កីឡា

វគ្គផ្តាច់ព្រ័ត្រពានសម្តេចតេជោមានរង្វាន់ម៉ូតូ៣គ្រឿង

បានផុស

២ years មុន

នៅ

ថ្ងៃព្រហស្បតិ៍ ១៨ មេសា ២០២៤

ដោយ

ការប្រកួតបាល់ទាត់ពានរង្វាន់សម្តេចតេជោ ហ៊ុន សែន លើកទី១៧ រដូវកាល២០២៣-២៤ នឹងបញ្ចប់នៅថ្ងៃអាទិត្យ ទី២៨ ខែមេសានេះ ដោយក្រុមខ្លាំងព្រះខ័នរាជស្វាយរៀងប៉ះភ្នំពេញក្រោននៅវគ្គផ្តាច់ព្រ័ត្រដណ្តើមជើងឯក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតធ្វើឡើងនៅពហុកីឡដ្ឋានជាតិអូឡាំពិកជាទឹកដីកណ្តាលក្នុងរាជធានីភ្នំពេញដោយក្រុមវិសាខាត្រូវតទល់នឹងបឹងកេតដើម្បីដណ្តើមចំណាត់ថ្នាក់លេខ៣នៅវេលាម៉ោង៤រសៀល ខណៈព្រះខ័នរាជស្វាយរៀងជួបភ្នំពេញក្រោនដណ្តើមជើងឯកវេលាម៉ោង៦ល្ងាច។

ជឿជាក់ថា ក្រុមទាំងពីរនឹងមានអ្នកគាំទ្ររបស់ខ្លួនចូលរួមទស្សនា លើកទឹកចិត្តច្រើនកុះករដូចគ្នា ដោយសារក្រុមទាំងពីរសុទ្ធតែមានអ្នកគាំទ្រច្រើនដូចគ្នា។ អ្វីដែលពិសេសទៀតនោះ អ្នកគាំទ្របានចូលរួមលើកទឹកចិត្តដល់ក្រុមជាទីស្រឡាញ់របស់ខ្លួន និងទទួលបានភាពសប្បាយរីករាយ ហើយមានឱកាសឈ្នះរង្វាន់ថែមទៀតគឺមានរង្វាន់ម៉ូតូ៣គ្រឿងសម្រាប់បងប្អូនដែលបានទិញសំបុត្រចូលទស្សនាផ្ទាល់។

នេះជាការប្រកួតផ្លូវការសំខាន់ធំជាលើកដំបូងនៅពហុកីឡដ្ឋានជាតិអូឡាំពិក បន្ទាប់ពីត្រូវបានដាក់កៅអីអង្គុយមានខ្នងបង្អែកថ្មីរួចរាល់កាលពីពេលថ្មីៗនេះ។ វាប្រៀបដូចជាការប្រកួតដើម្បីបើកសម្ពោធកៅអីអង្គុយថ្មីដ៏ស្រស់ស្អាតចំនួន២៥០០០នៅពហុកីឡដ្ឋានជាតិអូឡាំពិក។

សូមចូលរួមទស្សនាផ្ទាល់ និងរង់ចាំមើលទាំងអស់គ្នាថាតើ ព្រះខ័នរាជស្វាយរៀងនឹងឈ្នះជើងឯកជាលើកទី៥ ឬភ្នំពេញក្រោននឹងឈ្នះជើងឯកជាលើកទី៣៕