កីឡា

នារី ជប៉ុន ប៉ះ ប្រេស៊ីល ខណៈ អ៊ីតាលី ប៉ះ ប៉ូឡូញ វគ្គពាក់កណ្តាលផ្តាច់ព្រ័ត្រលីគបាល់ទះពិភពលោក VNL

បានផុស

៩ ខែ មុន

នៅ

ថ្ងៃសុក្រ ២៥ កក្កដា ២០២៥

ដោយ

ការប្រកួតលីគបាល់ទះនារីពិភពលោក FIVB Women’s Volleyball Nations League ឆ្នាំ ២០២៥ រកឃើញក្រុមឡើងទៅកាន់វគ្គពាក់កណ្តាលផ្តាច់ព្រ័ត្រហើយ បន្ទាប់ពីចប់ការប្រកួតវគ្គ ៨ ក្រុមចុងក្រោយ។

ក្រុមបាល់ទះនារី អ៉ីតាលី បានយកឈ្នះ ក្រុមនារី សហរដ្ឋអាមេរិក ដោយលទ្ធផល ៣-០ កាលពីថ្ងៃទី២៣ ខែកក្កដា ដើម្បីឡើងទៅវគ្គពាក់កណ្តាលផ្តាច់ព្រ័ត្រ ជួបក្រុមនារី ប៉ូឡូញ ដែលបានយកឈ្នះ នារីចិន ដោយលទ្ធផល ៣-២ ក្នុងវគ្គ ៨ ក្រុមចុងក្រោយដូចគ្នា។

ជាមួយគ្នានេះ ក្រុមនារី ជប៉ុន បានយកឈ្នះ ក្រុមនារី តួកគី ដោយលទ្ធផល ៣-២ កាលពីយប់ថ្ងៃទី២៥ ខែកក្កដា ក្នុងវគ្គ ៨ក្រុមចុងក្រោយ ដើម្បីឡើងទៅវគ្គពាក់កណ្តាលផ្តាច់ព្រ័ត្រ ជួបក្រុមនារីខ្លាំង ប្រេស៊ីល ដែលបានយកឈ្នះ ក្រុមនារី អាល្លឺម៉ង់ ដោយលទ្ធផល ៣-០ នៅវគ្គ ៨ ក្រុមចុងក្រោយ។

ដូច្នេះវគ្គពាក់កណ្តាលផ្តាច់ព្រ័ត្រ ក្រុមនារី អ៉ីតាលី ប៉ះនារី ប៉ូឡូញ ហើយក្រុមនារី ជប៉ុន ប៉ះ ក្រុមនារី ប្រេស៊ីល នៅថ្ងៃទី២៦ ខែកក្កដា ដើម្បីប្រជែងកៅអីឡើងទៅកាន់វគ្គផ្តាច់ព្រ័ត្រ៕