Connect with us

ចរាចរណ៍

បុរស​ម្នាក់​ជិះ​ម៉ូតូ​ប៉ះ​រថយន្ត​ចត​ស្ងៀម​មុខ​ផ្ទះ​ បណ្ដាល​ឲ្យ​រង​របួស​ធ្ងន់

បានផុស

នៅ

ភ្នំពេញ ៖ បុរស​ម្នាក់​បាន​រងរ​បួស​ធ្ងន់​ត្រូវ​បាន​បញ្ជូនទៅ​សង្គ្រោះ​នៅ​មន្ទីរពេទ្យ​ភ្លាមៗ​បន្ទាប់ពី​ជិះ​ម៉ូតូ​ទៅ​ប៉ះ​រថយន្ត​ឡិច​ស៊ី​ស RX300 មួយ​គ្រឿង ខណៈ​ម្ចាស់​ចត​ស្ងៀម​នៅមុខ​ផ្ទះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍​នេះ​ កើតឡើង​កាលពី​វេលា​ម៉ោង ១០ យប់​ថ្ងៃទី ២៤ ខែមករា ឆ្នាំ​២០២២ នៅ​ចំណុច​មុខផ្ទះ​បោក​អ៊ុត​មួយ​កន្លែង តាម​បណ្ដោយ​ផ្លូវ​បេតុង​អាកាស​ខ្ញុំ ភូមិ​៦ សង្កាត់​ឃ្មួញ ខណ្ឌ​សែន​សុខ រាជធានី​ភ្នំពេញ​។

តាម​ប្រភព​ព័ត៌មាន​ពី​កន្លែងកើតហេតុ​បាន​ឲ្យ​ដឹង​ថា ​មុន​កើតហេតុ​គេ​ឃើញ​បុរស​ម្នាក់​ជិះ​ម៉ូតូ​មួយគ្រឿង​ម៉ាក​ឌ្រី​ម​សង់​ ស៊េរី​ឆ្នាំ២០១៤ ពណ៌​ខ្មៅ​ពាក់​ស្លាក​លេខ​ភ្នំពេញ​1GE-6731 ដឹក​ផ្លែស្វាយ ដោយ​ធ្វើដំណើរ​ទិសដៅ​ពី​កើ​តទៅ​លិច​លុះ​មកដល់​ចំណុច​កើតហេតុ​ខាងលើ​ខ្វះ​ការប្រុងប្រយ័ត្ន​បាន​រេ​ចង្កូត​មក​ខាងស្ដាំ​ដៃ​ជ្រុល​ទៅ​បុក​រថយន្ត​ឡិច​ស៊ី​ស RX300 មួយគ្រឿង​ម្ចាស់​ចត​ស្ងៀម​នៅមុខ​ផ្ទះ​ចំកាង​ក្រោយ​ចំហៀង​ខាងស្តាំ ពេញទំហឹង​បណ្ដាល​ឲ្យ​ដួល​បោក​ទៅ​នឹង​ថ្នល់​រងរបួស​ធ្ងន់​។ ​ភ្លាម​នោះ​គេ​ឃើញ​ម៉ូតូ​មួយ​គ្រឿង​បាន​ដឹក​ជនរងគ្រោះ​យកទៅ​សង្គ្រោះ​នៅឯ​មន្ទីរពេទ្យ​ភ្លាមៗ​។

ក្រោយ​កើតហេតុ​សមត្ថកិច្ច​មូលដ្ឋាន ​បាន​ចុះ​មក​ដល់​បាន​ទំនាក់ទំនង​ទៅ​សមត្ថកិច្ច​ជំនាញ​ចុះ​មក​ធ្វើការ​វាស់វែង​យក​រថយន្ត​និង​ម៉ូតូ​ទៅ​រក្សាទុក​រង់ចាំ​ធ្វើការ​ដោះស្រាយ​គ្នា​នៅពេល​ក្រោយ​៕

ដោយ ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម