ព័ត៌មានអន្ដរជាតិ
ចិនជាប្រទេសដំបូងដែលផ្តល់ជំនួយមនុស្សធម៌ដល់អ៊ីរ៉ង់និងលីបង់ក្នុងជម្លោះមជ្ឈិមបូព៌ា
ចាប់តាំងពីសង្រ្គាមនៅអ៊ីរ៉ង់ចាប់ផ្តើមផ្ទុះឡើងនិងនៅតែបន្តរីករាលដាល់កាន់តែខ្លាំង មិនទាន់ឃើញប្រទេសណាមួយនៅក្នុងពិភពលោកផ្តល់ជំនួយមនុស្សធម៌ដល់ប្រទេសនេះ និងបណ្តាប្រទេសនៅមជ្ឈិមបូព៌ានៅឡើយទេ។ តែបន្ទាប់ពីសង្រ្គាមឈានចូលដល់សប្តាហ៍ទី៣ មហាអំណាចមហាយក្សចិនជាប្រទេសទី១ ផ្តល់ជំនួយដល់ប្រទេសដែលប៉ះពាល់ដោយសង្រ្គាមនៅអ៊ីរ៉ង់ បន្ទាប់ពីសហភាពអឺរ៉ុបបានផ្តល់ដល់ប្រទេសមួយចំនួននៅមជ្ឈិមបូព៌ា តែមិនមានអ៊ីរ៉ង់នោះទេ។
ប្រទេសចិននឹងផ្តល់ជំនួយមនុស្សធម៌ដល់បណ្តាប្រទេសនៅមជ្ឈិមបូព៌ា រួមទាំងអ៊ីរ៉ង់ និងលីបង់ ដែលត្រូវកំណត់ជាគោលដៅក្នុងការវាយប្រហាររបស់សហរដ្ឋអាមេរិក និងអ៊ីស្រាអែលចូលដល់សប្តាហ៍ទីបី។ នេះបើតាមក្រសួងការបរទេសចិន រាយការណ៍ដោយភ្នាក់ងារ AFP កាលពីថ្ងៃទី១៧ ខែមីនា ឆ្នាំ២០២៦ ។
ទីក្រុងប៉េកាំងគឺជាដៃគូជិតស្និទ្ធរបស់អ៊ីរ៉ង់ ក៏បានជំរុញឱ្យសហរដ្ឋអាមេរិក និងអ៊ីស្រាអែលបញ្ឈប់ការវាយប្រហារលើប្រទេសនេះ ខណៈប្រទេសចិនក៏រិះគន់ការវាយប្រហាររបស់ទីក្រុងតេហេរ៉ង់ប្រឆាំងនឹងរដ្ឋក្នុងឈូងសមុទ្រដែលមានមូលដ្ឋានយោធាអាមេរិកផងដែរ។
អ្នកនាំពាក្យក្រសួងការបរទេសចិន លោក Lin Jian និយាយថា៖ « សង្គ្រាមនេះបានបង្កឱ្យមានគ្រោះមហន្តរាយមនុស្សធម៌ធ្ងន់ធ្ងរនៅក្នុងប្រទេសអ៊ីរ៉ង់ និងប្រទេសមជ្ឈិមបូព៌ាដទៃទៀត»។
លោក Lin ប្រាប់សន្និសីទសារព័ត៌មានមួយថា៖ « ប្រទេសចិនបានសម្រេចចិត្តផ្តល់ជំនួយមនុស្សធម៌បន្ទាន់ដល់ប្រទេសអ៊ីរ៉ង់ ហ្ស៊កដានី លីបង់ និងអ៊ីរ៉ាក់។ ប្រទេសចិនសង្ឃឹមការផ្តល់នេះនឹងជួយកាត់បន្ថយស្ថានភាពលំបាកបានខ្លះដែលប្រជាជនក្នុងតំបន់កំពុងប្រឈម»។
លោកបន្ថែមថា៖ « ប្រទេសចិននឹងបន្តខិតខំប្រឹងប្រែងគ្រប់បែបយ៉ាងដើម្បីលើកកម្ពស់សន្តិភាព និងបញ្ឈប់សង្គ្រាម[…] និងដើម្បីទប់ស្កាត់ការរីករាលដាលបន្ថែមទៀតនៃវិបត្តិមនុស្សធម៌»។
ប្រទេសចិនបានស្វែងរកការសម្របសម្រួលនៅក្នុងសង្គ្រាមនេះ ដោយមានលោក Zhai Jun បេសកជនពិសេសប្រទេសចិនប្រចាំនៅមជ្ឈិមបូព៌ា ជំរុញឱ្យមានការបន្ធូរបន្ថយភាពតានតឹង។
ចំណែក អ្នកការទូតជាន់ខ្ពស់របស់ប្រទេសចិន លោក វ៉ាង យី ក៏បានលើកឡើងដែរថា៖ «សង្គ្រាមនេះមិនគួរកើតឡើងឡើយ។ យើងអំពាវនាវឱ្យបញ្ចប់ការប្រយុទ្ធគ្នាជាបន្ទាន់»៕
ការប្រកាសផ្តល់ជំនួយមនុស្សធម៌នេះបានកើតឡើងបន្ទាប់ពីប្រធានាធិបតីសហរដ្ឋអាមេរិក លោក ដូណាល់ ត្រាំ និយាយថា លោកនឹងពន្យារពេលដំណើរទស្សនកិច្ចដែលបានគ្រោងទុកទៅកាន់ទីក្រុងប៉េកាំង៕
ប្រែសម្រួល៖ ណឺ មិនា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»