ្នះ​បាន​មេដាយ​សំរឹទ្ធ។

នៅ​ព្រឹក​ថ្ងៃទី​៦ ខែឧសភា ឆ្នាំ​២០២៣ វិញ្ញាសា​កង់​ភ្នំ​ផ្នែក​បុរស ជា​លទ្ធផល​កីឡាករ​មកពី​ប្រទេស​ឥណ្ឌូនេស៊ី ឈ្មោះ FERI YUDOYONO ឈ្នះ​មេដាយមាស , កីឡាករ​មកពី​ប្រទេស​ឥណ្ឌូនេស៊ី ឈ្មោះ ZAENALFANANI ឈ្នះ​មេដាយប្រាក់ និង កីឡាករ​មកពី​ប្រទេស​កម្ពុជា ឈ្មោះ KHIM MENGLONG ឈ្នះ​មេដាយ​សំរឹទ្ធ និង វិញ្ញាសា​កង់​ភ្នំ​ផ្នែក​នារី​វិញ កីឡាការិនី​មកពី​ប្រទេស​ឥណ្ឌូនេស៊ី ឈ្មោះ SAYU BELLA SUKMA DEWI ឈ្នះ​បាន​មេដាយមាស , កីឡាការិនី​មកពី​ប្រទេស​ម៉ាឡេស៊ី ឈ្មោះ NUR ASSYIRA ZAINAL ABIDIN ឈ្នះ​បាន​មេដាយប្រាក់ និង កីឡាការិនី​មកពី​ប្រទេស​ថៃ ឈ្មោះ VONTHANAN PHONKLA ឈ្នះ​បាន​មេដាយសំរិទ្ធិ​។

នៅ​ព្រឹក​ថ្ងៃទី​៧ ខែឧសភា ឆ្នាំ​២០២៣ វិញ្ញាសា​កង់​ភ្នំ​ជា​ក្រុម​បណ្ដាក់​គ្នា Cross Country Reley (XCR) ជា​លទ្ធផល​ក្រុម​កីឡាករ​-​កីឡាការិនី មកពី​ប្រទេស​ឥណ្ឌូនេស៊ី ទទួល​ជ័យលាភី មេដាយមាស ខណៈ​ក្រុម​កីឡាករ​-​កីឡាការិនី ប្រទេស​ថៃ ទទួល​បាន​មេដាយប្រាក់ និង​មេដាយសំរិទ្ធ បាន​ទៅលើ​ក្រុម​កីឡាករ​-​កីឡាការិនី មកពី​ប្រទេស​ហ្វីលីពីន។

នៅ​ព្រឹក​ថ្ងៃទី​៨ ខែឧសភា ឆ្នាំ​២០២៣ ៖ វិញ្ញាសា​កង់​ភ្នំ បុរស ( XCE ) ជា​លទ្ធផល​កីឡាករ​មកពី​ប្រទេស​ថៃ ទទួល​ជ័យលាភី មេដាយមាស , កីឡាករ​មកពី​ប្រទេស​កម្ពុជា ទទួល​ជ័យលាភី មេដាយប្រាក់ និង កីឡាករ​មកពី​ប្រទេស​ម៉ាឡេស៊ី ទទួល​ជ័យលាភី មេដាយសំរិទ្ធ និង វិញ្ញាសា​កង់​ភ្នំ នារី ( XCE ) ជា​លទ្ធផល​កីឡាការិនី​មកពី​ប្រទេស​ឥណ្ឌូនេស៊ី ទទួល​ជ័យលាភី មេដាយមាស , កីឡាការិនី​មកពី​ប្រទេស​ហ្វីលីពីន ទទួល​ជ័យលាភី មេដាយប្រាក់ និង កីឡាការិនី​មកពី​ប្រទេស​ថៃ ទទួល​ជ័យលាភី មេដាយសំរិទ្ធ។

នៅ​ព្រឹក ថ្ងៃទី​១១ ខែឧសភា ឆ្នាំ​២០២៣ វិញ្ញាសា​កង់​គួ​ក​បុរស ប្រកួត​ក្នុង​ចម្ងាយ​ផ្លូវ ៥៥,២​គីឡូម៉ែត្រ នៅមុខ​ប្រាសាទអង្គរវត្ត ជា​លទ្ធផល​កីឡាករ​មកពី​ប្រទេស​ឥណ្ឌូនេស៊ី ទទួល​ជ័យលាភី មេដាយមាស , កីឡាករ​មកពី​ប្រទេស​ម៉ាឡេស៊ី ទទួល​ជ័យលាភី មេដាយប្រាក់ និង កីឡាករ​មកពី​ប្រទេស​ហ្វីលីពីន ទទួល​ជ័យលាភី មេដាយសំរិទ្ធ និង វិញ្ញាសា​កង់​គួ​ក​នារី ប្រកួត​ក្នុង​ចម្ងាយ​ផ្លូវ ៣៦,៨​គីឡូម៉ែត្រ ជា​លទ្ធផល​កីឡាការិនី​មកពី​ប្រទេស​ថៃ ទទួល​ជ័យលាភី មេដាយមាស , កីឡាការិនី​មកពី​ប្រទេស​វៀតណាម ទទួល​ជ័យលាភី មេដាយប្រាក់ និង កីឡាការិនី​មកពី​ប្រទេស​ម៉ាឡេស៊ី ទទួល​ជ័យលាភី មេដាយសំរិទ្ធ។

នៅ​ព្រឹក ថ្ងៃទី​១២ ខែឧសភា ឆ្នាំ​២០២៣ វិញ្ញាសា​កង់​គួ​ក​បុរស ក្នុង​ចម្ងាយ​ផ្លូវ ១៥០,៦​គីឡូម៉ែត្រ នៅ​តំបន់​ឧទ្យាន​ប្រាសាទអង្គរវត្ត ប្រាសាទបាយ័ន និង តំបន់​វង់​ធំ ជា​លទ្ធផល​កីឡាករ​មកពី​ប្រទេស​ម៉ាឡេស៊ី ទទួល​ជ័យលាភី មេដាយមាស , កីឡាករ​មកពី​ប្រទេស​ឥណ្ឌូនេស៊ី ទទួល​ជ័យលាភី មេដាយប្រាក់ និង កីឡាករ​មកពី​ប្រទេស​ហ្វីលីពីន ទទួល​ជ័យលាភី មេដាយសំរិទ្ធ៕

ដោយ ៖ គឿន​វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង២ នាទី មុន

ក្រុមហ៊ុន ហនុមាន ដាក់លក់ហ្គង់ប្រដាល់មានហត្ថលេខា Manny Paciquiao ១ក្នុងតម្លៃ១ពាន់ដុល្លារ ខណៈចំណូលសរុបនឹងយកទៅធ្វើសប្បុរសធម៌

ព័ត៌មានជាតិ២៧ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម