បច្ចេកវិទ្យា

ក្រុមសកម្មជនចោទប្រកាន់ tiktok រំលោភកិច្ចព្រមព្រៀងស្តីពីកិច្ចការពារកុមារ

បានផុស

៦ years មុន

នៅ

ថ្ងៃចន្ទ ១០ សីហា ២០២០

ដោយ

កាលពីថ្ងៃព្រហស្បតិ៍ ក្រុមសកម្មជនមួយក្រុម បានដាក់ពាក្យបណ្តឹងជាមួយនិយតករអាមេរិកដោយអះអាងថា កម្មវិធីវីដេអូដ៏ពេញនិយម TikTok ខកខានមិនបានធ្វើតាមកិច្ចព្រមព្រៀងកាលពីឆ្នាំមុន ក្នុងការដាក់កំហិតការប្រមូលទិន្នន័យពីកុមារ។

អង្គការទាំង២០បាននិយាយនៅក្នុងពាក្យបណ្តឹងរបស់គណៈកម្មការពាណិជ្ជកម្មសហព័ន្ធ (FTC )ថា TikTok នៅតែបន្តប្រមូលទិន្នន័យលើកុមារអាយុក្រោម ១៣ ឆ្នាំដោយគ្មានការយល់ព្រមពីឪពុកម្ដាយរបស់ពួកគេ ទោះបីជាមានការដោះស្រាយរបស់តុលាការសហរដ្ឋអាមេរិកនៅខែកុម្ភៈឆ្នាំ ២០១៩ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក្យបណ្តឹងបានអំពាវនាវឲ្យ FTC បើកការស៊ើបអង្កេតឡើងវិញ ដោយនិយាយថាបញ្ហានេះគឺជារឿងបន្ទាន់ នៅពេលដែលកុមារកាន់តែច្រើនបានចូលទៅក្នុងកម្មវិធីប្រព័ន្ធផ្សព្វផ្សាយសង្គមមួយនេះក្នុងអំឡុងពេលនៃការបង្ខាំងប្រជាជនមិនឲ្យដើរចេញទៅណា។

យោងតាមពាក្យបណ្តឹងនេះ TikTok ដែលគ្រប់គ្រងដោយក្រុមហ៊ុនបច្ចេកវិទ្យារបស់ចិនឈ្មោះថា ByteDance ធ្វើឲ្យមានភាពងាយស្រួលសម្រាប់អ្នកប្រើប្រាស់អាយុក្រោម១៣ឆ្នាំដោយបញ្ជៀសមិនឲ្យមានការយល់ព្រមពីឪពុកម្តាយ និងមិនព្យាយាមជូនដំណឹងដល់ឪពុកម្ដាយ។

ជាលទ្ធផល TikTok អាចប្រមូលព័ត៌មានលម្អិតអំពីរបៀបដែលក្មេងៗទាំងនេះប្រើកម្មវិធីនេះ និងអនុវត្តបញ្ញាសិប្បនិម្មិតដើម្បីកំណត់នូវអ្វីដែលត្រូវបង្ហាញបន្ទាប់ ដើម្បីឲ្យពួកគេអាចនៅប្រើកម្មវិធីនោះបានតាមដែលអាចធ្វើទៅបាន។

លោក Josh Golin នាយកប្រតិបត្តិនៃយុទ្ធនាការដើម្បីសេរីភាពកុមារភាពដែលជាក្រុមមួយក្នុងចំណោមក្រុមទាំងអស់ដែលនៅក្នុងបណ្តឹងបាននិយាយថា“ សូម្បីតែបន្ទាប់ពីត្រូវបានរកឃើញពីភាពមិនត្រឹមត្រូវរបស់កម្មវិធីនេះដោយ FTC ក៏ដោយ ក៏TikTok នៅតែបន្តអនុវត្តច្បាប់នេះ” ។

ក្រុមហ៊ុន TikTok កាលពីឆ្នាំមុនបានបង់ប្រាក់ពិន័យចំនួន ៥,៧ លានដុល្លារក្រោមការដោះស្រាយរបស់តុលាការ ហើយបានយល់ព្រមអនុវត្តការផ្លាស់ប្តូរគោលនយោបាយមួយចំនួន រួមមានការលុបរាល់ព័ត៌មានទាំងឡាយណាដែលប្រមូលបានពីកុមារអាយុក្រោម១៣ឆ្នាំ៕

AFP

Related Topics:tiktok

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា