ផ្ទុះការរិះគន់ឈុតអ្នកច្នៃម៉ូដ ឯម រៀម ថាផ្ទុយអត្ថន័យពិត នៃកម្មវិធី «ខ្លឹមនៃព្រះនគរ»

អ្នកច្នៃម៉ូដល្បីឈ្មោះលោក ឯម រៀម រងការរិះគន់ជាថ្មី ទាក់ទងនឹងការឈុតដែលលោកច្នៃស្លៀកចូលរួមកម្មវិធីវប្បធម៌ផ្តួចផ្តើមឡើងដោយអ្នកនាង ទេព បូព្រឹក្ស និងលោក G-Devith « ខ្លឹមនៃព្រះនគរ » នៅថ្ងៃអាទិត្យទី១២ ខែមករា ឆ្នាំ២០២៦ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសប្រជុំដោយសិល្បករសិល្បការិនីល្បីៗ មន្ត្រីជាន់ខ្ពស់នៃក្រសួងវប្បធម៌ ពិសេសភ្ញៀវកិត្តិយសដែលជាអ្នកស្រលាញ់លើកស្ទួយវប្បធម៌ តាមរយៈការចូលរួមកម្មវិធីខាងលើនេះជាមួយឈុតប្រពៃណី បុរាណខ្មែរ ឬសហសម័យ លោក ឯម រៀម ក៏បានចូលរួមផងដែរ ដោយបង្ហាញខ្លួនជាមួយនឹងការច្នៃម៉ូដសម្លៀកបំពាក់ប្លែកពីគេ។ តែគំនិតនៃការច្នៃប្រឌិតរបស់លោក ធ្វើឱ្យមានមតិជាច្រើនសម្តែងការមិនពេញចិត្ត ដោយយល់ថា ឈុតរបស់លោក ពិតជាមិនស័ក្តិសមយកមកបង្ហាញក្នុងកម្មវិធីមួយនេះនោះទេ។

មតិសាធារណជនមួយចំនួនលើកឡើងថា លោក ឯម រៀម ធ្វើនេះគឺផ្ទុយស្រឡះពីកម្មវិធីដែលគេបានរៀបចំដែលមានអត្ថន័យថា «ខ្លឹមនៃព្រះនគរ» និងយល់ថា ទង្វើនេះហាក់បំផ្លាញវប្បធម៌ដ៏ល្អផូរផង់ខ្មែរផងដែរ។

ទោះបីជាយ៉ាងណាគិតមកដល់ពេលនេះនៅមិនទាន់ឃើញមានការចេញមុខបកស្រាយពីសំណាក់សាមីខ្លួនលោក ឯម រៀម នៅឡើយទេ។ ទន្ទឹមនឹងមតិរិះគន់ ក៏មានមតិស្នើដល់ក្រសួងវប្បធម៌ និងវិចិត្រសិល្ប: គួរពិនិត្យមើលករណីអ្នកច្នៃម៉ូដរូបនេះផងដែរ៕ ដោយ ៖ ចាន់រ៉ា