កីឡា

ធូប្រាឌឺបាវិត លត់ ក្រុមក្រុងស្វាយរៀងចាស់ដៃ ៩-០ ពានស្វាយរៀងខាប់U13

បានផុស

២ years មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

ការប្រកួត«ពានរង្វាន់បាល់ទាត់ ស្វាយរៀងខាប់ អាយុក្រោម១៣ឆ្នាំ លើកទី១ ឆ្នាំ២០២៤»បានបញ្ចប់ សប្តាហ៍ទី២ហើយដោយក្រុមយុវជន ធូប្រាឌឺ បាវិត ធ្វើបានយ៉ាងល្អឥតខ្ចោះដើម្បីទទួលបាន៣ពិន្ទុបន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតក្នុងសប្តាហ៍ទី២មានរហូតដល់ទៅ៨គូដោយលេង២ថ្ងៃផ្សេងគ្នា។ ការប្រកួតនៅថ្ងៃទី៧ ខែវិច្ឆិកា ឆ្នាំ២០២៤ នៅវេលាម៉ោង២រសៀល ក្រុមយុវជនសាមគ្គីអាយុ១៣ឆ្នាំរកបាន៣ពិន្ទុតាមរយៈជ័យជម្នះ ៤-១ លើក្រុម សសយក ស្រុកស្វាយទាប។ នៅវេលាម៉ោង៣រសៀល ក្រុម យុវជនរមាសហែកទទួលបាន៣ពិន្ទុយ៉ាងតឹងតែង បន្ទាប់ពីឈ្នះក្រុម CRS SPORT ៣-២។ វេលាម៉ោង៤រសៀល ក្រុមធូប្រាឌឺវិត បានចាញ់ យុវជបសសយក ស្រុកស្វាយទាប 1-0 ធូប្រាឌឺ បាវិត ដោយលទ្ធផល ០-១។

យ៉ាងណា ៣ថ្ងៃបន្ទាប់ពោលគឺថ្ងៃអាទិត្យ ទី១០ ខែវិច្ឆិកា ឆ្នាំ២០២៤ ក្រុម ធូប្រាឌឺ បាវិត បានសងសឹក សសយក ស្រុកស្វាយទាប ដោយយកឈ្នះក្នុងលទ្ធផល ២-១។ ជាមួយគ្នានេះ ក្រុមយុវជនរមាសហែក បានចាញ់ សសយក ស្រុកកំពុងរោទិ៍ ៣-១។

នៅវេលាម៉ោង២ថ្ងៃដដែល ក្រុមយុវជនបឋមសិក្សាជ្រៃធំ បានយកឈ្នះ យុវជន CRS SPORT ៣-១។ អ្វីដែលភ្ញាក់ផ្អើល ក្រុមយុវជន ធូប្រាឌឺ បាវិត បានលត់ ក្រុមយុវជន សសយក ក្រុងស្វាយរៀង យ៉ាងចាស់ដៃក្នុងលទ្ធផលតដៃមិនចួច ៩-០។ គូចុងក្រោយ វេលាម៉ោង៤រសៀល ក្រុមយុវជនសាមគ្គី រកបាន៣ពិន្ទុ តាមរយៈជ័យជម្នះលើក្រុមយុវជប BULE DRAGON ៣-០។

ការប្រកួត« ពានរង្វាន់បាល់ទាត់ ស្វាយរៀងខាប់ អាយុក្រោម១៣ឆ្នាំ លើកទី០១ ឆ្នាំ២០២៤» សប្តាហ៍ទី២ នៅថ្ងៃព្រហស្បតិ៍ ទី០៧ ខែវិច្ឆិកា ឆ្នាំ២០២៤ នៅទីលានវិទ្យាល័យ ហ៊ុនសែន ស្វាយរំពារ ស្រុកស្វាយទាប ខេត្តស្វាយរៀង រួមមានដូចខាងក្រោម៖