ចរាចរណ៍

តារាសម្ដែង អេឡិច ចាន់ត្រា បើករថយន្តBMWបុកគូទរថយន្តដឹកប្រេង រងការខូចខាតយ៉ាងដំណំ

បានផុស

៥ years មុន

នៅ

ថ្ងៃអាទិត្យ ៣១ តុលា ២០២១

ដោយ

តារាសម្ដែង អេឡិច ចាន់ត្រា បានបើករថយន្តស៊េរីទំនើបBMWលឿនមិនប្រយ័ត្នជ្រុលទៅបុករថយន្តដឹកប្រេងឥន្ធនៈTotal ពីក្រោយយ៉ាងពេញទំហឹង បណ្ដាលឱ្យរងការខូចខាតយ៉ាងដំណំ សំណាងមិនមានរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ នេះបានកើតឡើងកាលពីវេលាម៉ោង២ និង៣០នាទីរំលងអធ្រាត្រ ឈានចូលថ្ងៃទី ៣១ ខែតុលា ឆ្នាំ២០២១ នៅត្រង់ចំណុចមុខធនាគារABA តាមបណ្ដោយផ្លូវជាតិលេខ១ ក្នុងសង្កាត់ច្បារអំពៅ១ ខណ្ឌច្បារអំពៅ។

តាមប្រភពព័ត៌មានពីកន្លែងកើតហេតុបានឱ្យដឹងថា មុនកើតហេតុគេឃើញរថយន្ត CHENGLONG ដឹកស៊ីទែនប្រេងឥន្ធនៈTotal ពណ៌ស ពាក់ស្លាកលេខភ្នំពេញ 3D-2577 ធ្វើដំណើរតាមបណ្ដោយផ្លូវជាតិលេខ១ ពីលិចទៅកើតក្នុងល្បឿនមធ្យម ខណៈមកដល់ចំណុចកើតហេតុ ស្រាប់តែមានរថយន្តស៊េរីទំនើបម៉ាក BMW ពណ៌ខ្មៅ ពាក់ស្លាកលេខភ្នំពេញ 2BA-3976 បើកបរដោយបុរសម្នាក់ ដែលគេស្គាល់ថាជាតារាសម្ដែង អេឡិច ចាន់ត្រា មកបុករថយន្តដឹកប្រេងឥន្ធនៈTotalពីក្រោយយ៉ាងពេញទំហឹង បណ្ដាលឱ្យរថយន្តបង្កវិលមួយជុំខ្ទេចមួយកំណាត់មុខ។ ចំណែករថយន្តដឹកស៊ីទែនប្រេងTotal បានរងការខូចខាតកាងខាងក្រោយបន្តិចបន្តួច តែមិនបង្កគ្រោះថ្នាក់ដល់មនុស្សណាម្នាក់នោះឡើយ។

ក្រោយកើតហេតុ សមត្ថកិច្ចមូលដ្ឋាន និងជំនាញចរាចរណ៍ខណ្ឌច្បារអំពៅ បានចុះមកដល់ ហើយធ្វើការសម្របសម្រួលដល់ភាគីទាំងសងខាងអស់មួយសន្ទុះធំ ទើបចុងក្រោយបានបញ្ចប់រឿង ត្រឹមយករថយន្តទៅជួសជុលដោយខ្លួនឯង ៕

អត្ថបទ៖ សុខា

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា