កីឡា

គ្រូអារូបា កីឡាករកម្ពុជាប្រហែលគិតថាការប្រកួតនេះងាយស្រួល ក្រោយប៉ះទង្គិចគ្នាមានអារម្មណ៍ឆេវឆាវ

បានផុស

៤ ថ្ងៃ មុន

នៅ

ថ្ងៃពុធ ២៦ មីនា ២០២៥

ដោយ

គ្រូបង្វឹករបស់ក្រុម អារូបា ថាកីឡាករកម្ពុជាប្រហែលគិតមុនប្រកួតថាជំនួបនេះងាយស្រួល ទើបក្រោយមកមានការប៉ះទង្គិចគ្នាលើទីលានធ្វើឲ្យពួកគេមានអារម្មណ៍ឆេវឆាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Marvic Bermudez

លោក Marvic Bermudez ប្រសិនបើខាងកម្ពុជាមិនបានកាតក្រហមទេ ប្រហែលជាលំបាកខ្លាំងចំពោះក្រុមរបស់លោកក្នុងជំនួបម្សិលមិញនេះ។ ដូចឃើញស្រាប់ហើយកូនក្រុមរបស់លោកអស់កម្លាំង ប៉ុន្តែលោកប្រាប់កូនក្រុមឲ្យលេងដោយភាពឆ្លាតវៃក្នុងកាលៈទេសៈនោះ។

តាមការគិតរបស់លោកកីឡាករកម្ពុជា ប្រហែលគិតថាការប្រកួតមួយនេះវាមានភាពងាយស្រួលសម្រាប់ពួកគេ ជាហេតុនៅពេលប៉ះទង្គិចគ្នាម្ដងៗបង្ហាញអារម្មណ៍ឆេវឆាវ។ ជាចុងក្រោយលោក Marvic Bermudez ថ្លែងអំណរគុណចំពោះការអញ្ជើញក្រុមរបស់លោក និងការរៀបចំការប្រកួតនេះឡើង និងថ្លែងអំណរគុណចំពោះអ្នកគាំទ្រកម្ពុជាទាំងអស់ផងដែរ។

ទិដ្ឋភាពប្រកួតម្សិលមិញ

បញ្ជាក់ដែរថា ការប្រកួតមិត្តភាពអន្តរជាតិរវាងក្រុមជម្រើសជាតិកម្ពុជា និង អារូបា បានធ្វើឡើងកាលពីយប់ម្សិលមិញនៅពហុកីឡដ្ឋានជាតិ។ ក្រោយបញ្ចប់ការប្រកួតក្រុមជម្រើសជាតិ អារូបា យកឈ្នះកម្ពុជា ២-១។ ក្រុមកម្ពុជាម្សិលមិញនេះដែរក៏ទទួលបានកាតក្រហមចំនួន ២ គឺកីឡាករ Yudai Ogawa និង Nieto Rondon៕

អត្ថបទដោយ៖ នួន ស៊ីណា

Related Topics:កីឡាបាល់ទាត់ជាតិ