ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុក​រះរថយន្ដ២គ្រឿងកំពុងឈប់ចាំភ្លើងស្តុបរងការ​ខូចខាត

រថយន្តម៉ាក Fortuner មួយគ្រឿងពាក់ស្លាកលេខរដ្ឋ 21 2-8100 ដែលគេសង្ស័យទំនងជាដាច់ហ្រ្វាំង បានជ្រុលទៅបុករះពីក្រោយរថយន្ត២គ្រឿងដែលកំពុងឈប់រង់ចាំភ្លើងស្តុបបណ្ដាលរងការខូចខាត តែមិនបង្កឲ្យមានអ្នករងរបួសនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកេីតឡេីងកាលពីវេលាម៉ោង៧យប់ ថ្ងៃទី៩ ខែកុម្ភៈ ឆ្នាំ២០២៥ នៅចំណុចស្តុប ៥០ម៉ែត្រ តាមបណ្ដោយផ្លូវ៦០ម៉ែត្រ ក្នុងសង្កាត់ ព្រែកហូរ ក្រុងតាខ្មៅ ខេត្តកណ្ដាល។

ប្រភពព័ត៍មានពីពលរដ្ឋអ្នកធ្វើដំណើរបានប្រាប់ថា មុនកើតហេតុគេបានឃើញបុរសម្នាក់បេីករថយន្ដមួយគ្រឿងម៉ាក Fortuner ពណ៍ខ្មៅ ពាក់ស្លាកលេខ រដ្ឋ21 2-8100 បើកបរតាមបណ្តោយផ្លូវ៦០ម៉ែត្រ ក្នុងល្បឿនលឿន មិនដឹងជាបញ្ហាអ្វីនោះ ក៏ស្រាប់តែជិតដល់ស្តុបទៅហើយ តែរថយន្តបង្កមិនបន្ថយល្បឿននោះទេ ក៏ជ្រុលទៅបុកពីក្រោយរថយន្ដម៉ាក LEXUS RX350 ពណ៍ស ពាក់ស្លាកលេខ ភ្នំពេញ 2BQ-1642 រួចរុញទៅបុករថយន្ដម៉ាក MG ពណ៍ស ពាក់ស្លាកលេខ ភ្នំពេញ 2CE-3637 ដែលកំពុងឈប់រង់ចាំភ្លើងស្តុប បណ្ដាលអោយរថយន្ដទាំង៣គ្រឿងរងកាខូចខាតយ៉ាង ដំណំ តែសំណាងល្អមិនបង្កអោយមានមនុស្សរងរបួសនោះទេ។

ក្រោយពេលកេីតហេតុ សមត្ថកិច្ចជំនាញចរាចរណ៍ផ្លូវគោក នៃអធិការដ្ឋាននគរបាលក្រុងតាខ្មៅ បានចុះមកធ្វេីការវាស់វែងយករថយន្តទាំងបីគ្រឿងទៅរក្សាទុករង់ចាំការដោះស្រាយនៅពេលក្រោយ៕

អត្ថបទ៖ រដ្ឋា