សេដ្ឋកិច្ច

រដ្ឋាភិបាលសម្រេច បន្តមិនយកពន្ធចំណេញមូលធនលើអចលទ្រព្យមួយឆ្នាំទៀត

បានផុស

៥ ខែ មុន

នៅ

ថ្ងៃចន្ទ ៥ មករា ២០២៦

ដោយ

រាជរដ្ឋាភិបាលកម្ពុជា នៅថ្ងៃទី ០២ ខែមករា ឆ្នាំ ២០២៦ បានសម្រេចបន្តពន្យាពេលអនុវត្តពន្ធលើចំណេញមូលធន (Capital Gain Tax) ផ្នែកអចលនទ្រព្យរយៈពេលមួយឆ្នាំទៀត ដែលនឹងត្រូវអនុវត្តចាប់ពីថ្ងៃទី ០១ ខែមករា ឆ្នាំ ២០២៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត គីម ហ៊ាង នាយកប្រតិបត្តិ KW Cambodia ប្រាប់កម្ពុជាថ្មីថា នេះគឺជាព័ត៌មានដែលអ្នកនៅក្នុងវិស័យអចលនទ្រព្យរង់ចាំនៅក្នុងរយៈពេល ៣ ខែចុងក្រោយកន្លងមកនេះ ដែលកន្លងមករដ្ឋាភិបាលប្រកាសថា នឹងយកពន្ធនៅឆ្នាំនេះ ខណៈអ្នករកស៊ីដីធ្លីមានអារម្មណ៍ភិតភ័យបន្តិច។

ការសម្រេចបន្តពន្យាពេលមិនយកពន្ធរហូតដល់ដំណាច់ឆ្នាំ ២០២៦ គឺជាព័ត៌មានមួយដែលធ្វើឱ្យអ្នកដែលរកស៊ីដីធ្លី ជាពិសេសអ្នកដែលទិញ-លក់ ដី យកផលចំណេញ ឬក៏អ្នកដែលទិញអចលនទ្រព្យហើយលក់មិនទាន់បានក៏មានអារម្មណ៍ធូរស្រាលបន្តិច។

បើតាមលោកបណ្ឌិត គីម ហ៊ាង ដំណឹងនេះ មិនធ្វើឱ្យអចលនទ្រព្យឡើងនោះទេ ប៉ុន្តែក៏បានជួយសម្រួលដល់ច្រកឱ្យអចលនទ្រព្យងើបឡើងវិញនៅឆ្នាំ ២០២៦។

លោកឧញ៉ា គីម ហ៊ាង យល់ឃើញថា៖ «វិបត្តិអចលនទ្រព្យកម្ពុជា បានកើតឡើង តាំងពីផ្ទុះកូវីដ-១៩ សង្គ្រាមរុស្ស៊ី-អ៊ុយក្រែន ហើយនៅដើមឆ្នាំ ២០២៥ ឃើញឡើងវិញ ដល់ចាប់ពីខែ ៦ មក វាចាប់ផ្ដើមត្រឡប់ទៅដូច ឆ្នាំ ២០២៣ ឬ ២០២៤ បើថាធ្លាក់គឺវាមិនធ្លាក់ទេ គ្រាន់តែវាមិនឡើងវិញ ហើយការទិញ-លក់មានភាពតឹងតែង»៕