Connect with us

ចរាចរណ៍

នាយរងការិយាល័យចរាចរណ៍ ស្រវឹងបើក​រថយន្ដបុករបងសាកលវិទ្យាល័យ​វិទ្យាសាស្ត្រ​សុខាភិបាល

បានផុស

នៅ

បុរសម្នាក់ដែលគេស្គាល់ថា ជានាយរងការិយាល័យនគរបាលចរាចរណ៍ជើងគោក នៃស្នងការ​ដ្ឋាន​នគរបាលរាជធានីភ្នំពេញ ចេញពីផឹកស៊ីវិញស្រវឹងទោរទន់បើករថយន្តឡង់គ្រីស័រ រេចង្កូត​ជ្រុលទៅបុករបងសាកលវិទ្យាល័យវិទ្យាសាស្ត្រសុខាភិបាល បណ្តាលឲ្យរងការខូចខាត កាល​ពីវេលាម៉ោង១០និង៥០នាទីយប់ ថ្ងៃទី២៧ ខែមេសា ឆ្នាំ២០២២ នៅចំនុចផ្លូវ១៨៣ កែងផ្លូវ២៧១ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីកន្លែងកើតហេតុបានឱ្យដឹងថា មុនពេលកើតហេតុគេឃើញបុរសជា​មន្ត្រី​នគរបាល​ចរាចរណ៍ បើករថយន្តឡង់គ្រីស័រ ស៊េរីឆ្នាំ២០២១ ពាក់ស្លាកលេខ “កម្ពុជា 3456.MSK” ស្រវឹង​ទោរ​ទន់បើរេពេញផ្លូវ ខណៈមកដល់ចំណុចកើតហេតុក៏បានជ្រុលទៅបុករបង​សាកលវិទ្យាល័យ​វិទ្យាសាស្ត្រសុខាភិបាល បណ្តាលឲ្យរងការខូចខាតយ៉ាងដំណំ។

ក្រោយកើតហេតុ សមត្ថកិច្ចមូលដ្ឋាន​សហការណ៍​ជាមួយកម្លាំងជំនាញនគរបាលចរាចរណ៍​រាជធានីភ្នំពេញ​ យកម្ចាស់រថយន្ត និងរថយន្តខាងលើទៅរក្សាទុករង់ចាំ​ដោះស្រាយ​នៅពេល​ក្រោយ៕

អត្ថបទ៖ សុខា

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម