បច្ចេកវិទ្យា
twitter, facebook ឬ instagram មួយណាល្អបំផុតសម្រាប់ផ្សព្វផ្សាយអំពីអាជីវកម្ម?
យុទ្ធសាស្ត្រផ្សព្វផ្សាយតាមបណ្ដាញសង្គមសម្រាប់អាជីវកម្មកំពុងពេញនិយមហើយក្នុងនោះបណ្ដាញ Twitter, Facebook ឬ Instagram មានមនុស្សប្រើប្រាស់ច្រើនបំផុត។
ចម្ងល់ថា រវាងបណ្ដាញទាំង ៣ នេះ តើមួយណាអាចមានប្រសិទ្ធភាពផ្សព្វផ្សាយទៅកាន់អតិថិជនគោលដៅជាងយើងគួរពិចារណាទិន្នន័យទំាងនេះ៖
នៅសហរដ្ឋអាមេរិកចំនួនមនុស្សពេញវ័យដែលប្រើប្រាស់ Twitter មាន ២៤% ។ ដោយឡែក Facebook មានអ្នកប្រើសរុប ៧០% រីឯ Instagram មាន ៣៧%។
ជាទូទៅមនុស្សចូលមើល Twitter គិតជាមធ្យម ៥ ដងក្នុងមួយថ្ងៃ។ ដោយសារប្រព័ន្ធ Twitter ទទួលបានការពេញនិយមពីអ្នកសារព័ត៌មាន អ្នកនយោបាយ និងបុគ្គលល្បីល្បាញច្រើនរូប ទើបអ្នកប្រើប្រាស់ងាកទៅប្រើប្រាស់ Twitter សម្រាប់តាមដានព័ត៌មានពីក្រុមទាំងនេះ។ អ្នកប្រើប្រាស់ Twitter ចំនួន ៧៤% សារភាពថា ពួកគេប្រើបណ្ដាញនេះដើម្បីទទួលបានព័ត៌មាន។ ហេតុនេះបើសិនយើងមានអាជីវកម្មបែបអត្ថបទព័ត៌មាន ឬ អត្ថបទខ្លី ឬស្លាកយីហោ Twitter ជាជម្រើសល្អមួយ ព្រោះបណ្ដាញនេះមានល្បឿនលឿន។
រីឯ Facebook មនុស្សប្រើដើម្បីភ្ជាប់ទំនាក់ទំនងជាមួយមិត្តភ័ក្ដិនិងក្រុមគ្រួសារ។ ពួកគេប្រើ Facebook ដើម្បីចែករំលែករូបថត វីដេអូ និងព័ត៌មានថ្មីៗពីជីវិតផ្ទាល់ខ្លួន។ បើនិយាយពីការចូលរួមក្នុងរយៈយូរ Facebook គឺជាជម្រើសដ៏ប្រសើរ ព្រោះថាវាទាក់ទាញអ្នកប្រើម្នាក់ចូលមើល ៨ ដងក្នុងមួយថ្ងៃ ហើយអត្រាចុច Like ឬ Comment និង ចែករំលែកមានខ្ពស់ដល់ទៅ ៧០% នៃអ្នកប្រើសរុប។
ដោយឡែក Instagram ត្រូវបានគេប្រើដើម្បីចែករំលែករូបថត និងវីដេអូ។ ចំពោះ Instagram អ្នកប្រើប្រាស់ឆែកមើល ៦ ដងក្នុងមួយថ្ងៃ។ បើយើងមានតាមដានពី ១០០០-៥,០០០ នាក់ យើងអាចទាក់ទាញពួកគេ ៥%។ បើប្រៀបធៀបជាមួយ Twitter និង Facebook ការប្រើប្រាស់ Instagram មានប្រសិទ្ធភាពខ្ពស់ជាងក្នុងការទាក់ទាញអតិថិជនឲ្យចូលរួមជាមួយ។
ក្នុងនោះប្រព័ន្ធ Twitters ជាកន្លែងដែលអតិថិជនអាចចូលរួមយ៉ាងលឿនជាមួយនឹងហានិភ័យបាត់បង់តិចតួច។ រីឯ Facebook ជាកន្លែងជួបជាមួយអតិថិជនក្នុងរយៈពេលយូរ។ចំណែក Instagram ជាកន្លែងទាក់ទាញអតិថិជនបានចំនួនច្រើន។
ជាទូទៅការផ្សាយពាណិជ្ជកម្មនៅលើ Facebook និង Instagram ជួយឲ្យយើងមានអ្នកទស្សនាកាន់តែច្រើន។ ប៉ុន្តែក្រោយ Instagram ត្រូវបានទិញដោយក្រុមហ៊ុន Facebook ប្រព័ន្ធទាំងពីរនេះផ្ដល់ជូននូវឧបករណ៍ផ្សាយពាណិជ្ជកម្មស្រដៀងគ្នា។ លើសពីនេះទៀត ការផ្សាយពាណិជ្ជកម្មតាម Facebook អាចមានតម្លៃថោកគួរសមផងដែរ ស្របពេលដែលយើងអាចកំណត់ថវិកាតិចពី ២ ទៅ ៣ ដុល្លារក្នុងមួយថ្ងៃដើម្បីផ្សាយ។ ទោះបីការផ្សាយពាណិជ្ជកម្មតាម Twitter មានតម្លៃថ្លៃជាង Facebook ក៏ដោយ ប៉ុន្តែអាចចាប់បានអតិថិជនជាក់លាក់និងខ្ពស់ជាងដែរ។
ទោះយ៉ាងណាយើងអាចសាកល្បងផ្សព្វផ្សាយពាណិជ្ជកម្មទាំងលើ Twitter, Facebook និង Instagram មួយរយៈសិន ដើម្បីឲ្យដឹងថាបណ្ដាញមួយណាល្អជាងសម្រាប់អាជីវកម្មរបស់យើង៕
ប្រែសម្រួល៖ សន្យា
ប្រភព៖ hubspot
-
សន្តិសុខសង្គម៧ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២១ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ២១ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា