ព័ត៌មានអន្ដរជាតិ

រដ្ឋសភាវ៉េណេស៊ុយអេឡាអនុម័តច្បាប់ការពារនាវាចរណ៍ ដើម្បីសេរីភាពពាណិជ្ជកម្ម

បានផុស

៧ ខែ មុន

នៅ

ថ្ងៃពុធ ២៤ ធ្នូ ២០២៥

ដោយ

រដ្ឋសភារបស់ប្រទេសវ៉េណេស៊ុយអេឡាកាលពីថ្ងៃអង្គារបានអនុម័តច្បាប់មួយដែលមានគោលបំណង ការពារសេរីភាពនៃការធ្វើនាវាចរណ៍ ប្រឆាំងនឹងការប្លន់ឆ្លងដែន ជាពិសេសការបិទផ្លូវ និងទង្វើខុសច្បាប់អន្តរជាតិផ្សេងទៀត បន្ទាប់ពីសហរដ្ឋអាមេរិកបានរឹបអូសនាវាដឹកប្រេងរបស់វ៉េណេស៊ុយអេឡានៅតំបន់ការ៉ាប៊ីន (Caribbean)។ នេះបើតាមសារព័ត៌មាន Global Time។

លោក Nicolas Maduro ប្រធានាធិបតីវេណេស៊ុយអេឡា។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានរដ្ឋសភាលោក Jorge Rodriguez ត្រូវបានប្រកាសថា៖«ច្បាប់នេះអនុម័តឡើង ដើម្បីធានាឱ្យមានសេរីភាពនៃការធ្វើនាវាតាមផ្លូវទឹក សកម្មភាពប្រឆាំងនឹងការលួចប្លន់ ការរារាំង និងអំពើខុសច្បាប់អន្តរជាតិផ្សេងទៀត»។

ច្បាប់នេះត្រូវបានអនុម័តក្នុងសម័យប្រជុំដ៏ក្រឹត្យក្រមមួយ និងស្ថិតក្រោមនីតិវិធីបន្ទាន់ បន្ទាប់ពីអាមេរិករឹបអូសនាវាដឹកប្រេងរបស់វេណេស៊ុយអេឡានៅតាមផ្លូវទឹក។

ជាពិសេសច្បាប់នេះនឹងមានទោសជាប់ពន្ធនាគាររហូតដល់ ២០ឆ្នាំសម្រាប់អ្នកដែលផ្សព្វផ្សាយ ឬផ្តល់ជាសំណងក្នុងករណីនរណាម្នាក់មានបំណងឆក់ប្លន់ឆ្លងដែន ឬការរារាំងសកម្មភាពណាមួយ។

ច្បាប់នេះបានស្វែងរកការការពារទំនាក់ទំនងពាណិជ្ជកម្ម និងនយោបាយរបស់ប្រទេសវ៉េណេស៊ុយអេឡាពីអ្វីដែលអាជ្ញាធរលើកឡើងថាវាជាការគំរាមកំហែងដោយសហរដ្ឋអាមេរិក។

កាលពីថ្ងៃចន្ទ រដ្ឋសភាបានអនុម័តច្បាប់នេះនៅក្នុងសំណើរដំបូង បន្ទាប់ពីត្រូវបានស្នើដោយប្រធានាធិបតីវេណេស៊ុយអេឡា លោក Nicolas Maduro ដែលជាផ្នែកមួយនៃកិច្ចខិតខំប្រឹងប្រែងដើម្បីការពារអធិបតេយ្យភាពជាតិ៕

ប្រែសម្រួល៖ ណឺ មិនា