កីឡា
ត្រឹម១សប្តាហ៍ កីឡាករកំពង់ចាមយកបានជើងឯក២ប្រភេទកីឡាជូនខេត្ត
ក្រុមកីឡាករជម្រើសខេត្តកំពង់ចាមបានឈ្នះជើងឯកពីរប្រភេទកីឡាជូនខេត្តរបស់ខ្លួនក្នុងរយៈពេលត្រឹមតែ១សប្តាហ៍ដែលនេះជាមុខមាត់ និងសមិទ្ធផលថ្មីរបស់ខេត្ត។
កាលពីថ្ងៃទី២៤ ខែវិច្ឆិកា ឆ្នាំ២០២៣ ក្រុមកីឡាករខេត្តកំពង់ចាមបានបង្កើតកំណត់ត្រាផ្ទាល់ខ្លួនថ្មីក្នុងការឈ្នះជើងឯកពានរង្វាន់សម្តេចតេជោ ហ៊ុន សែន លើកទី១៧ ថ្នាក់ខេត្ត បន្ទាប់ពីបានយកឈ្នះលើក្រុមខេត្តត្បូងឃ្មុំដែលទទួលបានចំណាត់ថ្នាក់លេខ២ដោយលទ្ធផល ២-០ នៅវគ្គផ្តាច់ព្រ័ត្រ នៅពហុកីឡដ្ឋានជាតិអូឡាំពិក។
នេះជាសមិទ្ធផលថ្មីដែលក្រុមខេត្តកំពង់ចាមសម្រេចបានដោយបានឡើងដល់វគ្គពាក់កណ្តាលផ្តាច់ព្រ័ត្រជាលើកដំបូង និងបន្តឡើងដល់វគ្គផ្តាច់ព្រ័ត្រជាលើកដំបូង ហើយបានឈ្នះជើងឯកតែម្តង។ ក្នុងនាមជាជើងឯក ក្រុមកំពង់ចាមទទួលបានមេដាយមាស ពានរង្វាន់ និងប្រាក់រង្វាន់២០លានរៀល។
រយៈពេលត្រឹមតែ៤ថ្ងៃបន្ទាប់ ក្រុមកីឡាករទូកខេត្តកំពង់ចាមយកបានជយលាភីលេខ១ជូនខេត្តពីព្រឹត្តិការណ៍ប្រណាំងទូកប្រចាំឆ្នាំ២០២៣។ ទូក«មហាទន្សាយតេជោសែនជ័យ»របស់ខេត្តកំពង់ចាមទទួលបានចំណាត់ថ្នាក់លេខ១ក្នុងការប្រកួតប្រណាំងគូពិសេសដែលប្រជុំដោយទូកខ្លាំងៗចំនួន៩៧មកពីទូទាំងប្រទេស។
មហាទន្សាយតេជោសែនជ័យដែលឧបត្ថម្ភដោយលោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ថ្ងៃទី១ ជើងទី១ ធ្វើបានថិរវេលា ០:៤:៤៦:១៨ និងជើងទី២ ថិរវេលា 0៤:៤១:៥៧។ ថ្ងៃទី២ ជើងទី១ ថិរវេលា ០៤:៤២:៣៧ និងជើងទី២ ថិរវេលា០៤:៣៧:៤៥ ខណៈថ្ងៃទី៣ ជើងទី១ ថិរវេលា ០៤:៣៦:១២ និងជើងទី២ ថិរវេលា ០៤:៤១:២៨។ សរុបថិរវេលា ២៨:០៥:៣៣ ដើម្បីក្លាយជាស្តេចល្បឿនប្រចាំឆ្នាំ២០២៣៕
អត្ថបទ៖ វីរបុត្រ
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា