កីឡា
ទីបំផុត ព្រះខ័នរាជស្វាយរៀង ប៉ះ ភ្នំពេញក្រោន វគ្គផ្តាច់ព្រ័ត្រពានសម្តេចតេជោ
ក្លិបបាល់ទាត់ព្រះខ័នរាជស្វាយរៀង និង ភ្នំពេញក្រោន ជាក្រុមឡើងទៅកាន់វគ្គផ្តាច់ព្រ័ត្រពានរង្វាន់សម្តេចតេជោ ហ៊ុន សែន លើកទី១៧ បន្ទាប់ពីទទួលបានជ័យជម្នះទាំងលំបាកក្នុងវគ្គពាក់កណ្តាលផ្តាច់ព្រ័ត្រ ថ្ងៃទី១០ ខែមេសា ឆ្នាំ២០២៤។
![](https://www.kampucheathmey.com/wp-content/uploads/2024/04/Preah-Khan-Reach-Svayrieng-KPT-SPORT-NEWS-2-1024x683.jpg)
ការប្រកួតជើងទី២ បឹងកេត ពិតជាធ្វើបានល្អខ្លាំងមែនទែនដោយបានព្យាយាមបិទតំបន់ប្រយុទ្ធរបស់ម្ចាស់ផ្ទះព្រះខ័នរាជស្វាយរៀងបានយ៉ាងល្អ។ មិនត្រឹមតែរារាំងចង្វាក់លេងរបស់ម្ចាស់ផ្ទះបានល្អប៉ុណ្ណោះទេ ប៉ុន្តែបានទម្លាយសំណាញ់ទីរបស់ព្រះខ័នរាជស្វាយរៀង២គ្រាប់នៅវគ្គ១។
![](https://www.kampucheathmey.com/wp-content/uploads/2024/04/saret-krya-kampuchea-sport-news1-1024x683.jpg)
ព្រះខ័នរាជស្វាយរៀងបានព្យាយាមដាក់សម្ពាធយ៉ាងខ្លាំង ប៉ុន្តែនៅតែមិនអាចទម្លាយសំណាញ់ទីរបស់បឹងកេត។ រហូតដល់នាទីទី៩០ទើបម្ចាស់ផ្ទះរកបានគ្រាប់បាល់ជ័យជម្នះតាមរយៈតែតរបស់ខ្សែការពារ សារ៉េត គ្រីយ៉ា។ ដូច្នេះសរុបទាំងពីរជើង ព្រះខ័នរាជស្វាយរៀង បានឈ្នះបឹងកេត ដោយលទ្ធផល ៤-៣ ដើម្បីឡើងទៅកាន់វគ្គផ្តាច់ព្រ័ត្រ។
ចំណែកនៅកីឡដ្ឋានស្មាត អអេសអិន ក្រុមវិសាខា ក៏ធ្វើបានល្អដោយបានទម្លាយសំណាញ់ទីរបស់ម្ចាស់ផ្ទះភ្នំពេញក្រោន ដើម្បីនាំមុខ ០-១ នៅវគ្គទី១ដោយកីឡាករ Bastos Jonata នៅនាទី២៩។ ភ្នំពេញក្រោនបានព្យាយាមសម្រុកយ៉ាងខ្លាំងរហូតដល់នាទីបន្ថែម ៩០+១០ ទើបអាចរកបានគ្រាប់បាល់តាមស្មើ ១-១ ដោយខ្សែការពារសញ្ជាតិមីយ៉ាន់ម៉ា SOE MOE KYAW។ ដូច្នេះក្រុមទាំងពីរត្រូវបន្ថែមម៉ោង១៥នាទីពីរដង។
![](https://www.kampucheathmey.com/wp-content/uploads/2024/04/PPC-4-2-ISI-DANGKOR-SENCHEY-CLP-WEEK6-KPT-SPORT-NEWS-1-1-1024x683.jpg)
ការបន្ថែម១៥នាទីពីរដង សម្រាប់១៥នាទីដំបូងគ្មានគ្រាប់បាល់ទេ ប៉ុន្តែនៅដើមនាទី១៥នាទីលើកទី២ ភ្នំពេញក្រោនរកបានគ្រាប់បាល់ជ័យជម្នះដោយខ្សែប្រយុទ្ធ លឹម ពិសុទ្ធ។ ត្រឹមនេះមិនទាន់អស់គ្រាប់បាល់ទេ ប្រាក់ ធីវ៉ា បានរកគ្រាប់បាល់ទី៣ក្នុងការប្រកួតនេះនៅនាទី១១៣ និងនៅនាទី១២២ Shintaro រកបាន១គ្រាប់ទៀតដើម្បីឲ្យ ភ្នំពេញក្រោន ទទួលបានជ័យជម្នះលើវិសាខា ដោយលទ្ធផល ៤-១។ សរុបទាំងពីរជើងភ្នំពេញក្រោនឈ្នះ ៦-៣។
នេះជាលើកដំបូងដែលភ្នំពេញក្រោន បានឡើងវគ្គផ្តាច់ព្រ័ត្រ ពានរង្វាន់សម្តេចតេជោ ហ៊ុន សែន ក្នុងរយៈពេល១៤ឆ្នាំចុងក្រោយ បន្ទាប់ពីពួកគេធ្លាប់បានឡើងដល់វគ្គផ្តាច់ព្រ័ត្រចុងក្រោយបំផុតកាលពីឆ្នាំ២០១០។
នៅវគ្គផ្តាច់ព្រ័ត្រ ព្រះខ័នរាជស្វាយរៀង ជួប ភ្នំពេញក្រោន ដើម្បីដណ្តើមជើងឯក៕
អត្ថបទ៖ វីរបុត្រ
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ