កីឡា

យប់នេះ ថៃ ប៉ះ អារ៉ាប៊ីសាអ៊ូឌីត ប្រជែងកៅអីវគ្គ៨ក្រុម AFC U23

បានផុស

២ years មុន

នៅ

ថ្ងៃសុក្រ ១៩ មេសា ២០២៤

ដោយ

ការប្រកួតវគ្គសន្សំពិន្ទុក្នុងពូល C ពានរង្វាន់យុវជនអាស៊ីអាយុក្រោម២៣ឆ្នាំ (AFC U23 Asian Cup) ក្រុមជម្រើសជាតិថៃប៉ះអារ៉ាប៊ីសាអ៊ូឌីត វេលាម៉ោង១០:៣០នាទីយប់នេះ នៅក្នុងកីឡដ្ឋាន Khalifa ប្រទេសកាតារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លងកាត់១ប្រកួត វគ្គសន្សំក្នុងពូល ក្រុមយុវជនថៃ និងអារ៉ាប៊ីសាអ៊ូឌីត សុទ្ធតែរកបាន៣ពិន្ទុដូចគ្នា ក្នុងនោះថៃបានយកឈ្នះក្រុមអុីរ៉ាក់ ២-០ កាលពីថ្ងៃទី១៦ ខែមេសា ខណៈអារ៉ាប៊ីសាអ៊ូឌីត បានឈ្នះតាជីគីស្ថាន ៤-២ កាលពីថ្ងៃទី១៧ ខែមេសា។ ដូច្នេះ ការប្រកួតយប់ថ្ងៃទី១៩ ខែមេសា ក្រុមទាំង២សុទ្ធតែត្រូវការជ័យជម្នះដូចគ្នា ដើម្បីធានាកៅអីឡើងទៅវគ្គ៨ក្រុមចុងក្រោយ។

ប្រវត្តិជួបគ្នា៥លើករបស់ក្រុមយុវជនទាំង២ អារ៉ាប៊ីសាអ៊ូឌីត ឈ្នះ២លើក និងស្មើគ្នា៣លើក។ ការប្រកួត៥លើកចុងក្រោយរបស់ក្រុមយុវជនថៃ ឈ្នះ២ ចាញ់២ និងស្មើ១ ហើយអារ៉ាប៊ីសាអ៊ូឌីត ឈ្នះ១ ស្មើ២ និងចាញ់២។

ការប្រកួតយប់នេះ ក្រុមណាឈ្នះនឹងបានឡើងទៅកាន់វគ្គ៨ក្រុមចុងក្រោយដោយស្វ័យប្រវត្តិ ទោះបីនៅសល់១ប្រកួតទៀត។

ពានរង្វាន់ AFC U23 Asian Cup ចែកជា៤ពូល ក្នុងនោះក្រុមលេខ១និង២ តាមពូលនីមួយៗនឹងឡើងទៅវគ្គ៨ក្រុមចុងក្រោយ។ គិតត្រឹមថ្ងៃទី១៩ ខែមេសានេះ ក្រុមម្ចាស់ផ្ទះកាតារបានកក់កៅអីឡើងទៅវគ្គ៨ក្រុមចុងក្រោយមុនគេ បន្ទាប់ពីឈ្នះ២ប្រកួត ទោះបីវគ្គសន្សំពិន្ទុមិនទាន់ចប់។ ការប្រកួតវគ្គ៨ក្រុមចុងក្រោយ នៅថ្ងៃទី២៥ ដល់ទី២៧ ខែមេសា៕

អត្ថបទ៖ ផា រតនា