សហព័ន្ធ​កីឡា​កាយវប្បកម្ម​ បន្ត​ទទួល​ពាក្យ​អ្នក​ចង់​ចូលរួម​ប្រកួត​ជើងឯក​ថ្នាក់​ជាតិ​ ឆ្នាំ​២០២៥​

សហព័ន្ធ​កីឡា​កាយវប្បកម្ម​កម្ពុជា​ បន្តប្រកាស​ដល់​សាធារណៈ​ជន​ដែល​ចង់​ចុះឈ្មោះ​ចូលរួម​ប្រកួត​ជើងឯក​ថ្នាក់​ជាតិ​ ឆ្នាំ​២០២៥​ នេះ​រួសរាន់​អញ្ជើញ​ទៅ​កាន់​ទីតាំង​សហព័ន្ធ​នៅ​ផ្សារ​សំណង​១២​ ដើម្បី​ទទួល​ពាក្យ​បំពេញទៅតាមលក្ខខណ្ឌ​ប្រកួត។​

រូបភាពផេកសហព័ន្ធ

នេះ​បើ​តាម​ការ​ស៊ែ​លើ​ហ្វេសបុក​ផេក​របស់​សហព័ន្ធ​កីឡា​កាយវប្បកម្ម​ និង​លំហាត់​ប្រាណ​កម្ពុជា​ បាន​បញ្ជាក់​ដល់​សាធារណៈ​ជន​ដែល​មាន​បំណង​ចង់​ចូលរួម​ប្រកួត​ជើងឯក​ថ្នាក់​ជាតិ​ឆ្នាំ​២០២៥​ អំឡុង​ថ្ងៃទី ៥-៦​ ខែ​កក្កដា​ សូម​រួសរាន់​បំពេញ​ពាក្យ​សុំ​ចូលរួម​ដើម្បី​ឲ្យ​ទាន់​ពេលវេលា​ និង​មាន​ឱកាស​ចូលរួម។​

រូបភាពផេកសហព័ន្ធ

វិញ្ញាសា​ប្រកួត​​រួម​មាន​៖​

ទី១​ បុរសសាច់ដុំ​ (Men’s Bodybuilding 60Kg, 65Kg, 70Kg, and Over 75Kg)

ទី២​ បុរសសាច់ដុំ​រូបរាងសង្ហា (Men’s Athletic Physique Open Category)

ទី៣​ បុរសសាច់ដុំ​ មុខស្រស់ រូបរាងសង្ហា (Men’s Sport Physique Open Category)

ទី៤​ បុរសជំទង់សាច់ដុំ មុខស្រស់ រូបរាងសង្ហា​ អាយុក្រោម ២១ឆ្នាំ​ (Junior Men’s Sport Physique Under 21 ឆ្នាំ​)

ទី៥​ ស្ត្រីសាច់ដុំ មុខស្រស់ រូបរាងស្អាត (Women’s Sport Physique Open Category)

ដូច្នេះ​ប្រសិន​បើ​ប្រិយមិត្ត​ និង​សាធារណៈ​ជន​ចង់​ចូលរួម​ប្រកួត​អាច​ទំនាក់ទំនង​ទៅ​កាន់​ហ្វេសបុក​ផេក​សហព័ន្ធ​កីឡា​កាយ​វប្បកម្ម​ និង​លំហាត់​ប្រាណ​កម្ពុជា​ ឬ​ទៅ​កាន់​ទីតាំង​សហព័ន្ធ​ផ្ទាល់​ ក្លឹប​ហាត់ប្រាណ ​រ៉ាវី អេមី ជីម​ ផ្សារ​សំណង់​ ១២​ ផ្លូវ​ ២៦៥​ សង្កាត់​បឹងសាឡាង​ ខណ្ឌ​ទួលគោក​ រាជធានីភ្នំពេញ៕​

អត្ថបទដោយ៖ នួន ស៊ីណា