កីឡា

ថ្ងៃនេះ កំពង់ចាម ប៉ះ កំពង់ធំ, ត្បូងឃ្មុំ ប៉ះ បន្ទាយមានជ័យ វគ្គ៤ក្រុមពានសម្តេចតេជោថ្នាក់ខេត្ត

បានផុស

៣ years មុន

នៅ

ថ្ងៃអង្គារ ១៤ វិច្ឆិកា ២០២៣

ដោយ

វេលាម៉ោង៣រសៀល ថ្ងៃអង្គារ៍ ទី១៤ ខែវិច្ឆិកា ឆ្នាំ២០២៣ ក្រុមបាល់ទាត់ជម្រើសខេត្តកំពង់ចាមទទួលស្វាគមន៍ក្រុមជម្រើសខេត្តកំពង់ធំ ខណៈក្រុមខេត្តត្បូងឃ្មុំ ទទួលក្រុមខេត្តបន្ទាយមានជ័យ វគ្គពាក់កណ្តាលផ្តាច់ព្រ័ត្រ ពានរង្វាន់សម្តេចតេជោ ហ៊ុន សែន ថ្នាក់ខេត្ត លើកទី១៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមខេត្តកំពង់ចាមបើកទ្វារទីលានវិទ្យាល័យ ព្រះសីហនុ ដើម្បីទទួលក្រុមជិតខាងខ្លួនគឺក្រុមខេត្តកំពង់ធំ សម្រាប់ការប្រកួតជើងទី១។ ក្រុមទាំងពីរសុទ្ធតែជាក្រុមទើបឡើងវគ្គពាក់កណ្តាលផ្តាច់ព្រ័ត្រថ្នាក់ខេត្តលើកដំបូងដូចគ្នា បន្ទាប់ពីកំពង់ធំបានឈ្នះក្រុមខេត្តពោធិ៍សាត់ទាំងពីរជើង ៦-១ ហើយក្រុមខេត្តកំពង់ចាមបានឈ្នះក្រុមជើងឯកចាស់ដោយប៉េណាល់ទី ៤-២ ក្រោយស្មើគ្នា ២-២។

ចំណែកក្រុមខេត្តត្បូងឃ្មុំបើកទ្វារទីលានវិទ្យាល័យ ប៊ុនរ៉ានី ហ៊ុនសែន មេមត់ទទួលក្រុមខេត្តបន្ទាយមានជ័យក្នុងជើងទី១។ បន្ទាយមានជ័យជាក្រុមធ្លាប់ឡើងវគ្គពាក់កណ្តាលផ្តាច់ព្រ័ត្រ ប៉ុន្តែមិនសូវទទួលបានជោគជ័យខ្លាំងដូចជាក្រុមខេត្តត្បូងឃ្មុំដែលបានឡើង៥លើកជាប់គ្នាចាប់ពានរង្វាន់ថ្នាក់ខេត្តត្រូវបានបង្កើតឡើងតាំងពីឆ្នាំ២០១៩។ ជាពិសេសឆ្នាំដែលបង្កើតពានរង្វាន់ថ្នាក់ខេត្តលើកដំបូង២០១៩គឺក្រុមខេត្តត្បូងឃ្មុំបានឈ្នះជើងឯក។