កីឡា

ក្រុមបាល់ទះនារី អ៊ីតាលី ឈ្នះជើងឯកលីគពិភពលោក Women’s Volleyball Nations League

បានផុស

៣៣ វិនាទី មុន

នៅ

ថ្ងៃចន្ទ ២៨ កក្កដា ២០២៥

ដោយ

ក្រុមបាល់ទះជម្រើសជាតិនារី អ៉ីតាលី បានឈ្នះពាន«លីគបាល់ទះនារីពិភពលោក FIVB Women’s Volleyball Nations League ឆ្នាំ ២០២៥ បន្ទាប់ពីឈ្នះ ក្រុមនារី ប្រេស៊ីល ដោយលទ្ធផល ៣-១ ក្នុងវគ្គផ្តាច់ព្រ័ត្រ ខណៈ ក្រុមនារី ប៉ូឡូញ ទទួលបាន មេដាយសំររិទ្ធ ក្រោយឈ្នះ ក្រុមនារីជប៉ុន ដោយលទ្ធផល ៣-១ កាលពីយយប់ថ្ងៃអាទិត្យ ទី២៧ ខែកក្កដា ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការឈ្នះជើងឯកនេះ ក្រុមនារី អ៉ីតាលី ទទួលបានប្រាក់រង្វាន់ ១ លានដុល្លារអាមេរិក ហើយលេខ២ ប្រេស៊ីល ទទួលបាន ៥០ម៉ឺនដុល្លារអាមេរិក និងលេខ៣ ប៉ូឡូញ ទទួលបាន ៣០ម៉ឺនដុល្លារអាមេរិក។ លេខ៤ ជប៉ុន ទទួលបាន ១៨ម៉ឺនដុល្លារអាមេរិក ហើយក្រុមផ្សេងៗទៀតក៏ទទួលបានប្រាក់លើកទឹកចិត្តដែរ។

រហូតដល់ពេលនេះ ក្រុមបាល់ទះនារី អ៉ីតាលី បានឈ្នះជើងឯក FIVB Women’s Volleyball League ចំនួន ៣ដងហើយគឺ ឆ្នាំ ២០២២ ២០២៤ និង ២០២៥។ ក្រុមនារីប្រេស៊ីល ឈ្នះ មេដាយប្រាក់ ៤ លើកដោយពួកគេបានឡើងវគ្គផ្តាច់ព្រ័ត្រ ៤ លើកគឺ ចាញ់ទាំង ៤ លើក។

អ្វីដែលគួរឲ្យកត់សំគាល់ ក្រុមបាល់ទះនារីអាមេរិក ដែលខ្លាំងធ្លាប់ឈ្នះជើងឯក ៣ លើកជាប់គ្នាដំបូងគឺ ឆ្នាំ ២០១៨ ២០១៩ និង ២០២១ ប៉ុន្តែបែរជាធ្វើមិនបានល្អទេសម្រាប់ព្រឹត្តិការណ៍ ៣ លើកចុងក្រោយ។ ពួកគេបានបញ្ចប់ដោយចំណាត់ថ្នាក់លេខ ៨ នៅឆ្នាំ ២០២៥ ។

ក្រុមចំនួន ១៧ នៅរក្សាកៅអីក្នុងពានរង្វាន់នេះទៅឆ្នាំក្រោយទៀត ប៉ុន្តែក្រុមនារី កូរ៉េខាងត្បូង ត្រូវបានកាត់ចេញទៅលេងពានរង្វាន់កម្រិតទី២ វិញ បន្ទាប់ពីស្ថិតនៅបាតតារាង។

តារាងចំណាត់ថ្នាក់