ព័ត៌មានជាតិ

ក្រសួងមហាផ្ទៃ នឹងរៀបចំការប្រកួតវាយសីជើងឯកនគរបាល អាស៊ីអាគ្នេយ៍ លើកទី២ នៅខែឧសភា

បានផុស

៣ ខែ មុន

នៅ

ថ្ងៃចន្ទ ៦ មេសា ២០២៦

ដោយ

ដើម្បីលើកកម្ពស់វិស័យកីឡា និងរឹតចំណងមិត្តភាព សាមគ្គីភាព ក្រសួងមហាផ្ទៃ នឹងរៀបចំការប្រកួតវាយសីជ្រើសរើសជើងឯកនគរបាល អាស៊ីអាគ្នេយ៍ ជាលើកទី២ រយៈពេល ៥ថ្ងៃនៅខែឧសភា ឆ្នាំ២០២៦ ខាងមុខនេះដោយនឹងអញ្ជើញបណ្ដាប្រទេសក្នុងតំបន់ចូលរួម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពការប្រកួតនៅលើកទី១

នេះបើតាមការផ្សព្វផ្សាយនៅលើហ្វេសបុកផេក ក្រុមប្រឹក្សាកីឡាក្រសួងមហាផ្ទៃ ដើម្បីចូលរួមលើកកម្ពស់វិស័យកីឡា រឹតចំណងមិត្តភាព សាមគ្គីភាព និងកិច្ចសហប្រតិបត្តិការក្នុងក្របខ័ណ្ឌមន្ត្រីរាជការស៊ីវិល មន្ត្រីនគរបាលជាតិ មន្ត្រីពន្ធនាគារ ក្រសួងមហាផ្ទៃ នឹងរៀបចំការប្រកួតឡើងវិញនូវព្រឹត្តិការណ៍ប្រកួត «កីឡាវាយសីជ្រើសរើសជើងឯកនគរបាលអាស៊ីអាគ្នេយ៍» Southeast Asia Police Badminton Championship ពានរង្វាន់អភិសន្តិបណ្ឌិ ស សុខា លើកទី២។

ទិដ្ឋភាពការប្រកួតនៅលើកទី១

ការប្រកួតនេះនឹងអញ្ជើញបណ្ដាក្លឹបកីឡាវាយសីយុវជនជានគរបាលមកពីប្រទេសក្នុងតំបន់អាស៊ីអាគ្នេយ៍មកចូលរួម។ ដូច្នេះតាមសាមីអង្គភាពផ្សេងៗអាចចុះឈ្មោះចូលរួមប្រកួតនៅអគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃចាប់ពីថ្ងៃជូនដំណឹងនេះរហូតដល់ថ្ងៃទី១៥ ខែឧសភា ឆ្នាំ២០២៦។

បញ្ជាក់ដែរថា ការប្រកួតកីឡាវាយសីជ្រើសរើសជើងឯកនគរបាល អាស៊ីអាគ្នេយ៍ ពានរង្វាន់អភិសន្តិបណ្ឌិត ស សុខា លើកទី២ នេះនឹងធ្វើឡើងរយៈពេល ៥ថ្ងៃចាប់ពីថ្ងៃទី២៦ ដល់ ៣០ ខែឧសភា ឆ្នាំ២០២៦ នៅរាជធានីភ្នំពេញ៕