កីឡា
លីគនារីរដូវកាលថ្មីគួរឲ្យចាប់អារម្មណ៍ តែអ្នកគាំទ្រពិបាកទស្សនា
ការប្រកួតលីគបាល់ទាត់នារីកម្ពុជា រដូវកាលថ្មី បានចាប់ផ្តើមកាលពីថ្ងៃទី២៥ ខែមេសា ឆ្នាំ ២០២៦ ដែលទទួលបានការចាប់អារម្មណ៍ខ្លាំងពីអ្នកគាំទ្រដែលចង់ឃើញពីសមត្ថភាពរបស់ក្រុមកីឡាការិនីមួយៗនៅក្នុងរដូវកាលនេះ។
លីគនារីរដូវកាលថ្មីនេះអាចចាត់ទុកជាការប្រកួតដែលមានកម្រិតគុណភាពល្អ និងការប្រកួតប្រជែងស្វិតស្វាញខ្លាំងជាងរដូវកាលមុនៗ បន្ទាប់ពីក្រុមជាច្រើនបានពង្រឹងសមត្ថភាពគួរឲ្យចាប់អារម្មណ៍។ ម្ចាស់ជើងឯក ៣ រដូវកាលជាប់គ្នា ភ្នំពេញក្រោន ជាក្រុមខ្លាំងយូរមកហើយ ដោយសារពួកគេភាគច្រើនមានកីឡាការិនីកម្ពុជាល្អៗ និងមានកីឡាការិនីជប៉ុនដែលមិនចម្លែកទេសម្រាប់អ្នកគាំទ្ររដូវកាលនេះ។
អ្វីដែលគួរឲ្យចាប់អារម្មណ៍គឺ ក្រុមនារី ព្រះខ័នរាជស្វាយរៀង ដែលបានចាប់ផ្តើមរៀបចំក្រុម រាប់ចាប់តាំងពីគ្រូបង្វឹក គ្រូជំនួយ អ្នកចាត់ការ និងការនាំចូលកីឡាការិនីបរទេស។ ជាមួយគ្នានេះ ក្រុមនារីសៀមរាប អេហ្វស៊ីក៏មានកីឡាការិនីបរទេស ៤ នាក់ ហើយ បឹងកេត ក៏នាំចូលកីឡាការិនីជប៉ុន ហើយ វិសាខា និង ណាហ្គាវើលដ៍ ក៏ពង្រឹងក្រុមគួរឲ្យកត់សំគាល់ដែរ។
នៅពេលរដូវកាលថ្មីចាប់ផ្តើមភ្លាមពិតជាគួរឲ្យចាប់អារម្មណ៍តាមការត្រៀមខ្លួនរបស់ក្រុមនីមួយៗមែន។ ក្រុមនារី ព្រះខ័នរាជស្វាយរៀង បានវាយបកយកឈ្នះដោយលទ្ធផល ៦-៣ បន្ទាប់ពីត្រូវក្រុមនារី បឹងកេត នាំមុខ ២-០ នៅវគ្គទី១។ ចំណែក ក្រុមនារី ណាហ្គាវើលដ៍ និងក្រុមនារី សៀមរាប អេហ្វស៊ី បានបញ្ចប់ដោយលទ្ធផលស្មើគ្នា ១-១។
ចំពោះក្រុមនារី វិសាខា បានយកឈ្នះក្រុមនារីអិកស៍អូ យូណាយធីត ក្នុងលទ្ធផល ៤-០ ហើយក្រុមនារី ភ្នំពេញក្រោន បានលត់ក្រុមនារីខេត្តកំពង់ឆ្នាំង ដោយលទ្ធផល ៣០-១។ ក្រុមនារីខេត្តកំពង់ឆ្នាំងជាក្រុមដែលត្រូវបានមើលឃើញពីភាពទន់ខ្សោយជាងគេ។ សម្រាប់ ៤ គូក្នុងសប្តាហ៍ទី១ មានគ្រាប់បាល់កើតឡើងដល់ ៤៥ គ្រាប់។
ទោះបីជាយ៉ាងណា អ្នកគាំទ្រពិតជាពិបាកស្វែងរកការទស្សនាណាស់។ ការប្រកួតលីគនារីរដូវកាលនេះមិនមានការផ្សាយផ្ទាល់ទៀងទាត់ និងគ្រប់គូឡើយ។ ការប្រកួតខ្លះ ម្ចាស់ក្លិបជាអ្នកផ្សាយផ្ទាល់ដែលផ្សាយតែការប្រកួតរបស់ក្រុមខ្លួនប៉ុណ្ណោះ ហើយការប្រកួតភាគច្រើន មិនមានការផ្សាយឡើយ។ ដូច្នេះពិបាកសម្រាប់អ្នកគាំទ្រក្នុងការទស្សនា ទាំងអ្នកគាំទ្រក្នុងស្រុក និងក្រៅប្រទេស ពីព្រោះកីឡាការិនីមកពីក្រៅប្រទេសខ្លះមានអ្នកគាំទ្ររបស់ខ្លួនតាមដាន និងចង់ទស្សនា៕
អត្ថបទ៖ វិរបុត្រ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម